صدر رجب طیب ایردوان نے دینزلی رنگ روڈ اور ہوناز ٹنل،ہاوسنگ کارپوریشن "توکی” کے 1449 رہائشی مکانات 50 دکانوں ، دینزلی پینے کے پانی کی تنصیبات کے مکمل ہونے اور دیگر پراجیکٹ کی افتتائی تقریب سے خطاب کرتے ہوئے چھ جماعتی اتحاد پر شدید تنقید کرتے ہوئے کہا کہ ابھی تک یہ اتحاد اپنے کسی صدارتی امیدوار کے نام کا علان کرنے سے قاصر ہے لیکن وہ جمہور اتحاد کے صدارتی امیدوار کے انتخابات میں حصہ لینے سے روکنے کے لیے اپنی تمام تر توانائیاں صرف کررہا ہے۔
صدر رجب طیب ایردوان نے دینزلی جہاں 80 ہزار افراد ان کو سننے کے لیے یکجا ہوئےتھے چھ اتحادی جماعتوں کے بیان پر اپنے شدید ردِ عمل کا اظہار کرتے ہوئے کہا کہ ” میں گزشتہ ساڑھے چار سال سے صدر ہوں ، اس سے قبل بھی صدر تھا ۔ آپ کو اس وقت میرے صدارتی امیدوار بننے پر قانونی اعتراض ہے تو اسے قبل آپ کہا ں تھے؟
ملت اتحاد ابھی تک صدارتی امیدوار کا نام دینے میں ناکام ہے
انہوں نے اب تک چھ جماعتی اتحاد کی جانب سے صدارتی امیدوار کے نام پر اتفاق نہ ہونے پر شدید تنقید کرتے ہوئے کہا کہ اتحاد تو قائم کرلیا ہے لیکن ابھی تک صدارتی امیدوار کا انتخاب کرنے میں ناکام رہے ہیں اور اب انہوں نے اپنی اس ناکامی کو چھپانے کے لیے ہمارے صدارتی امیدوار پر کیچڑا اچھالنا شروع کردیا ہے۔
صدر ایردوان نے کہا کہ تقریباً 3.5 سال کے وقفے کے بعد، ہم دینزلی میں آپ لوگوں کے رو برو ہیں آپ سے گلے ملنے کے لیے یہاںموجود ہیں۔ شہر میں قدم رکھنے کے وقت سے آپ نے جس پیار و محبت کا اظہار کیا ہےاس کو کبھی بھی ہم فراموش نہیں کرسکتے ہیں۔
صدر ایردوان نے پہلے چار جماعتوں کے اتحاد نے ہمارے سامنے آنے کا فیصلہ کیا اور اب اس اتحاد میں شامل جماعتوں کی تعداد چھ تک پہنچ گئی ہے لیکن ابھی تک اس اتحاد کی جانب سے صدارتی امیدوار کے نام کا اعلان نہیں کیا جا رہا ہےتو اس پر انہوں نے ہم پر ہی کیچڑا اچھالنا شروع کردیا ہے۔ ہم نے بہت پہلے ہی سے صدارتی امیدوار کے نام کا اعلان کررکھا ہے اور ہم نے ہمیشہ کہا ہے کہ اگر آپ میں ہمت ہے اپنے صدارتی امیدوار کے نام کا اعلان کریں ۔ آپ کے ساتھ مقابلہ کرنے کے لیے تیار ہوں ۔ میں گزشتہ سارھے چار سال سے صدر ہوں اور اس سےپہلے بھی صدر رہ چکا ہوں ۔ اس وقت آپ کہاں تھے؟ آپ نے اس وقت میرے صدرمنتخب ہونے کے لیے قانونی طور پر اجازت نہ ہونے کی کبھی کوئی شکایت نہیں کی ہے اب آپ اٹھ کھڑے ہوئے ہیں اور میرے صدارتی امیدوار نہ بننے پر سیاست کررہے ہیں۔
یہ سب کچھ افراتفری پیدا کرنے کے علاوہ کچھ نہیں
صدر ایردوان نے کہا کہ قوم نے 2017ء میں آئین میں ترمیم کی منظوری دیتے ہوئے تمام شک و شبہات دور کردیے تھے اور اس پر ذرہ بھر بھی کو ئی بحث و مباحثہ نہیں ہوا اور اس طرح زیرو میٹر سے ترکیہ نے صدارتی نظام کے تحت اپنے سفر کا آغاز کیا اور اس طرح 2018ء میں منتخب ہونے والا صدر اس صدارتی نظام کے تحت پہلی بار منتخب ہونے والا صدر ہے۔ اگرچہ پانچ چھ میڈیا انٹرٹینرز نے اس پر کچھ کہنے کی ضرور کوشش کی لیکن سیاستدانوں کی جانب سے کوئی اعتراض نہ کیا گیا۔ اب جب کہ ان کو شکست واضح طور پر نظر آرہی ہے تو انہوں نے جمہور اتحاد کے صدارتی امیدوار کو ہدف بنانا اور اس پر کیچڑا اچھالنا شروع کردیا ہے۔ ہم 14 مئی کے عام انتخابات میں حصہ لینے کے لیے تیار ہیں ۔ اب فیصلہ قوم نے کرنا ہے اور قوم ہی کا فیصلہ ہمارے لیے قابلِ قبول ہے۔ ہم نے اپنے تمام مخالفین کو بیلٹ باکس میں شکست دی اور اب بھی 14 مئی کو بیلٹ باکس کے ذریعے ان کو شکست سے دو چار کریں گے۔