صدر ایردوان نے کہا ہے کہ ہے ترکیہ ایک آزاد اور خودمختیار ملک ہے اور اسے اپنے مستقبل کا فیصلہ خود کرنے کا حق حاصل ہے ۔انہوں نے کہا کہ غیر ممالک نے ترکیہ کی دفاع سے متعلق ضروریات کو نظر انداز کیا جس پر ترکیہ کو خود ہی اپنے دفاع کے لیے اقدامات اٹھانے پڑرہے ہیں ۔
صدرایردوان نے ان خیالات کا اظہار ترکمانستان سے واپسی پر اخباری نمائندوں سے بات چیت کرتے ہوئے کیا۔
انہوں نے شام انتظامیہ سے متعلق مذاکرات شروع کرنے سے متعلق سوال کا جواب دیتے ہوئے کہا کہ” میں نے روس کے صدر پوتن کو ترکیہ،شام اور روس کے درمیان مذاکرات شرقوع کرنے کی تجویوش پیش کی ہے جس پر روس کے صدر نے مثبت ردِ عمل ظاہر کیا ہے۔انہوں نے کہا کہ اس سلسلے میں ایک سہ رکنی ڈھانچہ تشکیل دیا جائے گا پہلے خفیہ سروس کے ساتھ مذاکرات کا سلسلہ شروع کیا جائے گا ،بعد میں وزارتِ دفاع اور وزارتِ خارجہ کے اعلیٰ حکام اور وزراء کے درمیان مذاکرات شروع ہوسکتے ہیں اور ان مذاکرات میں پیش رفت ہونے کی صورت میں سربراہی سطح پر بھی مذاکرات کیے جاسکتے ہیں۔
ایردوان نے کہا کہ شام کے حوالے سے اقدامات کا انحصار ہمارے ملکی مفادات کے پیش نظر ہوگا۔
انہوں نے شام سے ترکیہ کو درپیش دہشت گردی کے خطرات اور تیل کے کنووں کے ذریعے دہشتگرد تنظیموں کی مالی اعانت کرنے پر امریکہ کی سرزنش کی اور کہا کہ اب تک ہم نے حتی الامکان صبر کیا ا لیکن پیمانہ لبریز ہو چکا ہے،اگر امریکہ نے ان دہشت گردوں کو اسلحہ اور دیگر امداد کا سلسلہ جاری رکھا تو ہمیں خود ہی کوئی قدم اٹھانا ہوگا۔
ترکمان گیس کے حوالے سے صدر نے کہا کہ ترکیہ،آذربائیجان اور ترکمانستان کے وزرائے توانائی اس بارے میں بات کریں گے ،انہوں نے یورپی یونین کے خارجہ تعلقات کے نگراں جوزف بوریل کی طرف سے روس کے خلاف پابندیوں پر تنقید کرتےہوئے کہا کہ روس سے ہمارے تعلقات کیا ہیں اس کا فیصلہ کرنے کا حق جوزف بوریل کو نہیں اور نہ ہی انہیں اس حد سے تجاوز کرنا چاہیئے۔