روزنامہ دی گارڈین نے صدر ایردوان سے متعلق تضحیک آمیز تجزیےکے ساتھ ساتھ اپوزیشن کو ایردوان کے خلاف اتحاد میں HDP کو شامل کرنے کی تلقین کی ہے
برطانوی اخبار گارڈین نے ترکیہ میں ہونے والے آئندہ انتخابات کے حوالے سے ایک تہلکہ خیز تجزیہ پیش کیا۔ حزب اختلاف کو مخاطب کرتے ہوئے اخبار نے اس بار صدر ایردوان کو منتخب ہونے سے روکنے کی ضرورت کی طرف توجہ مبذول کرواتے ہوئے لکھا ہے کہ اپوزیشن HDP کے بغیر آگے نہیں بڑھ سکتی اور اس کے بغیر کامیابی ممکن نہیں ہے۔
اخبار نے صدر ایردوان کے خلاف قائم “چھ جماعتی اپوزیشن اتحاد” کے بارے میں لکھا ہے کہ یہ اتحاد ابھی تک صدارتی امیدوار کے نام کے بارے میں منقسم ہے کبھی انقرہ کے مئیر منصور یاوش، کبھی CHP کے چئیر مین کمال کلیچدار اولو اور کبھی استنبول کے مئیر اکرم امام اولو کے نام کو پیش کرتے ہوئے اپنے اختلاف کو ہوا دے رہا ہے۔
اخبار نے صدر ایردوان کو آئندہ انتخابات میں کامیاب ہونے سے روکنے کی ضرورت پر زور دیتے ہوئے کہا ہے کہ اس سلسلے میں حزب اختلاف کے بلاک میں HDP کو بھی شامل کرنے ورنہ اس کے بغیر اتحاد کے کامیاب نہ ہونے سے آگاہ کیا ہے۔
اخبار نے لکھا ہے کہ حکومت ریٹایرڈ افراد کی پنشن اور کم از کم تنخواہوں میں اضافہ کرنے کا پلان بنارہی ہے ، اخبار ہی کے مطابق صدر ایردوان کی کامیابیوں میں روس کے ساتھ ہونے والی برآمدات ہیں جس سے ترکیہ بھر پور فائدہ اٹھا رہا ہے۔
بین الاقوامی میدان میں ترکی کی پالیسیوں کا احاطہ کرتے ہوئے، گارڈین نے تضحیک آمیز تجزیہ کرتے ہوئے لکھا ہے کہ ترکیہ” ‘جارح” ملک ہے ۔اس سلسلے میں گارڈین نے ترکیہ کے فن لینڈ اور سویڈن کے ساتھ معاہدے کی مثال پیش کی ہے تاہم یہ بھی لکھا ہے کہ ترکیہ یہ سب کچھ اپنے حقوق اور دفاع کے لیے کررہا ہےکیونکہ یہ بھی ایک حقیقت ہے کہ سکینڈے نیویا کے ممالک ترکیہ کے لیے رستے خون کی حیثیت رکھنے والی دہشت گرد تنظیم PKK/YPG کی پشت پناہی کرتے چلے آرہے ہیں ۔ترکیہ کا پہلا کام فطری طور پر ان ممالک کو نیٹو میں شامل کرنے کے عمل کے دوران دہشت گردی کی پشت پناہی سے باز ررکھنا ہے۔
