ترکیہ کی برسر اقتدار جسٹس اینڈ ڈولپمینٹ کے ترجمان عمر چیلک نے سویڈن میں ترکیہ کے اسٹاک ہوم میں سفارتخانے کے سامنے مسلمانوں کی مقدس کتاب قرآن پاک کے نسخے کو نذرآتش کرنے کے واقعے کو قابلِ نفرت قرار دیتے ہوئے کہا ہے کہ نفرت اور فسطائیت کی سیاست سے پوری انسانیت کو خطرہ لاحق ہے ۔ انہوں نے قرآن کریم کو نذرِ آتش کرنے والے دراصل دیگر مذاہب کے مقدسیت کے دشمن ہیں۔
سویڈن کے دارالحکومت سٹاک ہوم میں ترک سفارت خانے کے سامنے سویڈن میں انتہائی دائیں بازو کے راسموس پالدون کی اشتعال انگیز اور قبلِ نفرت حرکت پر شدید ردعمل کا اظہار کیا ہے ۔ اسٹاک ہوم میں اس قبلِ نفرت اور مذموم کاروائی کے خلاف ترکیہ اور تمام عالمِ اسلام سے شدید ردِ عمل کا اظہار کیا جا رہا ہے اور اس گھناؤنے فعل کی مذمت کی گئی۔
انہوں نے کہا کہ نفرت کا جواب نفرت سے نہیں دیا جانا چاہیے۔ ہم انسانی وقار کا تحفظ کرتے ہوئے نفرت کا جواب دیتے رہیں گے۔ انسانیت کے خلاف جرائم کا بہترین جواب انسانی وقار کی بنیاد پر زیادہ سے زیادہ یکجہتی قائم کرنا ہے۔انہوں نے کہا کہ نفرت اور فاشزم کی سیاست سے پوری انسانیت کو خطرہ لاحق ہے۔
حکومتِ ترکیہ کی جانب سے جاری کردہ اعلامیے میں کہا گیا ہے کہ سویڈش حکومت کا ترک سفارتخانے کے سامنے قرآنِ پاک کو نذر آتش کرنے کی اجازت دینا “ناقابلِ قبول” ہے ۔ ترکیہ نے فوری طور پراپنے شدید ردِ عمل کو ظاہر کرتے ہوئے سویڈن کے وزیر دفاع ا جانسن پالدون کے دورہ ترکیہ کی اجازت نہیں دی ہے اور انہیں دورہ کرنے سے روک دیا ہے اور کہا ہے کہ یہ دورہ اپنی اہمیت کھوچکا ہےجس کے نتیجے میں ترکیہ اور سویڈن جس کے درمیان پہلے ہی نیٹو کی رکنیت کی وجہ سے تعلقات سرد مہری کا شکار تھے مزید دڑاڑ پڑ گئی ہے۔
قرآن پاک نذرِ آتش کرنے کےواقعے کے پیچھے کے محرکات
ترکیہ، سویڈن کی جانب سے دہشت گرد تنظیم پی کے کے ، کی پشت پناہی کرنے کی وجہ سے سویڈن کی نیٹو کی رکنیت کے لیے اس دہشت گرد تنظیم کی پشت پناہی کرنے سے گریز کرنے اور اس کے سویڈن میں موجود دہہشت گردوں کو ترکیہ کے حولے کرنے سے متعلق میڈرڈ معاہدے پر عمل درآمد نہ کرنے کی وجہ سے سویڈن کی نیٹو کی رکنیت کے خلاف ہے اور گرین سگنل دینے سے گریز کررہا ہے جس پر سویڈن کے دارالحکومت سٹاک ہوم میں دائیں بازو کے کارکن ترکیہ کے خلاف احتجاج کر رہے ہیں۔ان مظاہروں کے دوران انتہائی دائیں بازو کی سٹرام کرس پارٹی کے رہنما راسموس پالدون نے ہفتے کے روز سٹاک ہوم میں ترکیہ کے سفارت خانے کے باہر قرآن مجید کا ایک نسخہ نذر آتش کر دیا۔
پالدون نے گذشتہ سال بھی ریلیاں نکالی تھیں جس میں انھوں نے قرآن جلانے کی دھمکی دی تھی جس کے بعد مظاہرے شروع ہو گئے تھے۔
سویڈن کے وزیراعظم الف کرسٹرسن نے بھی اس واقعے کی مذمت کی ہے
ان کا کہنا تھا کہ ’اظہار رائے کی آزادی جمہوریت کا بنیادی حصہ ہے لیکن مقدس کتابوں کو نذر آتش کرنا انتہائی بے حرمتی کے ذمرے میں آتا ہے۔انھوں نے تمام مسلمانوں سےاس واقعے کی وجہ سے پہنچنے والے دکھ پر اپنی ہمدردی اور افسوس کا اظہار کیا ہے۔
سویڈن کے وزیر خارجہ ٹوبیاس بلسٹروم نے بھی اس واقعے کو ’ہولناک‘ قرار دیا۔ انھوں نے ٹویٹر پر لکھا کہ ’سویڈن میں اظہار رائے کی آزادی ہے لیکن اس کا یہ مطلب نہیں کہ ہم اس قسم کے واقعے کی حمایت کریں۔سٹاک ہوم میں ترکیہ کی حمایت اور مخالفت میں الگ الگ احتجاجی مظاہرے کیے گئے۔
گذشتہ ہفتے سٹاک ہوم میں مظاہرین نے صدر اردوان کا پتلا ایک لیمپ پوسٹ سے لٹکایا جس پر سویڈن کے وزیر اعظم نے کہا کہ یہ سویڈن کی نیٹو درخواست کو سبوتاژ کرنے کی کوشش تھی۔
ترکیہ اور سویڈن کے درمیان تنازع کیا ہے؟
خیال کیا جا رہا تھا کہ سویڈن کے وزیر دفاع کے دورہ ترکی سے یہ ظاہر ہو گا کہ ترکی سویڈن کی نیٹو میں شمولیت کا مخالف نہیں ہے۔
تاہم گذشتہ سال ترکیہ نے سویڈن اور فن لینڈ کی نیٹو میں شمولیت کی درخواست کی مخالفت کی تھی۔ اس کے بعد انھوں نے ان دونوں ممالک کو نیٹو میں شامل کرنے سے روکنے کے لیے گذشتہ سال میڈرڈ معاہدے کے بعد ان دونوں ممالک نے ترکیہ کی دہشت گرد تنظیم کے بارے میں زیادہ محتاط رہنے سے آگاہ کیا تھا لیکن سویڈن اور فن لینڈ دونوں ہی ابھی بھی ترکیہ کے خدشات دور کرنے میں کامیاب نہیں ہوسکے ہیں ۔
ترکیہ کی جانب سے بیان میں کہا گیا کہ قرآن جلانے کا واقعہ اس حقیقت کی ایک اور مثال ہے کہ یورپ میں اسلامو فوبیا، نسل پرستی اور امتیازی سلوک خطرناک حد تک پہنچ چکا ہے۔ ترکی نے سویڈش حکومت سے ’ضروری اقدامات‘ کرنے کا مطالبہ کیا ہے۔
شہباز شریف اور عمران خان کا ردعمل
پاکستان کے وزیر اعظم شہباز اور سپیکر و ڈپٹی سپیکر قومی اسمبلی نے بھی سویڈن میں قرآن پاک کی بے حرمتی اور نذر آتش کرنے کی شدید الفاظ میں مذمت کی ہے۔
شہباز شریف کا کہنا ہے کہ سویڈن میں ایک دائیں بازو کے انتہا پسند کی طرف سے قرآن پاک کی بے حرمتی کے گھناؤنے فعل کی مذمت کے لیے الفاظ کافی نہیں۔
ان کا کہنا ہے کہ آزادی اظہار کا لبادہ دنیا بھر کے ڈیڑھ ارب مسلمانوں کے مذہبی جذبات کو مجروح کرنے کے لیے استعمال نہیں کیا جا سکتا۔ یہ ناقابل قبول ہے۔
سابق وزیراعظم اور تحریکِ انصاف کے چیئرمین عمران خان نے بھی سویڈن میں احتجاج کے دوران قرآنِ پاک نذرِ آتش کیے جانے کی شدید ترین الفاظ میں مذمت کی ہے۔
او آئی سی کی مذمت
او آئی سی کے سیکرٹری جنرل حسین برہیم طحہ نے بھی سٹاک ہوم میں ترکی کے سفارت خانے کے سامنے قرآن مجید کو نذر آتش کرنے کے واقعے کی مذمت کی ہے۔ ان کا کہنا ہے کہ یہ سب سویڈش حکام کی اجازت سے ہوا۔