صدر رجب طیب ایردوان نےآج صدارتی محل کے کنونشن سینٹر میں ضلعی مفتی مشاورتی اجلاس میں نئے آئین کے بارے میں اہم بیان دیتے ہوئے کہا ہے کہ ہیڈ اسکارف سے متعلق قانون منظور کرواتے ہوئے خاندانی ڈھانچے کا تحفظ کرنے کا ارادہ رکھتے ہیں ۔
صدر ایردوان نے اس موقع پر خطاب کرتے ہوئے کہا کہ جدید دور میں جہاں مادیت نے پوری انسانیت کو اپنا غلام بنا رکھا ہے وہاں دانشوروں اور عقلمند انسانوں پر بھی بھاری ذمہ داریاں عائد ہوتی ہیں۔
انہوں نے کہا کہ ہمارے نوجوانوں کو آگاہی فراہم کرنا اور تعلیم سے بہرہ مند کرنا آپ سب کی ذمہ داری ہے۔
“ہمارا مقصد خاندانی اکائی کو مضبوط بنانا اور اس کا تحفظ کرنا ہے “
صدر ایردوان نے کہا کہ انسانیت کو مادی میدان میں ملنے والے بے شمار مواقع کے باوجود روحانی لحاظ سے اپنی افادیت کھوتی جا رہی ہے۔ کج روی، بداخلاقی اور غیر اخلاقی تعلقات کی جان بوجھ کر حوصلہ افزائی کی جا رہی ہے۔ اگر ہم نے ابھی ہی سے اپنے اوپر عائد ہونے والے فرائض کو ادا نہ کیا تو ہم مستقبل میں اپنے آپ کو شدید مسائل میں گھرا ہوا پائیں گے۔
انہوں نے اپنے خطاب میں کہا کہ ہیڈ اسکارف سے متعلق خاکہ بل پارلیمنٹ میں پیش کرتے ہوئے اسے آئینی تحفظ دیتے ہوئے بد اخلاقی کو فروغ دینے والی تحریک کا مقابلہ کرنے اور خاندانی اکائی کا تحفظ کرنے کے لیے آئینی ضمانتیں فراہم کرنے کا ہدف رکھتے ہیں۔ کیا اس ملک میں اس بارے میں کوئی ریسرچ کرنے والا ہے ؟ موجود ہے ۔ لیکن ہم اپنے اس اسلامی معاشرے کے ساتھ کسی کو کھیلنے کی ہرگز اجازت نہیں دیں گے۔
میں قومی اسمبلی میں اپنے تمام باضمیر اراکین اسمبلی کے ساتھ اپنے اس ہدف کو حاصل کرنے کا ارادہ رکھتا ہوں۔
کسی بھی شخص کو مساجد میں نمازیوں کو قتل کرنے اور پھر اس کا جواز پیش کرنا قابلِ قبول نہیں ہے۔
کسی بھی تنظیم کا نام خواہ کچھ بھی ہو ۔ یہ داعش ہو ، باوکو حرام ہو یا پھر فیتو ہو یہ سب تنظیمیں ہمارے مذہب کو بدنام کرنے والی تنظیمیں ہیں ۔
کچھ بد خواہ قران کریم کی تعلیم یا کورسز کو قرون وسطیٰ کی ذہنیت قرار دیتے ہوئے اسے نیچا دکھانے کی کوشش کرتے ہیں لیکن ہماری قوم قرآن کریم کی تعلیم اور کورسز کو بڑی اہمیت دیتی ہے ۔ ہم 4تا 6 سال کے بچوں کی بہترین بہترین طریقے سے پرورش کرتے ہوئے ہی تاریخ پر نظر ڈالیں گے۔