ترکیہ کے دارالحکومت انقرہ کے ایک فائیو سٹار ہوٹل میں Best Models of Turkiye-22 منعقد ہوا۔
جوکر ایجناس انقرہ کے زیر اہتمام 12 ویں بار منعقد ہونے والے بیسٹ ماڈل آف ترکیہ -2022 میں زیادہ تر ترکیہ کی یونیورسٹیوں کے طالبات نے حصہ لیا۔ ہر سال منعقد ہونے والے اس مقابلے میں امسال انٹر نٹ کے ذریعے پہلی بیس طالبات کا انتخاب کیا گیا تھا اور ان منتخب طالبات کو کچھ عرصہ اس مقابلے کے فائنل کے لیے ٹریننگ بھی دی گئی تھی
اتوار کے روز منعقد ہونے والے فائنل مقابلے میں بڑی تعداد میں ترکیہ کی ممتاز شخصیات نے شرکت کی۔
ترکیہ کی مختلف ماڈل ایجنسیوں سے تعلق رکھنے والی شخصیات نے جیوری کے فرائض ادا کیے۔ دوران جوپر آقسوئے نے گانے گا کر حاضرین میں جوش و خروش پیدا کردیا ۔
جیوری کی جانب سے کیے جانے والے فیصلے کی رو سے چوتھی پوزیشن TED یونیورسٹی کی شعبہ آرکیٹیکچر کی 20 سالہ طالبہ جیدا ییمان Ceyda Yiğman نے حاصل کیا اور انہیں نسرین کلاوز نے گاون اور تاج پہنایا۔
تیسری پوزیشن کالج کی فائنل ائیر کی 17 سالہ آفینہ پودسیسالووہ Afina Podsevalova نے حاصل کی اور انہیں فاطمہ سمیز نے تاج اور گاون پہنایا ۔
دوسری پوزیشن انقرہ کی بلکنت یونیورسٹی کے شعبہ آرکیٹیکچرکی 19 سالہ طالبہ ارم رونا نے حاصل کی اور انہیں معمر کیتین جی اور گل مرات اولو نے تاج پہنایا۔
پہلی پوزیشن کے بارے میں باقی ماڈلز پرنظری مرکوز تھیں اور ان میں سے بیست ماڈل آف -2022 کا اعزاز 21 سالہ ڈایانہ ایرماکDiana Ermak نے حاصل کیا اور ان کی تاجپوشی سیمرا قزل میشے اور اورچون آپائے نے کی۔