ماہ اپریل کا تازہ ترین صدارتی سروئے ، ترکیہ کی تاریخ کا سخت صدارتی مقابلہ، دنیا کی نظریں ترکیہ کے صدارتی انتخابات پر

صدر ایردوان اور کمال کلِچ دار اولو میں سے کس کے جیتنے کے امکانات زیادہ ہیں؟

ماہ اپریل  میں میٹروپول  کمپنی کی جانب سے کروائے جانے والے  سروئے میں چار صدارتی امیدواروں میں سے  دو صدارتی امیدواروں کے درمیان بڑا سخت مقابلہ ہونے کی توقع کی جا رہی ہے۔یہ دو صدارتی امیدوار   صدر  رجب طیب ایردوان اور اپوزیشن کے ملت اتحاد  کے صدارتی امیدوار   کمال کلیچدار اولو  ہیں۔ ان دونوں رہنماوں کے درمیان سخت مقابلہ ہونے اوروقت کے ساتھ ساتھ بہت ہی کم فرق رہ جانے سے آگاہ کیا گیا ہے۔

میٹرو پول کے ماہ اپریل کے سروئے کے مطابق   اس وقت تک  اپوزیشن کے ملت اتحاد کے صدارتی  امیدوار    کمال کلیچ دار اولو کو 42٫6 فیصد ووٹروں کی حمایت حاصل ہے  تو جمہور اتحاد  کے صدارتی امیدوار  رجب طیب ایردوان کو 41٫1 فیصد ووٹ ملتے ہوئے دکھائی دیتے ہیں۔ 

ترکیہ میں اب جبکہ  14 مئی 2023 کے انتخابات میں  چند دن ہی باقی رہ گئے ہیں  اور سپریم الیکشن کمیشن کی جانب سے  انتخابی شیڈول پر سختی سے عمل درآمد کیا جا رہا ہے  تو اسی دوران صدارتی انتخابات اور پارلیمانی انتخابات  کے سروئے  اور ان کو حاصل ہونے والے ووٹوں کے تناسب کو مختلف سروئے کمپنیوں  نے ماہ اپریل میں بھی  ایک دوسرے کے بعد سروئےکے نتائج پیش کرنے کا سلسلہ جاری رکھا ہوا  ہے۔ 

ماہ اپریل میں جس سروئے کمپنی  نے سروئے  کروایا ہے وہ  ترکیہ کی مشہور میٹرو پول سروئے کمپنی ہے اور اس سروئے کمپنی کے چئیرمین   اؤزیر  سنجار نے اس سروئے کی تفصیلات شئیر کی ہیں۔

کمال کلیچ دار  اولو کو   صدر ایردوان پر برتری 

اس سروئے کے مطابق ملت اتحاد  کی صدارتی امیدوار کمال کلیچ دار اولو  صدر رجب طیب ایردوان سے آگے  ہونے کے باوجود  صدارتی  انتخابات کا فیصلہ  دوسرے مرحلے کے انتخابات میں ہو نے  کی توقع کی جا رہی ہے۔  

میٹرو پول سروئے  کمپنی کی جانب سے  کروائے جانے والے  سروئے میں جو سوال کیا گیا تھا وہ کچھ یوں تھا ۔ اگر ملک میں آج صدارتی انتخابات ہوتے ہیں تو  آپ کس امیدوار کو ووٹ دیں گے؟ حاصل ہونے والے نتائج کی شرح کچھ یوں رہی ہے۔  

کمال کلیچ دار اولو : 42٫6 فیصد

رجب طیب ایردوان : 41٫1 فیصد

محرم اِنجے: 5 فیصد

سینان  اوعان: 2٫2 فیصد

فیصلہ نہیں کیا: 4٫4 فیصد

جواب نہیں: 3٫1 فیصد

سروئے کے مطابق   مملکت پارٹی  کے صدارتی امیدوار  محرم اِنجے کے ووٹوں کی تعداد 5 فیصد ہے تو  اتا اتحاد کے صدارتی امیدوار   سینان  اوعان کے ووٹروں کی تعداد  2٫2 فیصد ہے۔

ابھی تک  فیصلہ نہ کرنے والے ووٹروں کی تعداد  4٫4 فیصد ہے تو  جواب نہ دینے والے  ووٹروں کی تعداد  3٫1 فیصد ہے۔

نیشنلسٹ  موومنٹ پارٹی MHPکے ووٹروں  میں سے 13٫7 فیصد ووٹروں نے  صدارتی انتخابات میں اپنا ووٹ  کمال کلیچ دار اولو کے حق میں استعمال کرنے سے آگاہ کیا ہے تو مملکت پارٹی  کے  14٫5 فیصد ووٹرز اپنا ووٹ کمال کلیچ دارو اولو کے حق میں  استعمال کریں گے   تو اسی پارٹی کے  3.2 فیصد ووٹر صدر رجب طیب ایردوان کے لیے ووٹ ڈالیں گے۔