صدر رجب طیب ایردوان نے 2022 کے لیے غیر ملکی تجارت کے اعداد و شمار کا اعلان کردیا ہے۔ انہوں نے کہا کہ 2022 میں ترکیہ کی برآمدات میں گزشتہ سال کے مقابلے میں 12.9 فیصد اضافہ ہوا اور یہ 254.2 بلین ڈالر تک پہنچ گئی ہیں جو جمہوریہ ترکیہ کی تاریخ کا ایک نیا ریکارڈ ہے ۔
صدر رجب طیب ایردوان نے 2022 کے لیے غیر ملکی تجارت کے اعداد و شمار کا اعلان کیا ہے۔ استنبول کے ایک ہوٹل میں منعقد اجلاس میں وزیر تجارت مہمت مش، وزیر خزانہ نورالدین نباتی، وزیر توانائی و قدرتی وسائل فاتح دونمیز، وزیر صنعت و ٹیکنالوجی مصطفی ورانک، ترک برآمد کنندگان اسمبلی کے صدر نے مصطفی گلتپے نے شرکت کی۔
ترکیہ کے بحرانوں کو اپنے مفاد میں تبدیل کرنے کا فن آتا ہے
صدر ایردوان نے کہا، “صرف 2021 میں، ہم نے 11.4 فیصد کی شرح نمو حاصل کی، جو گزشتہ 50 سالوں کی بہترین سطح ہے۔ اس تاریخی شرح نمو میں صرف برآمدات کا حصہ 5.3 فیصد ہے۔ عالمی برآمدات میں ترکیہ کا حصہ پہلی بار 1 فیصد سے تجاوز کر گیا ہے۔ ترکیہ نے گزشتہ سال اپنی مستحکم ترقی کو جاری رکھا۔ ہم نے 2022 کی پہلی تین سہ ماہیوں میں 6.2 فیصد ترقی ایسے وقت میں جاری رکھی جب دنیا بشمول ترقی یافتہ ممالک شدید بحران کا شکار تھے۔ ہماری برآمدات ہماری معیشت کا محرک بنی ہوئی ہیں۔
انہوں نے کہا کہ ان اعداد و شمار سے پیداوار اور برآمدات میں ترکیہ کی مضبوط کارکردگی کے معیشت پر مثبت اثرات کی عکاسی ہوتی ہے۔ اس تصویر سے پتہ چلتا ہے کہ ترکی ایک ایسا ملک بن گیا ہے جو بحرانوں پر نہ صرف قابو پاتے ہوئے بلکہ ان بحرانوں کو اپنے مفادات میں تندیل کرنے کا فن آتا ہے۔
صدر ایردوان نے کہا کہ ” میری خواہش ہے کہ یہ برآمدی اعداد و شمار ہمارے ملک، ہماری قوم اور ہماری معیشت کے لیے فائدہ مند ثابت ہوں۔ میں اپنے برآمد کنندگان کو مزدوروں سے لے کر انجینئرز، مینوفیکچررز سے لے کر مارکیٹرز تک، لاجسٹک سے لے کر ڈسٹری بیوٹرز تک، ہر ایک کو اپنی اور قوم کی جانب سے مبارکباد پیش کرتا ہوں۔
اب ہمارا ہدف ترکیہ کو دنیا کے 10 سب سے زیادہ ترقی یافتہ ممالک کی صف میں شامل کرنا ہے۔
“ہم نے اپنی برآمدات میں 7 گنا اضافہ کیا”
صدر ایردوان نے کہاکہ آج سے بیس سال قبل جب ہم نے اقتدار سنبھالا تو اس وقت ترکیہ کی برآمدات صرف 36 بلین ڈالر تھی جس میں 7 گنا اضافہ ہوا ہے۔ ہم نے اپنی برآمدات کو ماہانہ اوسطاً 3 بلین ڈالر سے بڑھا کر 21 بلین ڈالر سے زیادہ کر دیا ہے۔ جنوری سے نومبر 2022 تک ہمارے برآمدی خاندان میں شامل ہونے والی نئی کمپنیوں کی تعداد 9,700 سے تجاوز کر گئی۔ اسی عرصے میں ایک ارب ڈالر سے زیادہ کی برآمدات کرنے والے صوبوں کی تعداد پانچ سے بڑھ کر چوبیس ہو گئی۔ ہمارے ملک کے تمام ہی صوبے برآمدات جاری رکھے ہوئے ہیں۔ انہوں نے کہا کہ ترکیہ کے اہک اتحادی تجارتی پارٹنر یورپی یونین کو ہماری برآمدات میں 12 فیصد کا اضافہ ہوا ہے۔ گزشتہ سال ہم نے یورپی یونین کو جو غیر ملکی تجارتی سرپلس دیا تھا وہ 10 بلین ڈالر سے تجاوز کر گیا ہے ۔ قریبی اور مشرق وسطیٰ کے ممالک کو ہماری برآمدات شمالی امریکہ کے ممالک کو 19.3 فیصد، 17.1 فیصد غیر یورپی یونین – یورپی ممالک کو 16 فیصد، شمالی افریقہ کے خطے کو 16 فیصد اس میں 9.8 فیصد اضافہ ہوا۔
انہوں نے قوم کی توجہ اس طرف مبذول کرواتے ہوئے کہا کہ ترکیہ اب اپنی مقامی کرنسی میں اپنی قومی کرنسی میں 197 سے برآمدات کرتا ہے۔