بیس سالہ دور کرپشن اور رشوت ستانی کا دور ہے
ترکیہ میں بد عنوانی ، رشوت اور غربت کا خاتمہ ہماری ترجیح ہے
ترکیہ کی سعادت پارٹی کے چئیرمین تیمل قارا مولو اولو نے صدر ایردوان پرالزامات کی بمباری کرتے ہوئے کہا ہے کہ صدر ایردوان کے بیس سالہ کرپشن اور رشوت ستانی کے نظام کو ختم کرنا کوئی آسان کام نہیں ہے۔انہوں نے کہا کہ ہماری ترجیح ترکیہ میں بدعنوانی ، رشوت ، اور غربت کو ختم کرنا ہے۔ یقیناً یہ آسان کام نہیں ہے لیکن ہم ایسا کرکے ہی دم لیں گے۔
انہوں نے کہا کہ وہ صدر ایردوان کی اس بیان پر پر ہنسیں یا روئیں ک جس میں انہوں نے کہا ہے کہ وہ کرپشن اور رشوت سے پاک ترکی کا وعدہ کر کے اپنے اقتدار کو جاری رکھیں گے۔ ان کے یہ الفاظ اس اعتراف کے سوا کچھ نہیں کہ انہوں نے 20 سال سے اس مسئلے پر ایک بھی سنجیدہ قدم نہیں اٹھایا ہے۔انہوں نے کہا کہ جناب صدر، آپ کا کام بہت مشکل ہے۔ 20 سال سے کرپشن اور رشوت ستانی کی دلدل میں پھنسی حکومت کے لیے 8 سے 10 ماہ کی قلیل مدت میں اس دلدل سے نکلنا ممکن نہیں ہے۔
ترکیہ کی سعادت پارٹی کے چئیرمین تیمل قارا مولو اولو نے کہا کہ ترکی میں اس وقت کوئی ادارہ بھی عوام کے مسائل حل کرنے کے لیے کوئی سنجیدہ کام نہیں کررہا ہے ہے
صرف ایک ہی ادارہ دن رات کام کررہا ہے اور وہ ہے ملک کا اسٹیٹ بینک جو صبح شام نوٹ چھاپ رہا ہے اور اسی وجہ سے ہمیں نئے نئے نوٹ روز مل رہے ہیں۔
دن رات کام کرنے والے پرنٹنگ ہاؤس میں چھپنے والی رقم اور غلط پالیسیوں کے نتیجے میں بڑھتی ہوئی مہنگائی سے مزدوروں اور سرکاری ملازمین کی تنخواہوں میں اضافے سے کوئی فرق نہیں پڑ رپا ہے کیونکہ تھوڑے ہی عرصے بعد تنخواہوں میں یہ اضافہ ہوا میں تحلیل ہوجاتا ہے اور ان کی تنخواہا مہینہ ختم ہونے سے بہت پہلے ہی ہوا میں اڑ جاتی ہے۔
انہوں نے کہا کہ حکومت اس وقت اپنی کرسی بچانے کی فکر میں ہے ۔اسے یہ احساس نہیں ہے کہ ان کی غلط پالیسیوں کی وجہ سے قوم کس کڑوی دوا پیے گی۔ ہمارا خیال تھا کہ حکومت تھکاوٹ کا شکار ہے لیکن حکومت کو اس سے کہیں زیادہ مشکل صورتحال کا سامنا ہے بلکہ وہ ایک سنگین نفسیاتی عارضے میں مبتلا ہوچکی ہے۔