ترکیہ 2023ء کے صدارتی انتخابات کی تیاری میں مصروف ہے۔ صدر ایردوان نے گزشتہ دنوں اپنے بیان میں انتخابات کے تاریخ سے چند ہفتے قبل کرنے سے متعلق جو بیان دیا ہے اس پر برطانوی روزنامہ” دی اکانومسٹ نے اس سلسلے میں اپنا تجزیہ پیش کیا ہے۔ اخبار کے تجزیے کے مطابق صدر ایردوان کے خلاف اپوزیشن کے انتخابات جیتنا بڑا مشکل کام ہے۔
ترکیہ میں اس وقت ایجنڈے پر سب سے اوپر ترکیہ کے صدارتی اور پارلیمانی انتخابات ہیں ۔صدر رجب طیب ایردوان کے گزشتہ دنوں انتخابات کے مقررہ تاریخ سے چند ہفتے قبل بیان انتخابات کروانے سے متعلق بیان کے بعد اب نظریں انتخابات کی تاریخ کی جانب مرکوز ہو گئی ہیں۔ انتخابات سے قبل کروائے جانے والے سروئیز سے جسٹس اینڈ ڈولپمینٹ پارٹی کے اپوزیشن کے اتحاد سے بہت آگے ہونے کی واضح تصویر نظر آرہی ہے، لیکن یہ بھی قابلِ ذکر ہے کہ 6 جماعتوں کےاتحاد کے ابھی تک اپنے صدارتی امیدوار کے نام کا اعلان نہ کرنا بھی اپوزیشن کے لیے منفی فضاء پیدا کررہا ہے۔
"تین بڑی رکاوٹیں”
آئندہ انتخابات میں صدرایردوان کے مقابلے میں کس صدارتی امیدوار کے ابھر کر سامنے آنے سے متعلق روزنامہ دی اکانومسٹ کے مطابق اپوزیشن کو یہ انتخابات جیتنے کی ضرورت ہے لیکن اپوزیشن کی راہ میں ابھی بھی بڑی مشکلات موجود ہیں اور اپوزیشن کے درمیان ابھی بھی اختلافات موجود ہیں جن کو دور نہیں کیا جاسکا ہے ۔ اپوزیشن کے سامنے تین بڑی رکاوٹیں موجود ہیں ۔
"اپوزیشن کے اندر دراڑیں "
اب جبکہ انتخابات میں صرف چند ماہ باقی رہ گئے ہیں تو صدر ایردوان کے خلاف موجود ” ملت اتحاد” ابھی تک کوئی مشترکہ امیدوار کا نام پیش کرنے میں کامیاب نہیں ہوسکی ہے۔ اگرچہ "ملت اتحاد ” میں موجود سب سے بڑی جماعت ری پبلیکن پیپلز پارٹی CHP کے چئیرمین کمال کلیچدار اولو صدارتی امیدوار بننے کے لیے بڑے پُرعظم دکھائی دیتے ہیں لیکن اسی اتحاد کی دوسری بڑی جماعت "گڈ پارٹی ” کی چئیر پرسن میرال آق شینر اس نام پر متفق دکھائی نہیں دیتی ہیں ۔ صدارتی امیدوار کے نام کے بارے میں "ملت اتحاد” میں دراڑیں نظر آ رہی ہیں۔
"اپوزیشن اور ایردوان کاموازنہ ممکن ہی نہیں”
اگرچہ کمال کلیچدار اولو ایک "باصلاحیت منتظم ہیں لیکن CHP کے رہنما کمال کلیچدار اولو صدر ایردوان کی تقریروں اور شعلہ بیانی کے سامنے ہلکے پڑتے ہوئے دکھائی دیتے ہیں اور ان دونوں کے درمیان شعلہ بیانی کی وجہ سے کوئی موازنہ ہی نہیں کیا جاسکتا ۔
"امام اولو اور یاواش کے کمزور پوائنٹس "
ملت اتحاد میں صدارتی امیدواروں میں استنبول بلدیہ کے مئیر اکرم امام اولو اور انقرہ بلدیہ کے مئیر منصور یاواش کے نام صدارتی امیدوار کے طور پر پیش کرنے کے لیے دونوں کو اپنی اپنی مئیر شپ سے مستعفی ہونے کی ضرورت ہے ، اس کے علاوہ دونوں کے کئی ایک کمزور پوائنٹس موجود ہیں۔ اکرم امام اولو کا ستارہ 2019ء کے بلدیاتی انتخابات میں ابھر کر سامنے آیا تھا لیکن اب یہ ستارہ اپنی چمک دمک کھو چکا ہے ۔ منصور یاواش جو بڑے کٹر قسم کے ترک قومیت پسند ہیں کو کردوں کی جماعت HDP کے ووٹروں سے ووٹ حاصل کرنا بہت مشکل کام ہے۔
” کردوں کی جماعت HDP اور ملت اتحاد میں کشیدگی ”
حزب اختلاف کے اتحاد ایردوان کے خلاف انتخابات میں کامیابی حاصل کرنے کے لیے کردوں کی جماعت HDP کے ووٹوں کی اشد ضرورت ہے ۔ مضمون میں کہا گیا کہ CHP کردوں کی جماعت HDPکے اپنے ساتھ ملانے کی خواہاں ہے لیکن اپوزیشن کے اسی اتحاد میں شامل "گڈ پارٹی” اس جماعت کو دہشت گرد تنظیم PKK کے سیاسی ونگ کے طور پر دیکھتی ہے اور اس کے ساتھ ایک ہی ٹیبل پر بیٹھنے سے گریز کررہی ہے۔