(نوٹ: TR-URDU ترکیہ کی پہلی اور واحد غیر جانبدار نیوز ویب سائٹ ہے۔ اس ویب سائٹ میں ترکیہ کی بر سر اقتدار اور اپوزیشن دونوں ہی کی خبروں کو جگہ دی جا رہی ہے۔ ان تمام خبروں کے ذرائع ترک میڈیا اور ایجنسیاں ہی ہیں ۔اس ویب سائٹ کا ان خبروں اور تبصروں سے متفق ہونا ضروری نہیں ہے)
ترکیہ اپوزیشن کے ملت اتحاد میں پیدا ہونے والے سیاسی بحران پر قابو پانے اور اتحاد کی جانب سے صدارتی امیدوار کے طور پر’’ ری پبلیکن پیپلز پارٹی ‘‘کے چئیرمین ’’ کمال کلیچدار اولو ‘‘کے نام کی صدارتی امیدوار کے طور پر اعلان کیے جانے کے بعد کروائے جانے والے پہلے سروئے کے نتائج کا اعلان کردیا گیا ہے۔
سروئے کے نتائج بڑے حیران کن ہیں جس کے مطابق صدارتی انتخابات کے پہلے ہی مرحلے میں ملت اتحاد کے امیدوار کمال کلیچدار اولو کو صدر ایردوان پر واضح برتری حاصل ہے۔
ترکیہ کے سروئے کروانے والی کمپنی ORC کے 3 مارچ کے سیاسی بحران کے بعد 4 سے 6 مارچ کے درمیان ترکیہ کے 28 صوبوں میں کروائے گئے سروے کے نتائج کا اعلان کردیا ہے۔
کروائے جانے والے سروئے کے مطابق ملت اتحاد میں شامل ’’ری پبلیکن پیپلز پارٹی ‘‘کے چئیرمین کمال کلیچدار اولو کو 56٫8 فیصد اور ’’جمہور اتحاد ‘‘کی ’’جسٹس اینڈ ڈولپمینٹ پارٹی ‘‘کے چئیرمین اور موجودہ صدر ’’ایردوان‘‘ 43٫2 فیصد ووٹ حاصل ہوں گے۔
ترکیہ میں 14 مئی 2023 کے صدارتی اور پارلیمانی انتخابات کروانے کا اعلان کیا گیا گیا ہے۔
3 مارچ کو ملت اتحاد کے سیاسی بحران پر قابو پانے اور 4 سے 6 مارچ کے درمیان کروائے جانے والے صدارتی سروئے سے اس بات کی غمازی ہوتی ہے صدر ایردوان کے مقابلے میں ملت اتحاد کے امیدوار کی مقبولیت میں بڑی تیزی سے اضافہ ہوتا جا رہا ہے اور یہ پہلا سروئے ہے جس میں کمال کلیچدار اولو کو صدر ایردوان پر برتری حاصل ہوئی ہے۔
یاد رہے ترکیہ میں انتخابات سے متعلق سروئیز بڑی اہمیت کے حامل ہوتے ہیں اور انتخابی نتائج پر بڑے موثر طریقے سے اثر انداز ہوتے ہیں۔