وزیر خزانہ نورالدین نباتی نے کہا ہے کہ ترک ماڈل کے ایک عنصر کی حیثیت رکھنے والے سلیکٹیو کریڈٹ پالیسی کے ذریعے ہم نے رئیل سیکٹر کی مسابقت کو یقینی بنا کر اپنے وسائل کو پیداواری شعبوں میں استعمال کیا ہے۔ ہم گزشتہ 9 سہہ ماہیوں سے بلاتعطل سالانہ بنیادوں پر G20 ممالک میں تیز ترین ترقی کرنے والے ممالک میں سے ایک ہیں
وزیر خزانہ نورالدین نباتی نے سوشل میڈیا اکاؤنٹ پر گزشتہ سال کے بارے میں اپنا جائزہ پیش کیا ہے۔ وزیر نباتی نے کہا کہ ان کا بنیادی مقصد ایک مضبوط ترکیہ تعمیر کرنا ہے ۔ “ہم صدر ایردوان کی قیادت میں 20 سالہ مدت میں نافذ کردہ اصلاحات اور نئے پالیسی کے دائرہ کار اور ترک اقتصادی ماڈل کے ذریعے اس پر ترک صدی کی مہر ثبت کررہے ہیں ۔
انہوں نے کہا کہ ٹھیک ایک سال قبل ہم نے اپنا ترک معیشت ماڈل شروع کرتے ہوئے اور سرمایہ کاری، روزگار، پیداوار اور برآمدات کو ترجیح دیتے ہوئے ترکیہ کو تیز ترین ترقی کرنے والے ملک کی حیثیت عطا کی ہے۔
اپنے ماڈل کے دائرہ کار میں جس کا مقصد میکرو اکنامک استحکام ہے، ہم نے سیلکٹیو کریڈٹ پالیسی کو ترکیہ کے مالی استحکام کو خطرے کے وقت عملی جامہ پہنا کر شرح مبادلہ میں اتار چڑھاؤ کو کم کیا ۔ غیر ملکی کرنسی جمع کرنے کا تناسب، جو دسمبر 2021 میں 70 فیصد سے تجاوز کر گیا تھا، کم ہو کر 50 فیصد سے نیچے آ گیا۔
سلیکٹیو کریڈٹ پالیسی کے ساتھ، جو ہمارے ماڈل کا ایک عنصر ہے، ہم نے اس بات کو یقینی بنا کر اپنے حقیقی شعبے کی مسابقت کی حمایت کی ہے کہ وسائل کو پیداواری شعبوں میں استعمال کیا جائے۔ ہم نے سالانہ بنیادوں پر پچھلی 9 سہ ماہیوں میں بلا روک ٹوک ترقی کی ہے، جس سے ترکیہ G20 ممالک میں تیزترین ترقی کرنے والے ممالک میں سے ایک بن چکا ہے۔
2 ملین ملازمتوں کی ریکارڈ سطح تک پہنچنا اور 253 بلین ڈالر سے زیادہ سالانہ برآمدات معیشت میں ہماری مضبوط کارکردگی کے اشارے ہیں۔ ہمارا بنیادی مقصد مل کر ایک مضبوط ترکیہ بنانا ہے۔ ہماری قوم کی فلاح و بہبود ہمیشہ ہماری پالیسیوں کا مرکز رہی ہے۔