(نوٹ: TR-URDU ترکیہ کی پہلی اور واحد غیر جانبدار نیوز ویب سائٹ ہے۔ اس ویب سائٹ میں ترکیہ میں 14 مئی کے الیکشن سے قبل بلا امتیاز تمام ہی اہم سروئے کمپنیوں کے تازہ ترین سروئیز کو جگہ دی جا رہی ہے۔ یہ تمام سروئیز ترک کمپنیوں کی جانب سے کروائے جا رہے ہیں اور ان سروئیز سے نیوز ویب سائٹ TR-URDU کا متفق ہونا ضروری نہیں ہے۔ )
ترکیہ میں 14 مئی 2023 کو ہونے والے صدارتی اور پارلیمانی کے انتخابات کے لیے انتخابی مہم کا باقاعدہ آغاز ہوچکا ہے تو اسی دوران مختلف سروئے کمپنیاں بھی اپنے اپنے سروئیز کے نتائج پیش کررہی ہیں۔
یہ تمام سروئیز ماہ مارچ کے دوران کرائے گئے جس سے صدارتی امیدواروں کی تازہ ترین صورتِ حال ابھر کر سامنے آتی ہے۔ ماہ مارچ میں پیش کیے جانے والے سروئیز کمپنیوں کے الگ الگ اور اوسطاً نتائج سے پتہ چلتا ہے کہ ملت اتحاد کے صدارتی امیدوار کمال کلیچ دار اولو کو جمہور اتحاد کےصدارتی امیدوار رجب طیب ایردوان پر واضح برتری حاصل ہے۔
14 مئی 2023 کے صدارتی انتخابات کے سروے کے نتائج کو نیچے گرافک میں پیش کیا گیا ہے۔
MAK کنسلٹنگ کے بورڈ آف ڈائریکٹرز کے چیئرمین مہمت علی کلات نے ترک ٹی وی چینل خبر ترک کو اپنی کمپنی کے تازہ ترین سروئے کے نتائج کو پیش کیا ہے۔ ان نتائج کے مطابق کمال کلیچ دار اولو کو اس وقت 47 فیصد ووٹر کی حمایت حاصل ہے تو صدر ایردوان کے حق میں 42 فیصد ووٹ پڑتے ہوئے دکھائی دیتے ہیں۔
ان ہی کے سروئے کے مطابق محرم اِنجے کو صرف تین فیصد ووٹروں کی حمایت حاصل ہے تو اس وقت تک 8 فیصد ووٹروں نے ووٹ دینے کے بارے میں کوئی فیصلہ نہیں کیا ہے۔
ماہ مارچ کے وسط میں سروئے کرنے والی کمپنی ترکیہ رپورٹ کے سروئے کے مطابق کلیچ دار اولو اور صدر ایردوان کے درمیان 9 فیصد ووٹوں کا فرق موجود ہے اور اس وقت تک کلیچ دار اولو کو 54٫5 فیصد جبکہ صدر ایردوان کو 45٫5 فیصد ووٹروں کی حمایت حاصل ہے۔
ترکیہ کی ایک دیگر سروئے کمپنی AR-G کی جانب سے 14 مارچ کو کروائے جانے والے سروئے کے مطابق صدارتی انتخابات کا فیصلہ پہلے مرحلے کی بجائے بلکہ دوسرے مرحلے میں ہونے سے آگاہ کیا ہے۔ سروئے کے مطابق کلیچ دار اولو کو 46٫2 فیصد اور ایردوان کو 43٫1 فیصد ووٹروں کی حمایت حاصل ہے جبکہ محرم اِنجے کو 7 فیصد ووٹر اور سینان اوعان کو 3٫1 فیصد ووٹر کی حمایت حاصل ہے۔
آق سوئے سروئے کمپنی کی طرف سے 8 مارچ کو کرائے گئے پولزکے مطابق، ملت اتحاد کے صدارتی امیدوار کمال کلیچ دار اولو کو 55.6 فیصد ووٹ حاصل ہیں تو جمہور اتحاد کے امیدوار کو ایردوان کو 44.4 فیصد ووٹ ملتے دکھائی دیتے ہیں ۔
PIAR کی جانب سے 10 مارچ کو کروائے جانے والے سروئے میں ملت اتحاد کے صدارتی امیدوار کلیچ دار اولوکو 57.1 فیصد ووٹوں کے ساتھ جمہور اتحاد کے صدارتی امیدوار ایردوان کے 42٫9 فیصد ووٹوں کے مقابلے میں واضح برتری حاصل ہے ۔ PIAR نے 12 بڑے شہروں میں میں 1,460 افراد کے ساتھ ٹیلی فون کے ذریعے رابطہ قائم کرتے ہوئے یہ نتائج حاصل کیے ہیں۔
میرال آق شینیر کی جانب سے ملت اتحاد کو ترک کرنے کے بعد پیدا ہونے والے بحران اور بحران پر قابو پانے کے فوراً بعد ORC نے سب سے پہلے سروئے کروایا تھا جس کے مطابق کمال کلیچ دار اولو نے 56.8 فیصد ووٹ حاصل کیے تو ان کے مخالف صدر ایردوان نے 43.2 فیصد ووٹ حاصل کیے ۔ یہ سروے 28 بڑے شہروں میں 1,850 افراد کے CATI کے ذریعے کیا تھا۔
ALF سروے کمپنی نے 26 بڑے شہروں میں 6-7 مارچ کو CATI طریقہ استعمال کرتے ہوئے 1,770 لوگوں سے رابطہ قائم کرتے ہوئے کیا۔
کمال کلیچ دار اولو کے صدارتی امیدوار بننے کے اعلان یعنی 6 مارچ سے قبل کیا گیا جبکہ کلیچ داولو کے صدارتی امیدوار بننے کے اعلان کے فوراً بعد پہلا سروئے ALF کمپنی ہی کی جانب سے کروایا گیا تھا۔
ALF کمپنی کے سروئے میں 10٫2 پوائنٹس کا فرق
ALF کمپنی کی جانب سے کروائے جانے والے سروئے کے مطابق کمال کلیچ دار اولو کو 55٫1 فیصد ووٹ ملے ہیں تو صدر ایردوان کو پڑنے والے ووٹوں کی تعداد 44٫9 فیصد ہے۔