ری پبلکن پیپلز پارٹیCHP کے رہنما اور صدارتی امیدوار کمال کلیچ دارا ولو اور ظفر پارٹی کے چیئرمین اُمیت اوز داع نے تقریباً ایک گھنٹے کی ملاقات کے بعد ایک مشترکہ پریس کانفرنس منعقد کی ہے۔ اُمیت اوز داع نے اس پریس کانفرنس میں باضابطہ طور ملت اتحاد کے صدارتی امیدوار کمال کلیچ دارااولو کی حمایت کرنے کا اعلان کیا ہے۔ انہوں نے ووٹرز سے دوسرے راونڈ میں کمال کلیچ دار اولو کی حمایت کرنے کی بھی اپیل کی ہے۔
دونوں رہنماوں کے درمیان ہونے والی ملاقات کے بعد دونوں رہنماوں نے ظفر پارٹی کے مرکزی دفتر کی عمارت کے سامنے پریس کانفرنس سے خطاب کیا۔
اس موقع پر ملت اتحاد کے صدارتی امیدوار کمال کلیچ دار اولو نے خطاب کرتے ہوئے کہا کہ ترکیہ کے مستقبل اور ترکیہ کے پرامن ملک کے لیے دونوں رہنماوں پر بھاری ذمہ داریاں عائد ہوتی ہیں۔ ہم نے اپنی ذمہ داریوں کا احساس کرتے ہوئے ہی ملک کر کام کرنے کا فیصلہ کیا ہے۔
انہوں نے امید ظاہر کی کہ آئندہ آنے والے ایام ترکیہ کے لیے اچھے دن ثابت ہوں گے۔اس موقع اوز داع نے خطاب کرتے ہوئے کہا کہ ہم دوسرے راونڈ میں کمال کلیچ دارا اولو کی حمایت کریں گے۔
انہوں نے کہا کہ ترکیہ کا سب سے اہم مسئلہ 13 ملین پناہ گزینوں اور غیر قانونی طور پر ترکیہ میں آباد غیر ملکیوں کا مسئلہ ہے۔ ترکیہ کے لیے 13 ملین افراد کو ان کے وطن واپس بھیجے جانے اور نئے لوگوں کی آمد کو روکنے کے سوا معاشی مسائل پر قابو پانا ممکن نہیں ہے۔گیارہ ملین ڈالر کے اخراجات کرتے ہوئے غربت سے نہیں بچا جاسکتا ہے۔بڑھتے ہوئے کرایوں کو نہیں روکا جاسکتا ہے۔ ملک میں امن قائم کرنا ممکن نہیں ہے۔ اپنے بچوں کو نوکریاں نہیں دلوا سکتے ہیں۔کوئی بھی ملک 13 ملین پناہ گزینوں کی وجہ سے اپنی اقتصادیات کو بہتر نہیں بناسکتا۔
انہوں نے کہا کہ پہلے راؤنڈ کے اختتام پر دو امیدواروں کے مدِ مقابل رہنے کے بعد 28 کو دوسرے راونڈ کے صدارتی انتخابات سے قبل جسٹس اینڈ دولپمینٹ پارٹی کے ڈپٹی چئیرمین نعمان قرتلمش صاحب سے بھی بات چیت ہوئی ہے۔ ہم نے ان سے پناہ گزینوں کے بارے میں ان کی پارٹی کا نکتہ نظر جاننے کی کوشش کی لیکن ان کی جانب سے کوئی خاطر خواہ پروگرام نہ ہونے کا پتہ چلا جبکہ کمال کلیچ داراولو سے اس موضوع پر مکمل طور پر اتفاق کیا ہے۔ اس لیے ظفر پارٹی ہونے کے ناتے ہم نے ملت اتحاد کے صدارتی امیدوار کمال کلیچ دار اولو کی حمایت کرنے کا فیصلہ کیا ہے۔
انہوں نے پہلے راونڈ میں جمہور اتحاد، ملت اتحاد اور اتا اتحاد کوووٹ دینے والوں سے دوسرے راونڈ میں ملت اتحاد کے صدارتی امیدوار کمال کلیچ داراولو کو ووٹ دینے کی اپیل کی ہے۔
انہوں نے کہا کہ اپنے بچوں کے مستقبل کی خاطر ہمیں تمام پناہ گزینوں کو ان کے ملک واپس بھیجنے کی ضرورت ہے ۔ انہوں نے کہا کہ آپ اپنے بچوں کے بحفاظت سڑکوں پر نکلنے،بحفاظت زندگی بسر کرنے کے خواہاں ہیں تو ہمیں پناہ گزینوں سے نجات حاصل کرنا ہے تو اس کے لیے دوسرے راونڈ میں ملت اتحاد کے صدارتی امیدوار کمال کلیچ دار اولو کو ووٹ دینے کی ضرورت ہے۔
اُمیت اوز داع نے طے پانے والی مطابقت کے بعد تحیر کردی ٹویٹ کے الفظ بڑے معنی خیز ہیں
‘ترکیہ مہاجرستان نہیں بنے گا، ترکیہ میں 29 مئی 2023 کو ترک عوام اپنے ملک واپس آنا شروع کردیں گے’