ترکیہ کے سب سے بڑے دفاعی صنعت کے منصوبوں میں سے قومی جنگی طیارے کے ہینگر سے باہر نکلنے کے اب جبکہ چند دن باقی ہیں تودنیا بھر میں ترکیہ کے اس قومی جنگی طیارے کے چرچے ہی چرچے ہیں اور عالمی میڈیا میں ترکیہ کے جنگی طیارے کی ہر طرف باز گشت سنائی دے رہی ہے۔ عالمی جریدے فوربز نے اسے دنیا کا بہترین جنگی طیارہ قرار دیا ہے تو جرمنی سے شائع ہونے والے روزنامہ Die Welt نے اس جنگی طیارے کی تعریفوں کے پل باندھ دیے ہیں جبکہ چین سے شائع ہونے والے روزنامہ پیپلز ڈیلی نے اس جنگی طیارے کی خبروں کو نمایاں جگہ دی ہے اور ” ترکیہ کے پانچویں جنریشن جنگی طیارے کی نقاب کشائی ” کی سرخی لگاتے ہوئے ایم ایم یو طیارے کواپنے ہم عصر جنگی طیاروں سے بہت بہتر قرار دیا ہے۔
دفاعی کمپنی TUSAŞکے جنرل منیجر تیمل کوتل نے دفاعی صنعت کے آنکھوں کے تارے کی حیثیت رکھنے والے قومی جنگی طیارے کے بارے میں خوشخبری سنائی ہے ۔
کوتل نے کہا کہ کام بہت تیزی سے جاری ہے اور قومی جنگی طیارہ، جس کا 2025 میں پرواز کرنے کا منصوبہ تیار کیا گیا تھا اسے وقت سے پہلے ہی مکمل کرتے ہوئے آسمانوں پراپرواز کرنے کی تاریخ دے چکے ہیں۔
قومی جنگی طیارہ ہینگر سے باہر آرہا ہے
قومی جنگی طیارہ آسمانوں پرواز کرنے والا ترکیہ کا پہلا قومی جنگی طیارہ ہوگا۔ طوساش کمپنی کی نگرانی میں اس طیارے کے بارے میں کام جاری ہے تو اسے 18 مارچ 2023 کو ہینگر سے باہر نکالتے ہوئے پرواز کے لیے تیار کیا جا رہا ہے۔
ترکیہ کے سب سے اہم دفاعی صنعت کے منصوبوں میں سے ایک، قومی جنگی طیارے کو عالمی پریس میں وسیع کوریج دی جا رہی ہے۔ کئی ایک ممالک نے اس بارے میں اپنی خبروں کو نمایاں طور پر جگہ دی ہے تو چین بھی ان سے پیچھے نہیں رہا ہے اور اس نے بھی اس موضوع سے متعلق خبروں کو نمایا ں طور پر شائع کیا ہے۔
“ترکی کے پانچویں جنریشن طیارے کی نقاب کشائی “
ٹی آر ٹی نیوز کے مطابق چین کے معروف اخبار پیپلز ڈیلی نے ترکیہ کے اس جنگی طیارے کے بارے میں یہ سرخی لگائی ہے “ترکیہ کے پانچویں جنریشن طیارے کی نقاب کشائی “
خبر میں ترکیہ کی تیزی سے ترقی کرنے والی فضائی طاقت کی تعریف کی گئی اور لکھا گیا کہ نئی نسل کے لڑاکا طیارے اپنے ہم عصر طیاروں سے سے بہت آگے ہیں۔
“ہم عصر طیاروں سے بہت آگے “
درمیانے اور کم فاصلے تک فضا سے فضا میں مار کرنے والے میزائل لے جانے کی صلاحیت رکھنے والا ترکیہ کا یہ طیارہ جنوبی کوریا اور بھارت کے تیار کردہ ہم عصر طیاروں سے بہت اعلیٰ ہے ۔
مضمون میں ترکیہ کے مسلح ڈرانز کو بھی جگہ دی گئی ہے۔
“ترکیہ کے پانچویں جنریشن کے لڑاکا جیٹ اور ڈران کے امتزاج کے ساتھ ڈران اور جنگی طیارے کو فضائی جنگی نظام دونوں کو یکجا کردیا گیا ہے۔
دوسری جانب جرمنی کے معروف اخبار ڈائی ویلٹ نے ترکیہ کی مضبوط دفاعی صنعت کی کھل کرتعریف کی ہے۔
اخبار نے “اسلحے کی طاقت کے طور پر ترکی کا حیران کن عروج” کے زیر عنوان اپنی خبر میں لکھا ہے کہ ترکیہ مقامی طور پر تیار کردہ اسلحہ سازی کے بہت بڑے منصوبے پر عمل پیرا ہے۔
صدر ایردوان اسلحے کی درآمد پر انحصار کرنے کے بجائے اپنی مضبوط دفاعی صنعت قائم کر نے کو ترجیح دیا ہے۔
خبر میں کہا گیا ہے کہ جمہوریہ ترکیہ کے قیام کی 100 ویں سالگرہ کے موقع پر صدر ایردوان ترکیہ کو عالمی برادری اور اپنے عوام کے سامنے “اسلحے کی صنعت کے بہترین کھلاڑی” کے طور پر پیش کرنا چاہتے ہیں۔