انقرہ یونیورسٹی کی اہمیت کیا ہے ؟

طلبا ءکیونکر انقرہ یونیورسٹی میں داخلے کو ترجیح دیتے ہیں ؟

 

 

 

 

( نوٹ: تعلیم کے زیر عنوان  اس کیٹگری میں  ہم اپنے قارئین کو ترکیہ کی مختلف یونیورسٹیوں کے بارے میں معلومات  فراہم کرنے کا سلسلہ شروع کررہے ہیں ۔آج سب سے پہلے انقرہ یونیورسٹی کے بارے میں اپنے قارئین کو آگاہی فراہم کررہے ہیں )

جدید جمہوریہ  ترکیہ کی تاریخ اور مشن لیے قائم ہونے والی انقرہ  یونیورسٹی ، جدید سائنس، عصری جمہوری اقدار اور اداروں پر مبنی ایک عظیم سوچ ہی کا دوسرا نام ہے۔ انقرہ یونیورسٹی ایک ایسی یونیورسٹی ہے جس کی بنیاد خود عظیم اتاترک نے رکھی تھی تاکہ اتاترک کے اصولوں، انقلابات  اور اصلاحات کو عملی جامہ  پہنانے کی راہ ہموار کی جاسکے اور  ان  کو پورے ملک میں پھیلایا جا سکےاور  ملک میں  جدیدیت، سائنس اور روشن خیالی کا پرچار  کیا جاسکے۔

اعلیٰ تعلیم کے میدان میں نوجوانوں  کو  قانون کی تعلیم دینے  اور وکلاء  کی تربیت کے لیے   1925 میں  قانونِ  مکتب کے نام سے اسی یونیورسٹی کے تحت  کے لیے قائم کیا  گیا، اس کے بعد  1933 میں  ہائر انسٹی ٹیوٹ آف ایگریکلچرکو   ترک کسانوں کی خدمت کے لیے  قائم کیا گیاجہاں  1935 میں باقاعدہ درس و تدریس کا آغاز ہوا۔ اسی  یونیورسٹی کے تحت  پہلے استنبول میں  زبان، تاریخ اور جغرافیہ کے عنوان سے  فیکلٹی (فیکلٹی آف لیٹرز)کا افتتاح کیا گیا ۔ 1859 میں مکتبہ الملکی   کے نام سے قائم   ادارے کو 1936 میں اتاترک کے خصوصی احکامات سے   انقرہ منتقل کرتے ہوئے  اسکول آف پولیٹیکل سائنسز کا درجہ دے دیا گیاجہاں   سینئر پبلک ایڈمنسٹریٹرز کو تربیت  دی جانے لگی۔  اتاترک  ہی کی جانب سے  میڈیسن اور سائنس کی فیکلٹی کی تیاریوں  کاآغاز کردیا گیا لیکن  اسے دوسری جنگِ عظیم  کے اوائل میں  انقرہ میں قائم کیا گیا اور  سن 1946 میں سرکاری طور پر انقرہ یونیورسٹی   کے  قیام کا اعلان کرتے ہوئے اسے جدید  جمہوریہ  ترکیہ کے قیام کے بعد  قائم ہونے والی پہلی یونیورسٹی  کی حیثیت حاصل ہو گئی اور اس یونیورسٹی کے تحت مختلف فیکلٹیز کو قائم کیا جانے  لگا۔

انقرہ یونیورسٹی، جس کی بنیاد جمہوریہ کے بانی اور عظیم رہنما مصطفیٰ کمال اتاترک نے رکھی تھی اور وہ  اس کا اپنے صحتمند ہونے کے دور میں افتتاح کرنا چاہتے تھے ، 13 جون 1946 کو گرینڈ  نیشنل اسمبلی  کے  قانون نمبر 4936 کے ساتھ سرکاری طور پر قائم کردی گئی۔

اس طرح انقرہ   یونیورسٹی کو  جمہوریہ  ترکیہ کی پہلی یونیورسٹی ہونے کا اعزاز حاصل ہے اور  یہ یونیورسٹی   عظیم رہنما مصطفیٰ کمال اتاترک کے نام سے مربوط ہے  جنہوں نے جمہوریہ ترکیہ کی بنیاد رکھنے کے ساتھ ساتھ  اس یونیورسٹی کی بھی  بنیاد رکھی ۔

اتاترک کے اس  قول  ” حیات (زندگی) میں سب سے حقیقی  مرشد(رہنما)   علم  ہے۔” کوبنیاد بناتے ہوئے انقرہ یونیورسٹی کو ترک قوم،  سائنس اور انسانیت کی خدمت کے اصول کے تحت چلایا جا رہا ہے۔

انقرہ یونیورسٹی ترکیہ میں   اپنے  علمی  معیار اور ریسرچ کی بدولت اس وقت    چوتھے نمبر پر ہے  جبکہ دنیا میں اس کا  اس وقت 770واں نمبر ہے گزشتہ سال  یہ یونیورسٹی 824 ویں  نمبر پر تھی۔انقرہ یونیورسٹی کے Q1 مستند  تھیسزکے پوائنٹس 26٫63 سے 33٫65  پوائنٹس تک پہنچ گئے ہیں۔

انقرہ یونیورسٹی کے تحت موجود دور میں  19 مختلف فیکلٹیز کام کررہی ہیں اور ان کے  نام اور ویب سائٹ ایڈریس بھی  دیے گئے ہیں  تاکہ ان فیکلٹیز سے رجوع کرنے میں آسانی ہو۔

انقرہ یونیورسٹی کے ریکٹر پروفیسر۔ ڈاکٹر نجدت انوور  نے یونیورسٹی  کی بین الاقوامی حیثیت پر اطمینان کا اظہار  کرتے ہوئے  کہا کہ   انقرہ یونیورسٹی نے  ترکیہ اور بین الاقوامی میدان میں اپنے درجہ بندی میں جو بلندی  حاصل کی ہے  اس پر  انہوں نے   انقرہ یونیورسٹی کے تمام  اساتذہ اور طلباء کا اس ترقی میں کردار اور تعاون پر شکریہ ادا کیا ۔

اس وقت انقرہ یونیورسٹی میں  طالبات کی تعداد 31370 اور طلباء کی تعداد  35664   یعنی  طلباء اور طالبات کی کل تعداد 67034   اور اساتذہ کی کل تعداد 4191    ہے۔

انقرہ  یونیورسٹی  کے دنیا کی مختلف یونیورسٹیوں کے ساتھ تعاون کے کئی ایک سمجھوتے موجود ہیں جن میں مغرب کی یونیورسٹیوں کی بھرمار ہے  جبکہ اس کے  بنگلہ دیش،  بھارت اور متحدہ عرب امارات کی یونیورسٹیوں کے ساتھ بھی تعاون کے   سمجھوتے موجود ہیں لیکن بڑے ہی افسوس  کی بات ہے انقرہ  یونیورسٹی  اور پاکستان کی کسی بھی یونیورسٹی کے ساتھ تعاون کو کوئی سمجھوتہ موجود نہیں ہےلیکن امید ہے  اس سلسلے میں دونوں ممالک کی حکومتیں جلد ہی  جلد ہی کوئی  اقدام اٹھائیں گی۔

انقرہ یونیورسٹی  کی مختلف فیکلٹیز سے آپ درجہ ذیل لنک پر کلک کرتے  ہوئے   مختلف موضوعات  کے بارے میں  معلومات حاصل کرسکتے ہیں۔

·         Faculty of Open and Distance Education

https://www.ankara.edu.tr/en/dizin/Fakulteler/acik-ve-uzaktan-egitim-fakultesi

• Faculty of Languages and History-Geography

http://www.dtcf.ankara.edu.tr/

• Faculty of Dentistry

http://www.dentistry.ankara.edu.tr/

• Faculty of Pharmacy

http://www.pharmacy.ankara.edu.tr/

• Faculty of Educational Sciences

http://www.education.ankara.edu.tr/

·         Faculty of Science

http://www.science.ankara.edu.tr/

• Faculty of Fine Arts

http://www.gsf.ankara.edu.tr/

• Faculty of Nursing

http://www.nursing.ankara.edu.tr/

• Faculty of Law

http://www.law.ankara.edu.tr/

• Faculty of Divinity

http://www.divinity.ankara.edu.tr/

• Faculty of Communication

http://www.ilef.ankara.edu.tr/

• Faculty of Engineering

http://www.eng.ankara.edu.tr/

• Faculty of Health Sciences

http://health.ankara.edu.tr/

• Faculty of Political Sciences

http://www.politics.ankara.edu.tr/

• Faculty of Sports Sciences

http://www.sporbilimleri.ankara.edu.tr/

• Faculty of Medicine

http://www.medicine.ankara.edu.tr/

• Faculty of Applied Sciences

http://ubf.ankara.edu.tr/

• Faculty of Veterinary Medicine

http://www.veterinary.ankara.edu.tr/

• Faculty of Agriculture

ان فیکلٹیز کے علاوہ  انقرہ یونیورسٹی   کے تحت 14 مختلف شعبوں میں انسٹیٹیوٹ موجود ہیں جبکہ انقرہ یونیورسٹی ہی کے تحت  4  مختلف ہسپتال کام کررہے ہیں ، علاوہ ازیں انقرہ یونیورسٹی کے تحت   Conservatory، 11 پیشہ وار کالجز اور 6 ہوسٹلز مختلف مقامات پر خدمات فراہم کررہے ہیں ۔