(نوٹ: TR-URDU ترکیہ کی پہلی اور واحد غیر جانبدار اُردو نیوز ویب سائٹ ہے۔ اس ویب سائٹ میں ترکیہ کی بر سر اقتدار اور اپوزیشن تمام ہی جماعتوں اورقائم اتحاد سے متعلق خبروں، تبصروں اور سروئیز کو بلا امتیاز جگہ دی جاتی ہے۔ ان تمام خبروں اور سروئیز کے ذرائع ترک میڈیا اور ایجنسیاں ہی ہیں ۔اس نیوز ویب سائٹ کا ان خبروں اور تبصروں سے متفق ہونا ضروری نہیں ہے)
ترکیہ کے 14 مئی 2023 میں ہونے والے صدارتی اور پارلیمانی انتخابات سے متعلق ترکیہ کے سات مختلف فرموں کے آخری سروئیز کو جاری کردیا گیا ہے۔ اب 14 مئی تک کسی بھی فرم کو سروئے کو جاری کرنے کی اجازت نہ ہوگی۔
ترکیہ کے 2023 کے صدارتی انتخابات کے حوالے سے رائے عامہ کے تازہ ترین سروے کے مطابق امیدواروں کو ملنے والے ووٹوں کی شرح کچھ یوں ہے۔
سروئیز کروانے والی فرمیں 14 مئی کو ہونے والے صدارتی انتخابات کے حوالے سے رائے عامہ کے تازہ ترین جائزوں کی اشاعت جاری رکھے ہوئے ہیں لیکن آج یہ مہم اپنے اختتام کو پہنچ گئی ہے۔
تازہ ترین پولز کے مطابق، ملت اتحاد کے صدارتی امیدوار کمال کلیچ دار اولو ، جمہور اتحاد کے صدارتی امیدوار اور موجودہ صدر ایردوان، مملکت پارٹی کی صدارتی امیدوار محرم اِنجے اور اتا اتحاد کے صدارتی امیدوار سینان اوعان کے ووٹوں کی شرح کیا ہے؟
ترکیہ کی سروئیز کروانی والی فرموں میں سے یوریشیا ، ماک، ترکیہ رپورٹ، آر-جی، آق سوئے ، آلف، پئیر ، ساروس اوپٹیمر ، ٹیم، میٹرو پول، او آر سی اور گیزی جی نے ماہ مارچ اور ماہ اپریل میں جو سروئے کروائے ہیں ان کے نتائج کچھ یوں ہیں۔
ArtıBir اور TEAM کے سروئیز میں کلیچ دار اولو کو برتری حاصل ہے ۔ اپریل کے وسط میں یونلیم سوشل ریسرچ کی جانب سے کیے گئے سروے میں کلیچ دار اولو کو صدر ایردوان پر تقریباً 5 پوائنٹس کی برتری حاصل ہے۔
Gezici کی طرف سے یکم اور 2 اپریل کو کرائے گئے پول کے مطابق، کمال کلیچ دار اولو کو 53.4 فیصد ووٹ پڑیں گے تو رجب طیب ایردوان کو 43.2 فیصد ووٹ حاصل ہوں گے جبکہ محرم اِنجے کو 2.1 فیصد؛ سینان اوعان کو 1.3 فیصد ووٹ حاصل ہوں گے۔
اگر انتخابات دوسرےراونڈ کی جانب جاتے ہیں تو کلیچ دار اولو کو 55.2 فیصد ووٹ مل سکتے ہیں جب کہ ایردوان کو پڑنے والے وو ٹ 44.8 فیصد ہوں گے۔
اپریل میں میٹرو پول کی جانب سے کروائے جانے والے سروئے میں مقابلہ بڑا سخت دکھائی دیتا ہے جس کے مطابق کلیچ دار اولو کو42٫6 ووٹ پڑ سکتے ہیں تو صدر ایردوان کو 41٫1 فیصد ووٹ پڑیں گے۔ اس سروئے میں محرم اِنجے کو 5 فیصد اور سینان اوعان کو 2.2 فیصد ووٹ پڑیں گے۔ یہ سروئے اُس وقت تک فیصلہ نہ کرنے والے افراد کی شرح کو شامل نہیں کیا گیا ہے۔
MAK کنسلٹنگ کے بورڈ آف ڈائریکٹرز کے چیئرمین مہمت علی کولات نے اپنے تازہ ترین سروئے کو پیش کرتے ہوئے کہا ہے کہ پہلے مرحلے میں کلیچدار اولو 47 فیصد جبکہ صدر ایردوان کو 42 فیصد ووٹ ملیں گے ۔ اس طرح محرم اِنجے اور دیگر صدارتی امیدوار کو 3 فیصد جبکہ 8 فیصد افراد نے اپنے ارادے کا اظہار نہیں کیا۔
ترکیہ رپورٹ کے ماہ مارچ کے وسط میں کروائے گئے سروے کے نتائج کے مطابق کمال کلیچ دار اولو اور صدر ایردوان کے درمیان 9 پوئنٹس کا فرق ہےکلیچدار اولو کو 54٫4 فیصد اور ایردوان کو 45٫5 فیصد ووٹ پڑے۔
14 مارچ کو اے آر-جی ریسرچ کے جاری کردہ تازہ ترین سروے کے مطابق، الیکشن کا فیصلہ دوسرے راؤنڈ میں ہوگا۔ سروے کے مطابق کلیچ دار اولو کو 46٫2 فیصد اور ایردوان کو 43.1 فیصد ووٹ پڑے۔ AR-G کے سروے کے مطابق، محرم اِنجے کو 7.6 فیصد اور سینان اوعان کو 3.1 فیصد ووٹ پڑے۔
آق سوئے سروئے کے 8 مارچ کو کرائے گئے سروئے کے مطابق ملت اتحاد کے صدارتی امیدوار کمال کلیچ دار اولو کو 55.6 فیصد اور جمہور اتحاد کے امیدوار ایردوان کو 44.4 فیصد ووٹ پڑے۔
PIAR کے 10 مارچ کو اعلان کردہ نتائج کے مطابق، ملت اتحاد کے امیدوار کلیچ دار اولو نے 57.1 فیصد ووٹ حاصل کیے، جب کہ جمہور اتحاد کے امیدوار، ایردوان کو 42.9 فیصد ووٹ پڑے ۔ PIAR کا سروے 12 صوبوں میں 1,460 افراد سے کمپیوٹر اور ٹیلی فون انٹرویو (CATI) کے ذریعے کیا گیا۔
گڈ پارٹی کی رہنما میرال آق شینیر کے چھ کے اتحاد سے علیحدگی کے بعد پہلا سروے ORC نے کروایا تھا جس کے مطابق کمال کلیچ دار اولو کو 56.8 فیصد اور رجب طیب ایردوان کو 43.2 فیصد ووٹ پڑے۔ یہ سروے CATI کے ذریعے 28 صوبوں میں 1,850 افراد سے کیا گیا۔