ترکیہ میں صدارتی اور پارلیمانی انتخابات سے قبل انتخابی نتائج سے متعلق سروئے پیش کرنے والی کمپنیوں کے درمیان سخت مقابلہ جاری ہے ۔ یہ کمپنیاں اپنے اپنے امیدواروں کے حق میں ایسے ایسے جائزاتی سروئے پیش کررہی ہیں جن کا حقائق سے ذرہ بھر بھی کوئی تعلق نہیں ہے۔ اس کی بڑی وجہ ان کمپنیوں کو حکومت اور اپوزیشن دونوں ہی کی جانب سے اپنے اپنے مقاصد حاصل کی تکمیل کے لیے استعمال کرنا ہے۔ اگرچہ پانچ سال قبل تک ترکیہ میں تقریباً تمام ہی سروئیز کمپنیاں بڑی غیر جانبداری سے ایک دوسرے سے کافی حد تک مشابہت رکھنے والے سروئیز کے نتائج پیش کرتی رہی ہیں لیکن موجود دور میں ان سروئیز کمپنیوں نے اپنی ساکھ کو داؤ پر لگاتے ہوئے ایک دوسرے کو نیچا دکھانے اور اپنے مخالف اتحاد کے سروئیز کو غلط ثابت کرتے ہوئے اپنی پسندیدہ جماعت یا اتحاد کے حق میں زمین آسمان کے قلابے ملا رہی ہیں۔
TR-URDU نے اس سلسلے میں تمام ہی کمپنیوں کے سروئیز کو پیش کرنے کا سلسلہ شروع کررکھا ہے تاکہ قارئین ان سب کا جائزہ لیتے ہوئے آئندہ انتخابات کے بارے میں اپنی رائے قائم کرسکیں۔
ان تمام سروئیز کے نتائج ترکیہ ہی کے اخبارات، نیوز ایجنسیوں اور اور ویب سائٹ کا سہارا لیتے ہوئے TR-URDU اپنے قارئین تک پہنچا رہی ہے۔ جیسے جیسے ان کمپنیوں کے سروئیز کے نتائج ہمارے سامنے آتے رہیں گے، ان نتائج کو اپنے قارئین تک پہنچاتے رہیں گے۔
تازہ ترین سروئے جسے حکومت کے حامی احسان آقتاش کی کمپنی GENAR نے کروایا ہے اور روزنامہ صباح نے اسے جگہ دی ہے۔
اس سروئے میں پارٹیوں کی ووٹنگ کی شرح اور اس موضوع پر تمام تفصیلات موجود ہیں۔
پول کمپنی نے منتخب شدہ افراد سے سوال کیا تھا کہ اگر آج ملک میں انتخابات ہوتے ہیں تو آپ کس کو ووٹ دیں گے؟
جسٹس اینڈ ڈولپمینٹ پارٹی (آق پارٹی ) 40٫7 فیصد
سروئے کے مطابق لوگوں کی 40٫7 فیصد شرح نے برسراقتدار جسٹس اینڈ ڈولپمینٹ پارٹی (آق پارٹی) کے حق میں ووٹ دیا ہے۔
آق پارٹی کے ووٹ کی شرح کی وضاحت کرتے ہوئے،آقتاش نے کہا کہ آق پارٹی نے معیشت کو بہتر بنانے ، مہنگائی کو متوازن کرنےکے لیے بڑے ٹھوس اقدامات کرنے کے ساتھ ساتھ بے روزگاری میں کمی، افرطِ زر میں کمی جیسےاقدامات کرتے ہوئے کامیابی حاصل کی ہے۔ جس کی وجہ سے آق پارٹی کے ووٹوں کی شرح 40 سے 42 فیصد کے درمیان پہنچ گئی ہے۔
ری پبلیکن پیپلز پارٹی (CHP) 23٫1 فیصد
CHP کے ووٹ کی شرح کے بارے میں بات کرتے ہوئے، آق تاش نے کہا، “CHP کے ووٹ کی شرح 21 اور 23 فیصد کے درمیان ہے۔ پچھلے مہینے، ووٹوں کی شرح 22 فیصد تھی۔ چونکہ گڈ پارٹی کی وجہ سے اتحاد میں کچھ گڑ بڑ پیدا ہوئی تھی جس کی وجہ سے گڈ پارٹی کے ایک فیصد ووٹ CHP کو چلے گئے۔
نیشنلسٹ موومنٹ پارٹی (MHP)7٫6 فیصد
آق تاش نے مزید کہا کہ MHP کا ووٹ آج تک گڈ پارٹی کے ووٹوں سے زیادہ ہے۔
گڈ پارٹی (İYİ PARTİ)7 فیصد
گڈ پارٹی (İYİ PARTİ)7 فیصد
تازہ ترین پولز کے مطابق، گڈ پارٹی کے ووٹ 7 فیصد کے لگ بھگ ہیں۔
پیپلز ڈیموکرٹیک پارٹی (HDP)10٫8 فیصد
آق تاش نے کہا ہے کہ HDP کے ووٹوں کی شرح 10.8 فیصد کے لگ بھگ ہے۔
مملکت پارٹی-4.7
پولز کے مطابق مملکت پارٹی کے ووٹ 4.7 فیصد ہیں۔
آق تاش کی جانب سے کیا جانے والا یہ سوال کہ اگر صدارتی انتخابات دوسرے راؤنڈ میں ہوتے اور دوسرے راؤنڈ میں صرف رجب طیب ایردوان اور کمال کلیچدارو ایک دوسرے کے مردِ مقابل رہ جاتے ہیں تو آپ کس کو ووٹ دیں گے؟
جمہور اتحاد کے امیدوار رجب طیب ایردوان – 52.3 فیصد ووٹ
ملت اتحاد کے امیدوار کمال کلیچدار اولو -47.7 فیصد
