اس صدی کے ہولنک ترین زلزلے کے بعد دنیا بھر سے ریسکیو ٹیمیں اپنی امدادی سرگرمیوں کو بھر پور طریقے سے جاری رکھےہوئے ہیں۔
اس سلسلے میں پاکستانی ریسکیو ٹیمیں بھی بڑھ چڑھ کر اپنے جان سے عزیز برادر اور دوست ملک ترکیہ کے لیے تن من دھن کی بازی لگاتے ہوئے زلزلے تلے پھنسے ہوئے افراد کو زندہ بچانے کی کوششوں میں مصروف ہیں ۔
پاکستان کی ریسکیو ٹیم نے ادیامان میں مہندم عمارتوں کے ملبے تلے پھنسے ہوءے افراد کو زندہ بچاکر اور انہیں باہر ایمبولینس میں منتقل کرکے نہ صرف معجزے کو حقیقت کا روپ عطا کررہی ہیں بلکہ غم و دکھ میں مبتلا افراد میں خوشیاں بانٹ رہی ہیں۔
ترکیہ کے جنوبی حصے میں حالیہ خوفناک زلرلے کے بعد مقامی اور بین الاقوامی ٹیموں کی’مایوسی کفر ہے‘ پر عمل درآمد کرتے ہوئے اپنی امدادی سرگرمیاں جاری رکھے ہوئے ہیں ۔
امدادی سرگرمیوں میں دو پاکستانی ٹیمیں بھی اپنا بھر پور حصہ ڈال رہی اور ضلع ادیامان میں مہندم عمارتوں کے ملبے تلے زندہ بچ جانے والے متاثرین کو باہر نکال کر ان کے اہلخانہ کے دامنوں میں خوشیاں بکھیررہی ہیں۔
52 اہلکاروں پر مشتمل پاکستان ریسکیو 1122 کی ٹیم منگل کو ترکیہ پہنچی، اسی طرح 33 سپاہیوں پر مشتمل پاک فوج کے رضا کاروں کی دو ٹیمیں خصوصی تربیت یافتہ کتوں اور سرچ اینڈ ریسکیو آلات کے ساتھ خدمات فراہم کر رہی ہیں۔ پاک امدادی ٹیموں نے ادیامان میں رہائشی عمارتوں کے ملبے تلے سے 5 افراد کو بازیاب کیا۔
پاکستان نے ترکیہ کے صوبہ ادانا کو تین سی 130 عسکری ٹرانسپورٹ طیارے روانہ کیے ہیں جبکہ پاکستان ایئرلائن کی دو پروازیں امدادی ٹیموں کو لے کر استنبول پہنچی ہیں۔مزید ایک سی 130 طیارہ طبی سامان، خیمے اور کمبل ترکیہ پہنچے گا۔
الخدمت فاؤنڈیشن کے نائب صدر عبدالشکور نے کہا کہ پاکستان کے اندر اپنے وسائل کو متحرک کرنے کے علاوہ الخدمت فاؤنڈیشن نے بیرون ملک مقیم پاکستانیوں، تارکین وطن سے اپیل کی ہے کہ وہ ترکیہ اور شام کے متاثرین کے لیے امدادی کاموں میں حصہ لیں۔
انہوں نے بتایا کہ “ہم نے زلزلوں سے متاثرہ افراد کے لیے فنڈ اکٹھا کرنے کے لیے برطانیہ، امریکہ، یورپ، آسٹریلیا اور دیگر ممالک میں مقیم پاکستانیوں سے رابطہ قائم کیا ہے۔
ترکیہ میں الخدمت ٹیم کی جانب سے آفت زدہ علاقے میں مقیم پاکستانی شہریوں کا کھوج لگانے میں تعاون کرنے کا ذکر کرتے ہوئے عبدالشکور نے کہا، ہم نے ابتک تقریباً 40 طلبا اور 50 سے 60 خاندانوں کی نشاندہی کی ہے۔” جن کے لیے لازمی کاروائیاں کی جا رہی ہیں۔