صدر ایردوان دنیا کو اناج کے بحران سے محفوظ رکھنے کے لیے اتوار کو صدر ولادیمیر پوتن اورصدر ولادیمیر زیلنسکی سے ٹیلی فونک رابطہ کریں گے
استنبول میں TRT ورلڈ فورم 2022 کی افتتاحی تقریب سے خطاب کرتے ہوئے صدر ایردوان نے اس حقیقت کی طرف توجہ مبذول کروائی کہ اس سال کا فورم ایک ایسے وقت میں منعقد ہورہا ہے جب عالمی سطح پر نئی قسم کی کورونا وائرس کی وبا اور روس-یوکرین جنگ جاری ہے
.
صدر رجب طیب ایردوان نےاپنے خطاب میں کہا ہے کہ وہ اناج کے بحران کو حل کرنے کے لیے اتوار کو روسی صدر ولادیمیر پوتن اور یوکرین کے صدر ولادیمیر زیلنسکی سے ملاقات کریں گے۔
انہوں نے کہا کہ روس اور یوکرائن کی جنگ میں ہونے والے بھاری جانی نقصان کے علاوہ، خطے اور دنیا کے لیے بہت سنگین انسانی، اقتصادی اور سیاسی قیمت چکانا پڑرہی ہے۔ ، ایردوان نے کہا کہ وہ امن کےقیام کے بڑے پیمانے پر سفارتی ٹریفک کو جاری رکھے ہوئے ہیں ۔
“TRT ورلڈ فورم گزشتہ دو سال کویڈ-19 کی وجہ سے آن لائن منعقد کیا جاتا رہا ہے اور اب آپ کو اپنے سامنے دیکھ کر بڑی خوشی ہو رہی ہے۔ یہ فورم، جو چھٹی مرتبہ منعقد ہوا، عالمی انسانی، سماجی اور سفارتی تعامل کا ایک اہم پلیٹ فارم بن گیا ہے۔ ہر سال، معیشت، سیاست، سیکورٹی، ٹیکنالوجی اور بین الاقوامی تعلقات کے شعبوں سے بہت سے قابل نام اس پلیٹ فارم پر شرکاء کے ساتھ اپنی قیمتی آراء کا اظہار کرنے کا موقع پاتے ہیں۔
انہوں نے کہا کہ TRT ہمارا قومی نشریاتی ادارہ ہے جس نے اپنی نشریات اور پروڈکشنز اور اس طرح کے پلیٹ فارمز کے ذریعے بین الاقوامی مواصلاتی چینلز میں مستقل نشانات چھوڑے ہیں۔
صدر ایردوان نے کہا کہ کچھ عرصےقبل تک ترکیہ میں غیر ملکی ٹی وی سیریز نے اپنی چھاپ لگا رکھی تھی ترکیہ کی ڈرامہ سیریز ، سینما اور دستاویزی پروگرام دنیا پر اپنی حاکمیت قائم کیے ہوئے ہے۔
ٹی آر ٹی ورلڈ فورم میں ویڈیو لنک کے ذریعے براہ راست شرکت کرنے والے یوکرین کے صدر ولادیمیر زیلنسکی نے کہا کہ خوراک کے بحران نے پوری دنیا کو متاثر کیا ہے۔ اس سال خوراک کا بحران عالمی منڈی میں عدم استحکام کا باعث بنا ہے۔ مختلف ممالک، خاص طور پر کچھ افریقی اور ایشیائی ممالک نے خوراک کے بحران کے منفی اثرات کو محسوس کیا۔
دو روزہ TRT ورلڈ فورم 2022 میں بڑی تعداد میں عالمی شہرت یافتہ شخصیات شرکت کررہی ہیں۔