صدر رجب طیب ایردوان نے انطالیہ میں بڑی تعداد میں مختلف منصوبوں کی افتتاحی تقریب میں حصہ لیا ہے۔ انہوں نے اس موقع پر عوام سے خطاب کرتے ہوئے چھ جماعتوں کے اتحاد پر تابڑ توڑ حملے کیے اور کہا کہ چھ جماعتوں کا یہ اتحا د اس قبل ہی نہیں ہے کہ کچھ کرسکے۔ یہ ملک میں انتشار پیدا کرنے کے علاوہ کچھ نہیں جانتے ہیں ۔ اب انتخابات میں صرف پانچ ماہ باقی رہ گئے ہیں ۔
صدر رجب طیب ایردوان نے اس موقع پر کہا کہ انطالیہ میں 72 بلین لیرے مالیت کی سرمایہ کاری کی گئی ہے۔انہوں نے کہا کہ چھ جماعتوں کا یہ گروپ ملک کو پرانے دور میں دھکیلنے کی کوششوں میں مصروف ہے لیکن میں ان پر واضح کردینا چاہتا ہوں یہ ایسا نہیں کرسکیں گے۔
"ہم نے اپنے بھائیوں کو انطالیہ میں کھٹن حالات میں تنہا نہیں چھوڑا ہے”
صدر ایردوان نے کہا کہ ہم انطالیہ کے لوگوں سے گلے ملنے آئے ہیں۔ سیلاب کی تباہ کاریوں پر میں اپنے شہریوں کے دکھ میں برابر کا شریک ہوں۔ ہم نے فوری طور پر متاثرین کے زخموں کو مندمل کرنے کی کوشش کی ہے۔ ہم نے اپنے بھائیوں کو آفت میں تنہا نہیں چھوڑا۔ ہم نے متاثرہ افراد کی ہرممکنہ مدد کی ہے ۔
"ترکیہ دنیا میں آفت اور تباہ کاریوں پر فوری طور پر قدم اٹھانے والا ملک ہے”
صدر ایردوان نے کہا کہ ” ہم اپنے شہریوں کو مشکل میں ہر گز تنہا نہیں چھوڑتے۔ ہم تمام متاثرہ افراد کے دکھوں میں برابر کے شریک ہیں ۔ ترکیہ دنیا میں آفت اور تباہ کاریوں پر فوری طور پر قدم اٹھانے والا ملک ہے اور ترکیہ تعلیم سے لے کر صحت تک، نقل و حمل سے لے کر توانائی تک تمام ممالک کے اپنے پیچھے چھوڑ چکا ہے۔
انہوں نے کہا کہ ہم نے انطالیہ ہوائی اڈے کو جدیدترین ہوائی اڈہ بنایا ہےاور اس ہوائی اڈے میں مسافروں کی تعداد دگنا کرتے ہوئے انطالیہ کی سیاحتی آمدنی میں بھی دوگنا اضافہ کیا ہے۔ ہم پانی کی نکاسی کے مسئلے کو حل کر رہے ہیں ۔ ساحلی علاقوں کے بیچز کو فری استعمال کرنے کے قابل بنا رہے ہیں اور 7 نئے بیچز کا آغاز کر رہے ہیں۔
انتخابی پیغام
ہم 20 سال برسر اقتدار رہتے ہوئے نئی سرمایہ کاری اور نئے منصوبوں کے ساتھ ترکیہ صدی کی تیاریاں کر رہے ہیں۔ ہمارے پاس انتخابات میں حصہ لینے کے لیے 5 ماہ باقی رہ گئے ہیں ۔ 5 ماہ ہمیں بڑی سرعت سے اپنے سفر کو جاری رکھنا ہے۔ کیا آپ ووٹ ڈالنے کے لیے تیار ہیں؟