صدر ایردوان نے الیکشن سے پہلے خزانے کا منہ کھول دیا ،بجلی اور گیس کے نرخوں میں کمی، خوشخبریوں کا سلسلہ جاری

کم از کم اجرت پرایک بار پھر نظر ثانی اور ماہ جولائی میں مزید اضافہ کرنے کا اعلان

ترک عوام مقامی الیکٹرک کار توگ حاصل کرنے کے لیے بیتاب  

صدر ایردوان  نے ہر ہفتے بدھ کے روز قومی اسمبلی میں اپنی پارٹی کے گروپ اجلاس  سے خطاب کرتے ہوئے سب سے پہلے   ترکیہ کی مقامی الیکٹرک کار  توگ کے پری آرڈر سے متعلق اپنی خوشی کا اظہار کرتے ہوئے کہا کہ  پری آرڈر کی تعداد ایک لاکھ 77 ہزار سے تجاوز کرنا  ترک قوم کے مقامی الیکٹرک کار  کے ڈیزائن اورپروڈکشن پر کس قدر  اعتماد اور بھروسہ کرنے کی واضح  عکاسی ہوتی ہے۔ انہوں نے کہا کہ سوموار کو   توگ گاڑی کو موصول کرنے  کا باقاعدہ  سلسلہ   شروع ہو جائے گا۔

بجلی اور گیس کے نرخوں میں  کمی کرنے کا اعلان 

صدر رجب طیب ایردوان اپنی پارٹی کے گروپ اجلاس میں عوام کو دو خوشخبریاں  سناتے ہوئے  کہا کہ  پہلی خوشخبری یہ ہے کہ ہم ماہ اپریل سے  اپنے  تمام صارفین کے زیر استعمال بجلی کے نرخوں میں  15 فیصد کمی کررہے ہیں اور دوسری خوشخبری صنعتکاروں کے لیے یہ ہے کہ ان کے زیر استعمال  قدرتی گیس کے ٹیرف پر 20 فیصد رعایت کر رہے ہیں۔ انہوں نے کہا کہ یہ خوشخبروں کو مہینہ ہے  اور چاند رات کو ہم ترک عوام کو مزید خوش خبریاں دیں گے۔

ہم اس بار دہری عید منائیں گے

“صدر ایردوان نے قومی اسمبلی میں اپنی پارٹی کے گروپ اجلاس سے خطاب   کرتے ہوئے کہا کہ   ہم   چاند رات کو  بحیرہ اسود قدرتی گیس  کو فلیوس  تنصیبات  میں منتقل کرنے کے موقع پر  عوام کو نئی خوش خبری سنائیں گے اور عوام کو یہ نئی کوش خبری سننے کے لیے ابھی ہی تیار رہنا چاہیے ۔ انہوں نے کہا کہ ڈرلنگ بحری جہاز رات دن کام جاری رکھتے ہوئے آپ کو اچند رات کے موقع پر دو عیدوں کے ایک ساتھ منانے کی  خوشخبری سنائیں گے۔

27 اپریل  کو آق قویو نیوکلئیر پاور پلانٹ میں ایندھن بھرا جائے گا

صدر رجب طیب ایردوان نے خطاب کرتے ہوئے کہا کہ آق قویو   نیوکلئیر پاور پلانٹ  میں 27 اپریل  کو ایندھن  ڈالتے ہوئے اسے باقاعدہ نیوکلئیر پاور  پلانٹ کی حیثیت سے دی جائے گی۔

کم از کم اجرت میں ماہ جولائی میں پھر اضافہ کیا جائے گا

صدر رجب طیب ایردوان  نے ملک میں ریٹائرڈ سرکاری ملازمین  کی تنخواہوں میں  اضافے  اور ان ریٹائرڈ سرکاری ملازمین کو  دونوں عیدین پر دیے جانے والے بونس  کی رقم میں  اضافہ کرنے کے بعد کم از کم اجرتوں میں اضافہ کرنے سے متعلق سوال کا جواب دیتے ہوئے کہا کہ  ہم نے ترکیہ میں  ماہ جنوری  میں کم از کم اجرت  ساڑھے آٹھ لاکھ  ٹرکش لیرا مقرر کی تھی  اور  اب جولائی میں ایک بار پھر کم از کم اجرت میں اضافہ کرنے پر کام کررہے ہیں ۔

انہوں نے اس موقع پر کہا کہ ریٹائرڈ ملازمین کی کم ترین تنخواہ  میں 26 فیصد اجافہ کرتے ہوئَ اسے  ساڑھے سات ہزار  لیرے تک پہنچادیا ہے جبکہ عیدین کے بونس میں 82 فیصد اضافہ کرتے ہوئے  اسے 2 ہزار لیرے مقرر کردیا ہے۔   

انہوں نے کہا کہ ماہ جولائی میں کم از کم اجرت  پر ایک بار پھر نظر ثانی کی جائے گی  اور حالات  اور افراطِ زر کی شرح میں ہونے والے اضافے کو دیکھتے ہوئے ہی اس میں اضافہ کیا جائے گا۔

انہوں نے کہا کہ یہ ترکی کی تاریخ میں پہلی بار ہوا ہے۔ ماضی  میں ایسی کوئی نظیر نہیں ملتی۔  ہم ترکی میں پہلی بار سب سے کم پنشن کو بڑھا کر  اسے ساڑھے  سات ہزار لیرا کررہے ہیں۔ اس سے   لاکھوں ملازمین استفادہ کرسکیں گے۔