ترکیہ کی برسر اقتدار جسٹس اینڈ ڈولپمینٹ پارٹی کے غا زی انتیپ سے رکن پارلیمنٹ اور پارلیمنٹ میں پاک-ترک پارلیمانی دوستانہ گروپ کے چئیرمین علی شاہین نے ترکیہ کے ایک نجی ٹیلی ویژن چینل کے پروگرام میں حصہہ لیتے ہوئے عالمی برادری کو متنبہ کیا ہے کہ امریکہ جس جنگ میں بھی ملوث ہوا ہے وہاں اس نے بچوں کا نشانہ بنانے سے بھی گرزی نہیں کیا ہے۔
انہوں نے کہا کہ امریکہ کی شروع کردہ جنگوں میں سب سے زیادہ متاڑ ہونے والے بچے ہیں۔
انہوں نے کہا کہ ناگاساکی پر ایٹم بم کے بعد وہ 6-7 سالہ بچہ جو اپنی پیٹھ پر مردہ بھائی کو اٹھائے ہوئے تھا، جنگ کی بے رحمی کی ایک لازوال تصویر ہے۔ یہ تصویر ‘ نا گاساکی کا بچہ’ کے نام سے تاریخ میں مشہور ہے اور انسانی المیے کو ایک فریم میں واضح کرتی ہے۔
انہوں نے ویتنام کی جنگ میں نیپالم بم کے اثرات سے جل جانے والی چھوٹی بچی کی تصویر کا ذکر کیا، جس میں بچی درد اور چیخ و پکار کے ساتھ ننگے ہو کر دوڑتی ہوئی نظر آتی ہے۔ اس تصویر کو “نیپالم کی بچی” کے نام سے جانا اور پہچانا جاتا ہے اور یہ بھی پلٹزر ایوارڈ یافتہ ہے۔
انہوں نے کہا کہ غزہ میں 3 سالہ رم اور 6 سالہ ہند رجب جیسے چھوٹے بچوں کی شہادت نے عالمی برادری کو جنگ کی انسانی قیمت کی یاد دلائی۔ افغانستان میں شربت گلہ اور ایران میں میناب کے اسکول پر بمباری کے بعد متاثر ہونے والی بچیوں کی تصاویر بھی اسی انسانی المیے کا حصہ ہیں۔
علی شاہین نے کہا کہ ‘ امریکہ کی جنگوں میں امریکہ کے لیے عبرت کا باعث بننے والی علامتیں وہ بچے ہیں جنہیں قتل کیا گیا اور ان کے باقی رہ جانے والے پلٹزر ایوارڈ یافتہ تصاویر ہمیں جنگ کی حقیقت سے ہر وقت آگاہ کرتی ہیں۔’
انہوں نے کہا کہ یہ تصاویر صرف المیے کی عکاس نہیں، بلکہ عالمی برادری کے لیے ایک لمحہ فکریہ ہیں کہ جنگ اور اس کے اثرات کی انسانی قیمت کو سمجھا جائے۔