محرم اِنجے تیسرے صدارتی امیدوار بن گئے ، چوتھے روز ایک لاکھ دستخط حاصل کرنے والے واحد صدارتی امیدوار

محرم اِنجے’’ ایردوان‘‘ یا پھر ’’کلیچ دار اولو‘‘ میں سے کس کے لیے باعثِ رحمت ؟

مملکت  پارٹی کے چیئرمین محرم  اِنجے  ، چوتھے دن ایک لاکھ عوام سے دستخط حاصل  کرتے ہوئے  تیسرے صدارتی امیدوار بننے  میں کامیاب ہوگئے ہیں جبکہ  اس سے قبل جسٹس اینڈ ڈولپمینٹ پارٹی  کےچئیرمین اور “جمہور اتحاد  ”  کے صدارتی امیدوار   رجب  طیب ایردوان اور   ری پبلیکن پیپلز پارٹی  کے چئیرمین  اور ’’ملت اتحاد‘‘ کے صدارتی امیدوار  کمال کلیچ دار اولو ، سرکاری  طور  پر    سپرئم الیکشن کمیشن کی جانب سے  صدارتی امیدوار قرار دیے جا چکے ہیں۔

ترکیہ میں پارلیمنٹ سے باہر کسی بھی  جماعت یا امیدوارکو صدارتی امیدوار  بننے کے لیے  ایک لاکھ افراد کے دستخط حاصل کرنے کی ضرورت ہوتی ہے۔

سپرئم الیکشن کمیشن کی جانب سے   صدارتی  امیدواروں  کے دستخط جمع کرنے کا عمل 22 مارچ کو  شروع ہوا اور  اب تک 11  صدارتی امیدوار  پارلیمنٹ سے باہر آزادانہ طور پر صدارتی انتخابات میں حصہ لینے کے لیے رجوع کرچکے ہیں۔

اس وقت تک  صرف  مملکت پارٹی  کے صدارتی امیدوار  محرم اِنجے  ہی ایک لاکھ ووٹ حاصل کرنے میں کامیاب  ہوچکے ہیں۔ محرم اِنجے  کے بارے میں اپوزیشن کی جانب سے الزام لگایا جا رہا ہے کہ   صدر ایردوان  ہی کی  پسِ پردہ      کوششوں   کے نتیجے میں ری پبلیکن  پیپلز پارٹی  ہی کے ایک سابق رکن   کو    اپوزیشن کو تقسیم کروانے کے مقصد کے تحت  ان کے  نام کو صدارتی امیدوار کے طور پر پیش کروانے کے پلان کو عملی جامہ  پہنایا ہے   اور اسی وجہ سے محرم اِنجے نے  ایک لاکھ ووٹوں کی حد کو چوتھے روز ہی عبور کرلیا ہے   جبکہ  بائیں با زو  سے تعلق رکھنے والے صحافیوں کا خیال ہے کہ  محرم اِنجے   بڑے اصول  پسند  انسان ہونے کے ساتھ ساتھ اتاترک کے اصولوں پر سختی سے عمل درآمد   کرنے والے انسان ہیں اس لیے  وہ   صرف اپنی اہمیت  میں اضافہ کرنے  اور ری پبلیکن پیپلز پارٹی میں واپس آکر اعلیٰ  عہدے  پر فائض ہونے کی سوچ کے ساتھ ہی صدارتی امیدوار کے طور پر  سامنے آئے ہیں اور وہ جلد ہی کمال کلیچ دارو   سے ملاقات کرتے ہوئے  ’’ملت اتحاد  ‘‘  کے امیدوار کے حق  میں بیٹھ سکتے ہیں۔   

پارلیمنٹ سے باہر سے  کھڑے ہونے والے صدارتی امیدواروں کے لیے   27 مارچ   رات  آٹھ بجے تک  ایک لاکھ ووٹ حاصل کرنے کی ضرورت ہے۔ ناکام رہنے کی صورت میں سپرئم الیکشن کمیشن کی جانب سے  ان کا نام صدارتی امیدواروں کی فہرست میں شامل نہیں کیا جائے  گا۔

چوتھے روز تک  صدارتی امیدواروں کی طرف سے موصول ہونے والے دستخطوں کی تعداد درج ذیل ہے۔

محرم اِنجے :                   ایک لاکھ   1 ہزار 261

فاتح ایربکان(نام واپس لیکرجمہور اتحاد میں شامل) :        58 ہزار  045

دوعو پرینچیک:                                         19 ہزار 667

یعقوب  ترک آل:                                       2 ہزار 392

ایرکان ترکتان:                                        1511

توفیق احمد اوزال:                                       1001    

عرفان  اوزون:                                         663

حلیل مرات اونور                                      360

حلمی اوزدین:                                          325

داود طوران:                                           99

محرم اِنجے  کا ایک لاکھ ووٹوں کی حد عبور کرنے کے بعد بیان

اپنی پارٹی مرکز میں  پریس کانفرنس    سے خطاب کرتے ہوئے  محرم اِنجے  نے کہا کہ نوجوان  ترک نسل ان کے شانہ بشانہ کھڑی  ہے ۔ یہ ہمارے رضاکار ہیں اور ان نوجوانوں ہی نے   ایک لاکھ ووٹ حاصل کرنے کی تگ و دو کی ہے۔ انہوں نے خود ہی    اپنی جیبوں سے اخراجات کرتے ہوئے پارٹی کے لیے کام کیا ہے۔ دیکھا جائے تو یہی نوجون دراصل ترکیہ کے صدارتی امیدوار ہیں، یہی   ایک لاکھ ووتوں کی نمائندگی کررہے ہیں۔ دنیا میں اس  قسم کی مثال ملنا ممکن نہیں ہے۔ یہ ترک نوجوان ہی ہیں جنہوں نے یہ مثال قائم کرتے ہوئے اپنے امیدوار  کو  اس مرحلے تک پہنچایا ہے۔ انہوں نے کہا کہ یہ دستخطی مہم دراصل  ترک ڈیمو کریسی  کو پٹری پر واپس   لانے کی  مہم ہے ۔