استنبول کے مئیر کو سپریم الیکن کمیشن کے اراکین کی توہین کرنے کے الزام میں 2 سال 7 ماہ 15 روز کی قید کی سزا سنا ئی گئی ہے۔
استنبول کے مئیر اکرم امام اولو پر انتخابات کی منسوخی کے بعددیے گئے پریس بیان میں ترکیہ کے سپرئم الیکشن کمیشن کے چیئرمین اور اراکین کی توہین کرنےکے الزام میں مقدمہ چلایا جا رہا تھا اور استنبول عدلیہ نے طویل عرصے بعد اس مقدمے کا فیصلہ سناتے ہوئے امام اولو کو “توہین” کے جرم میں 2 سال اور 7 ماہ اور 15 روز کی قید کی سزا سنائی ہے۔
عدلیہ کے اس فیصلے کے فوراً بعد سراچ حانے میں عوام سے خطاب کرتے ہوئے استنبول کے مئیر اکرم امام اولو نے کہا ہے کہ ” 2023 کا سال ترکیہ کی تاریخ کا آئیڈیل سال ہوگا۔ ہم دن رات ایک ساتھ کندھے سے کندھا ملا کر کام کریں گے۔ اپنی قوم کو روشن مستقبل کی جانب موجودہ ذہنیت سے چھٹکارہ حاصل کریں ۔انہوں نے کہا کہ “ملت اتحاد” میں شامل چھ جماعتوں نے کل سراچ حانے میں جمع ہونے کا فیصلہ کیا ہے۔
انہوں نے کہا کہ کوئی خبطی ہی ان کو انتخابات میں حصہ لینے سے روک سکتا ہے۔
استنبول میں عدلیہ نے الیکشن کمیشن کے اراکین سے حقارت آمیز رویہ اختیار کرنے پر امام اولو کو 2 سال 7 ماہ اور 15 دن قید کی سزا سنائی اور اگر اپیل کورٹ اور سپریم کورٹ اس فیصلے کو برقرار رکھتی ہے تو امام اولو پر سیاست میں حصہ لینے پر پابندی عائد ہو جائے گی اور امام اولو جن کے صدارتی انتخابات میں صدر ایردوان کے مدِ مقابل آنے کی توقع کی جا رہی تھی اس طریقے سے وہ صدارتی انتخابات میں حصہ نہیں لے سکیں گے۔
امام اولو نے اس موقع پر صدر ایردوان کے استنبول مئیر ہونے کے دور کے الفاظ کی یاد دہانی کرواتے ہوئے کہا کہ “عدلیہ کی جانب سے کیے جانے والا فیصلہ بدصورت فیصلہ ہے۔ عدلیہ آزاد نہیں ہے ، عدلیہ انصاف کے اصولوں کی پیروی کرنے کی بجائے سیاست کی آلہ کار بنی ہوئی ہے۔ یہ راستہ غلط راستہ ہے۔ عدلیہ پر سیاست کرنے والوں کو ایک دن انصاف کی ضرورت پڑے گی۔” امام اولو نے کہا کہ ایردوان کے یہ الفاظ بالکل درست تھے۔
امام اولو نے کہا کہ “کاش یہ مقدمہ قانونی مقدمہ ہوتا “
استنبول کے مئیر امام اولو نے کہا کہ “یہ فیصلہ انصاف کےتقاضوں سے عاری ہے۔ قانون کو نظر انداز کر کے چند مٹھی بھر لوگوں کے فیصلوں کو جگہ دی جا رہی ہے۔ یہ مقدمہ انصاف کا مقدمہ ہےاور انصاف کے تقاضوں کو پورا کیا جانا چاہیے۔
عدلیہ کے اس فیصلے کے بعد ری پبلیکن پیپلز پارٹی کے چئیرمین کمال کلیچداور اولو اپنے دورہ جرمنی کو ادھورہ چھوڑتے ہوئے واپس ترکیہ آرہے ہیں۔
ترکیہ کے سابق صدر عبداللہ گل نے استنبول کے مئیر اکرم امام اولو کوسنائی گئی قید کی سزا کے بعد اپنے سوشل میڈیا اکاؤنٹ پر ایک بیان دیتے ہوئے کہا کہ “قوم کا فیصلہ سب پر مقدم ہے “انہوں نے کہا کہ “مجھے یقین ہے کہ عدلیہ اپنے اس غلط فیصلے کو درست کرے گی”انہوں نے کہا کہ “آج کا عدالتی فیصلہ نہ صرف اکرام امام اولو کے ساتھ بلکہ ترکیہ کے خلاف بھی بہت بڑی ناانصافی ہے۔
اس موقع پر ” ملت اتحاد” میں شامل چھ جماعتوں کے رہنماؤں نے بیانا جاری کرتے ہوئے سپرئم الیکشن کمیشن کے چئیرمین اور اراکین کی توہین کرنے کے الزام میں 2 سال اور 7 ماہ قید کی سزا سنائی گئی ہے کے خلاف اور ڈیموکریسی کے حق میں کا سراچ حانے میں مدعو کیا ہے۔