ترکیہ کے 99 ویں یومِ جمہوریہ کے موقع پر پاکستان کے وزیر اعظم میاں محمد شہباز شریف نےانگریزی اور ترکی زبان میں مبارکباد کا پیغام روانہ کیا ہے۔
وزیر اعظم شہباز شریف نے اپنے تہنیتی پیغام میں کہا ہے کہ” میں ترکیہ کے 99 ویں یوم جمہوریہ پر صدر رجب طیب ایردوان اور ترکیہ کے عوام کو دل کی گہرائیوں سے مبارکباد پیش کرتا ہوں۔ غازی مصطفی کمال اتاترک کی قیادت میں آزادی کے لیے ترک عوام کی بہادرانہ جدوجہد ، تاریخ میں ایک نمایاں مقام رکھتی ہے۔
انہوں نے اپنی دوسری ٹویٹ میں کہا کہ ” گزشتہ برسوں کے دوران صدر ایردوان کی قیادت میں ترکی کی متاثر کن اقتصادی ترقی کو دنیا تسلیم کرتی ہے۔ پاکستان ٹریڈ، کامرس اور انڈسٹری میں بڑے پیمانےان تمام شعبوں میں تعاون کو فروغ دیتے ہوئے ابھی تک غیر استعمال شدہ شعبوں کی تلاش کرتے ہوئے ان کثیر جہتی تعلقات کو مزید گہرا کرنے کا خواہشمند ہے ۔”