ترکیہ کےتمام شہروں کے مئیر کےانتخابات، کس جماعت کاپلڑہ بھاری ؟ آق پارٹی استنبول کی مئیر شپ حاصل کر پائے گی؟

کیا یہ صدر ایردوان کی سیاسی زندگی کے آخری انتخابات ہیں؟

ترکیہ  بھر  کے 81 صوبوں  بلدیاتی انتخابات کےلیے ووٹنگ ڈالنے کا سلسلہ جاری ہے۔

یہ بلدیاتی انتخابات صدر ایردوان کی سیاسی زندگی کے انتخابات ہونے کی وجہ سے  بڑی اہمیت کے حامل ہیں۔

ترکیہ کے  32 صوبوں  کے علاوہ دیگر صوبوں میں رائے  دہی کا عمل صبح 8 بجے سے شام 4 بجے تک جاری رہے گا۔

 بلدیاتی انتخابات میں  81 صوبوں  اور 973 اضلاع سمیت 390 قصبوں کے لیے مئیرز کا انتخاب کیا جا رہا ہے۔

ترکیہ کے  تمام ہی بڑے شہروں میں   صدر ایردوان کے جمہور اتحاد (پیپلز الائنس)  اور  حزبِ اختلاف کی  جماعت ری پبلیکن پیپلز پارٹی(CHP)   کے درمیان سخت مقابلے کی توقع کی جا رہی ہے۔

اصل مقابلہ ترکیہ کے تاریخی ، سیاحتی اور  ثقافتی شہر استنبول   میں صدر  ایردوان کے جمہور اتحاد کے حمایت یافتہ  مرُات  کُرم

( Murat Kurum ) اور  حزبِ اختلاف کی جماعت   ری پبلیکن پیپلز پارٹی(CHP)    کے امیدوار  اور موجود مئیر  اکرم امام اولو (Ekrem Imamoğlu)    کے درمیان  ہونے کی توقع کی جا رہی ہے۔ اس شہر میں  کردوں کی جماعت  DEM پارٹی کے ووٹ  کلیدی کردار ادا کریں گے( CHP اور DEM پارٹی کے درمیان خفیہ اتحاد ہونے کا دعویٰ کیا جا رہا ہے )  جبکہ سابق وزیراعظم نجم الدین  ایربکان  کے صاحبزادے  فاتح ایربکان کی جماعت  نیو رفاہ پارٹی  کے اس بار   صدر ایردوان کے جمہور اتحاد (پیپلز الائنس)   کا ساتھ نہ دینے کی وجہ سے   صدر ایردوان کے اتحاد کو استنبول میں مشکلات کا سامنا کرنا پڑسکتا ہے۔

انقرہ میں    بھی صدر ایردوان کے جمہور اتحاد (پیپلز الائنس)  اور  حزبِ اختلاف کی  جماعت ری پبلیکن پیپلز پارٹی(CHP)   کے درمیان  کانٹے دار مقابلہ دیکھا جا رہا ہے۔ اس شہر میں   حزبِ اختلاف کی  جماعت ری پبلیکن پیپلز پارٹی(CHP)    کے امیدوار اور موجودہ مئیر   منصور یاواش  اور  صدر  ایردوان کے جمہور اتحاد کے حمایت یافتہ    تُرگت آلتنوک کے درمیان ہونے کی توقع ہے۔

ترکیہ کا بحیرہ بحیرہ ایجین کا موتی کہلوانے والا شہر ازمیر  جو کہ    حزبِ اختلاف کی  جماعت ری پبلیکن پیپلز پارٹی(CHP)     کے قلعے  یا گڑھ کی حیثیت رکھتا ہے اس بار  اس شہر میں سر پرائز ہونے کی بھی توقع کی جارہی ہے ۔ یہاں  ری پبلیکن پیپلز پارٹی(CHP)     کے امیدوار    جمیل توگائے  اور  صدر  ایردوان کے جمہور اتحاد کے حمایت یافتہ      حمزہ داع کے درمیان  بھی  سخت مقابلہ دیکھا جاسکتا ہے اور اس بار  شاید حالات آق پارٹی کے حق میں بھی جاسکتے ہیں۔

ترکیہ کے وسطی اناطولیہ اور بحیرہ اسود  کے علاقوں میں بڑی تعداد میں  صدر  ایردوان کے جمہور اتحاد کے حمایت یافتہ  امیدواروں  کی جیتنے کی توقع کی جا رہی ہے جبکہ  بحیری ایجین کی ساحلی پٹی  پر  ری پبلیکن پیپلز پارٹی(CHP)      کے امیدواروں کے جیتنے کے واضح امکانات ہیں۔ اس کے علاوہ ملک کے  جنوب مشرقی صوبوں میں  کردوں کی جماعت  DEM پارٹی اپنی گرفت قائم کرلے گی۔