(نوٹ: TR-URDU ترکیہ کی پہلی اور واحد غیر جانبدار نیوز ویب سائٹ ہے۔ اس ویب سائٹ میں ترکیہ کی بر سر اقتدار اور اپوزیشن تمام ہی جماعتوں اور اتحاد کی خبروں کو مساوی طور پر جگہ دی جا رہی ہے۔ ان تمام خبروں کے ذرائع ترک میڈیا اور ایجنسیاں ہی ہیں ۔اس نیوز ویب سائٹ کا ان خبروں اور تبصروں سے متفق ہونا ضروری نہیں ہے)
ترکیہ کے ٹی وی چینل ٹیلی ون کے ایڈیٹر انچیف مردان یانار داع نےٹالک شو میں باتیں کرتے ہوئے کہا ہے کہ چند روز قبل صدر ایردوان کی خواہش پر کروائے جانے والے خصوصی سروے کے نتائج پر ایردوان ہی کے حلقوں میں کھلبلی مچ گئی ہے اور مایوسی کی فضا پیدا ہوچکی ہے جس کی وجہ سے صدر ایردوان نے فوری طور پر چھوٹی چھوٹی تمام پارٹیوں کو ” جمہور اتحاد میں شامل کرنے کے احکامات جا ری کیے ہیں۔
ٹیلی ون کے ایڈیٹر انچیف نے دعویٰ کیا ہے کہ اس وقت صدر ایردوان کو شدید مشکلات کا سامنا کرنا پڑرہا ہے اور ان مشکلات سے چھٹکارہ پانے کے لیے صدر ایردوان جو ہمیشہ سروئیز کو بڑی اہمیت دیتے رہے ہیں اور ان سروئیز کے نتائج ہی کے مطابق اقدامات اٹھاتے رہے ہیں اس بار بھی انتخابات سے قبل انہوں نے خصوصی سروئے کروانے کا اہتمام کیا لیکن نتائج ان کی خواہشات کے بالکل برعکس نکلے ہیں جس کے مطابق ملت اتحاد کے صدارتی امیدوار کمال کلیچدار اولو کو 53 فیصد اور صدر ایردوان کو 42 فیصد ووٹ ملے ہیں جس کی وجہ سے ان نتائج کو خفیہ رکھا گیا ہے اور صرف صدر ایردوان کے چند ایک قریبی ساتھی ہی ان نتائج سے آگاہ ہیں۔ یانار داع نے اس بارے میں معلومات فراہم کرتے ہوئے کہا کہ صدارتی محل میں بہت کم لوگ ہی اس خصوصی سروئے کے بارے میں آگاہی رکھتے ہیں ۔ اس سروئے میں کملا کلیچدار اولو کو 53 فیصد ور صدر ایردوان کو 42 فیصد ووٹ ملنے جبکہ 5 فیصد ووٹ دیگر امیدواروں کو ملنے سے آگاہ کیا گیا ہے۔
دلچسپ بات اس سروئے کا حکومت کی حامی سروئے کمپنی GENAR سے کروایا جانا ہےاور حکومت کی حامی اس سروئےکمپنی کے ان نتائج سے صدارتی محل میں سرسمیگی پیدا کردی ہے جس کی وجہ سے ان نتائج وک صدارتی محل سے باہر نکلنے پر پابندی عائد کردی گئی ہے۔
یانار داع نے اس سروئے کے حقیقت پر مبنی ہونے سے متعلق دعویٰ کرتے ہوئے کہا ہے کہ اگر حکومت اس سروئے سے انکار کرتی ہے تو وہ اس سلسلے میں فوری طور پر دستاویزی ثبوت فراہم کرسکتے ہیں۔