صدارتی اور پارلیمانی انتخابات سے متعلق تازہ ترین سروئے، کس صدارتی امیدوار کی جیت کے چانسز بڑھتے جا رہے ہیں؟

پارلیمانی انتخابات میں کونسی جماعت اپنی واضح برتری برقرار رکھے ہوئے ہے؟

(نوٹ: TR-URDU ترکیہ کی پہلی  اور واحد  غیر جانبدار اُردو  نیوز ویب سائٹ ہے۔ اس ویب  سائٹ  میں ترکیہ کی بر سر اقتدار  اور اپوزیشن تمام  ہی  جماعتوں  اورقائم  اتحاد   سے متعلق  خبروں، تبصروں اور سروئیز  کو  بلا امتیاز  جگہ دی  جاتی ہے۔ ان تمام خبروں  اور سروئیز کے  ذرائع  ترک میڈیا اور ایجنسیاں ہی ہیں ۔اس  نیوز ویب سائٹ  کا ان خبروں اور تبصروں سے متفق ہونا ضروری نہیں ہے)

ترکیہ میں 14 مئی کے صدارتی اور پارلیمانی  انتخابات کا وقت قریب آتا جا رہا ہے  سروئے کرنے والی کمپنیوں کے نتائج  بھی بڑی سرعت سے سامنے آرہے ہیں اور ان نتائج   کو    فوری طور پر یہ کمپنیاں عوام    تک پہنچا رہی ہیں۔ ترکیہ کی قابلِ  اعتماد سروئے کمپنیوں میں سے   Genar ریسرچ کمپنی کی  جانب سے اپریل میں  کروائے گئے  تازہ ترین سروے کے نتائج سے عوام کا آگاہ کیا گیا ہے۔  اس سروے میں صدارتی انتخابات اور پارلیمنٹ کے عام انتخابات  سے متعلق سروئے کے نتائج شامل ہیں ۔ اس سروئے کے نتائج کے مطابق   صدر ایردوان  اور ان کی  جماعت آق پارٹی  پہلے نمبر پر ہے۔

اگر ترکیہ میں آج صدارتی انتخابات ہوتے ہیں تو آپ کس صدارتی امیدوار کو ووٹ دیں گے؟ 

جنر ریسرچ کے سربراہ احسان آقتاش  نے اپریل کے سروے کے نتائج کو عوام کے ساتھ شیئر کیا ہے۔ سروے کے نتائج کا جائزہ لیا  جائے تو پتہ چلتا ہے  کہ  صدر رجب طیب ایردوان اور  ان کی جماعت  آق پارٹی انتخابی دور میں بہت آگے ہیں۔

صدارتی انتخابات

سروئے کرنے والی کمپنی کا    شہریوں سے پہلا سوال یہ  تھا  صدارتی انتخابات میں کون جیتے گا؟اس سوال کا جواب دیتے ہوئے  54 فیصد شہریوں نے کہا کہ صدارتی انتخابات میں صدر ایردوان جیت جائیں گےجبکہ  41٫8 فیصد ووٹروں کا خیال تھا کہ انتخابات میں کامیابی  کا سہرا کمال کلیچ دار اولو کے سر پر ہوگا۔  ان  صدارتی  پول میں محرم  اِنجے کو 3.1 فیصد اور سینان اوعان   کو 1.1 فیصد ووٹ ملے۔

صدارتی انتخابات میں مختلف جماعتوں کے حامیوں  کے ووٹوں کی تقسیم کچھ یوں رہی

انہی شہریوں سے یہ  سوال بھی کیا گیا  کہ  وہ اس بار عام انتخابات میں کس کو ووٹ دیں گے۔ اس کے جواب میں آق پارٹی سے تعلق رکھنے والے   98٫2 فیصد  لوگوں نے  صدر ایردوان کو نیشنلسٹ  موومنٹ پارٹی MHP کو ووٹ دینے والوں   میں سے  83٫7 فیصد نے صدر ایردوان   کے صدارتی انتخابات میں کامیاب ہونے  کا اظہار کیا۔

پارلیمانی  انتخابات

جینر ریسرچ کے سروے میں شہریوں سے یہ سوال کیا گیا  کہ  اگر آج پارلیمانی عام انتخابات ہوتے ہیں تو آپ کس پارٹی کو ووٹ دیں گے؟  تو ان  میں سے  39٫1 فیصد  نے آق پارٹی  اور 26٫2 فیصد نے ری پبلیکن پیپلز پارٹی  CHP کو ووٹ دیے۔ جمہور اتحاد ہی میں شامل  نیشلسٹ  موومنٹ پارٹی MHP کے ووٹوں کی شرح 7٫3 فیصد جبکہ گڈ پارٹی  IYI پارٹی کے ووٹوں کی شرح7٫4 فیصد رہی ۔

صدر ایردوان 3.4 پوائنٹس سے آگے

سروے کے  آخر  میں صدارتی انتخابات میں  صدر ایردوان اور کمال  کلیچ دار اولو  کے درمیان مقابلہ ہونے کی صورت میں نتائج کو    بھی شئیر کیا گیا۔

نتائج کے مطابق صدر ایردوان کو 51.7فیصد  اور کمال کلیچ دار اولو  کو  48.3 فیصد ووٹ ملے ہیں   جس سے  صدر ایردوان کے اپنے  قریبی حریف  پر  3.4 فیصد کی برتری  نظر آ رہی ہے۔

 صدارتی انتخابات میں امیدواروں کی شرح تناسب