رپورٹ شبانہ ایاز
ترکیہ کے 14 مئی 2023 میں ہونے والے صدارتی اور پارلیمانی انتخابات میں 64 ملین ووٹرز ووٹ دیں گے اور اتوار کے دن اپنی قومی ذمہ داری پوری کریں گے۔
سپریم الیکشن کمیشن (YSK) کے مطابق اس الیکشن میں 36 سیاسی جماعتیں صدارتی انتخاب میں اور 28 سیاسی جماعتیں پارلیمنٹری انتخاب میں حصہ لے رہی ہیں .
صدارتی انتخابات کے امیدواروں میں ، ملت اتحاد کے صدارتی امیدوار کمال کلیچ دار اولو ، جمہور اتحاد کے صدارتی امیدوار اور موجودہ صدرر جب طیب ایردوان، مملکت پارٹی کی صدارتی امیدوار محرم اِنجے اور اتا اتحاد کے صدارتی امیدوار سینان اوعان حصہ لے رہے ہیں۔
اس سوال کے جواب میں کہ ووٹنگ کتنے بجے شروع ہوکر کتنے بجے ختم ہوگی۔۔۔
اس کی تفصیل سپریم الیکشن کمیشن (YSK) نے جاری کر دی ہے ۔ سپریم الیکشن کمیشن کے فیصلے کے مطابق 14 مئی 2023 کے الیکشن کے لئے پولنگ صبح 8 بجے سے لیکر شام 5 بجے تک جاری رہے گی۔ اس دن الیکشن کے نتائج کے حوالے سے کوئی تبصرہ اور پیشنگوئی کرنے پر پابندی عاید ہوگی۔
الیکشن کے دن صبح 6 بجے سے لیکر رات 12 بجے تک الکوحل والے مشروبات اور نشہ آور اشیا کی فروخت پر پابندی ہوگی ۔سڑکوں پر سکیورٹی اور امن عامہ برقرار رکھنے کے ذمہ دار حکام کے علاوہ کسی کو بھیہتھیار لے کر چلنے پر پابندی عائد ہوگی۔
تمام عوامی تفریحی مقامات جیسے کافی شاپس, انٹرنیٹ کیفے اور ریسٹورنٹس بند رہیں گے صرف ان ریسٹورنٹس میں کھانا پیش کیا جابیاہ کی تقریبات کا اہتمام کیا جاسکے گا۔
انتخابی نتائج کا اعلان کب ہوگا ۔؟؟*
سپریم الیکشن ب کمیشن کے فیصلے کے مطابق 14 مئی 2023 کو 6 بجے سے رات 9 بجے کے درمیان نشریاتی ادارے انتخابات کے حوالے سے دی جانے والی خبریں اور پیغامات سپریم الیکشن کمیشن کے مطابق جاری کریں گے۔
9 بجے کے بعد نشریات آزاد انہ طور پر جاری رہ سکیں گی۔
صدارتی انتخاب دوسرے راؤنڈ میں ہونے کی صورت میں ان تمام دفعات کا اطلاق 28 مئی 2023 کو بھی ہوگا. بیلٹ باکس میں ووٹ ڈالنے والے ووٹرز کی تعداد صوبوں اور اضلاع میں 360 سے 380 کے درمیان ہو گی. اگر دیہاتوں میں ووٹرز کی تعداد 400 سے زیادہ نہ ہو تو ایک ہی بیلٹ باکس میں ووٹ ڈالے جا سکتے ہیں۔