)ترکیہ کی پہلی اور واحد غیر جانبدار اُردو نیوز ویب سائٹ ہے۔ اس ویب سائٹ میں ترکیہ کی بر سر اقتدار اور اپوزیشن تمام ہی جماعتوں اورقائم اتحاد سے متعلق خبروں، تبصروں اور سروئیز کو بلا امتیاز جگہ دی جاتی ہے۔ ان تمام خبروں اور سروئیز کے ذرائع ترک میڈیا اور ایجنسیاں ہی ہیں ۔اس نیوز ویب سائٹ کا ان خبروں اور تبصروں سے متفق ہونا ضروری نہیں ہے)
ملت اتحاد کے صدارتی امیدوار کمال کلیچ دار اولو نے ترکیہ کے سرکاری نشریاتی ادارے TRT پر اپنے ایک بیان میں صدر رجب طیب ایردوان کو بڑے واشگاف الفاظ میں چیلنج کرتے ہوئے کہا ہے کہ اگر ملک کے صدر میں ہمت ہے تو آئے، میرا سامنا کرے اور وہ بھی ترکیہ کے سرکاری نشریاتی ادارے TRT پر جس پر مکمل طور پر صدر ایردوان ہی کا کنٹرول ہے۔کمال کلیچ دار اولو نے کہا ہے کہ اس میں ہچکچاہنے کی کوئی ضرورت نہیں ہے۔ آپ اپنی پسند کے صحافیوں کو مدعو کریں اور ان ہی کے سوالات کا جواب دیں اور میں بھی ان ہی کے سوالات کا جواب دینے کے لیے تیار ہوں ۔ اگر آپ اجازت دیں تو عوام بھی براہ راست سوالات کرسکتے ہیں۔
کمال کلیچ دار اولو نے کہا کہ آپ تو عالمی شہرت یافتہ لیڈر ہیں اور آپ کو مسٹر کمال سے خوفزدہ ہونے کی کوئی ضرورت نہیں ہے۔ آئیں ہم دونوں ملکی معاملات پر ایک دوسرے سے سوالات کرتے ہیں اور قوم کو بھی ان سوالات اور جوابات کو براہ راست دیکھنے کا موقع فراہم کرتے ہیں تاکہ قوم کو بھی پتہ چلے کون عوام کے مسائل حل کرنے کی صلاحیت رکھتا ہے۔ اور کون اس ملک سے محبت کرتا ہے۔ یہ سب کچھ عوام خود اپنی آنکھوں سے دیکھ لیں گے۔ اگر ہمت ہے تو پھر آو میرے سامنے ۔
ری پبلکن پیپلز پارٹی کے چئیرمین اور ملت اتحاد کے صدارتی امیدوار کمال کلیچ دار اولو نے نے ان خیالات کا اظہار آج سرکاری نشریاتی ادارے TRT پر ان کے لیے سپرئم الیکشن کمیشن کی جانب سے صدارتی امیدواروں کے لیے وقف پروگرام میں حصہ لیتے ہوئے کیا۔
انہوں نے اس موقع پر خطاب کرتے ہوئے کہا کہ ‘ عزیز عوام میں آج بہت ہی اہم ادارے کی جانب سے مدعو کیے جانے پر آپ کے روبرو ہوں۔ 14 مئی کا دن اب ماضی کا حصہ بن چکا ہے۔ قوم فیصلہ کرچکی ہے اور ان کے فیصلے ہی کی رو سے اب میں اور ایردوان ہی صدارتی انتخابات میں آپ کے سامنے ہوں گے۔ اب یہ پارٹی یا دوسری پارٹی نہیں ہے ۔ ہم ایک دوسرے سے بالکل متضاد خیالات کے مالک آپ کے سامنے ہوں گے۔ ترکیہ کا سرکاری نشریاتی ادارہ TRTجو دنیا بھر میں اپنی غیر جانبداری کی مہر ثبت کرچکا ہے اور TRTکے سکرین پر اپنی جسارت کی وجہ سے لوگوں کے دلوں پر راج کرنے والیاس عظیم شخصیت کے روبرو ہونا میرے لیے بہت بڑا اعزاز ہوگا۔ ‘
ایردوان آو میرے سامنے
ایردوان میں آپ کو آپ ہی کے سرکاری نشریاتی ادارے TRT سے آپ سے مخاطب ہوں ، آو میرے سامنے ، ہچکچاہٹ محسوس نہ کرو، ہم دونوں ہی عوام کے روبرو آتے ہیں ۔ آپ اپنی پسند کے صحافیوں کو مدعو کریں اور ان ہی کے سوالات کا جواب دیں اور میں بھی ان ہی کے سوالات کا جواب دینے کے لیے تیار ہوں ۔ اگر آپ اجازت دیں تو عوام بھی براہ راست سوالات کرسکتے ہیں۔ آپ تو عالمی شہرت یافتہ لیڈر ہیں اور آپ کو مسٹر کمال سے خوفزدہ ہونے کی کوئی ضرورت نہیں ہے۔ آئیں ہم دونوں ملکی معاملات پر ایک دوسرے سے سوالات کرتے ہیں اور قوم کو بھی ان سوالات اور جوابات کو براہ راست دیکھنے کا موقع فراہم کرتے ہیں تاکہ قوم کو بھی پتہ چلے کون عوام کے مسائل حل کرنے کی صلاحیت رکھتا ہے۔ اور کون اس ملک سے محبت کرتا ہے۔ یہ سب کچھ عوام خود اپنی آنکھوں سے دیکھ لیں گے۔
ایردوان میں ہمت ہی نہیں ہے کہ وہ میرے سامنے آئے
کمال کلیچ دار اولو نے کہا کہ ایردوان کی میرے سامنے آنے کی جسارت ہی نہیں ہے کیونکہ وہ اچھی طرح جانتے ہیں کہ دہشت گرد تنظیم PKK کے ساتھ مذاکرات کرنے والے وہ خود ہی ہیں۔ ہماری عظیم افواج کے لیے گڑھا کھودنے والو کو راستہ دینے والے ایردوان ہی ہیں۔ فوج جو کسی بھی قوم کی عزت اور ناموس ہوتی ہے کے خفیہ دفاتر کے دروازے کھولنے والے وہ خود ہی ہیں۔ دس ملین پناہ گزینوں کو انہوں ہی نے اس ملک میں داخل ہونے کی اجازت دی ہے۔ غیر ملکیوں کو خفیہ طریقوں سے جائداد کی فروخت کا بندو بست کرنے والے ایردوان ہی ہیں اور اپنے باشندوں کو محتاج کر نے والے اور گھر کا کرایہ تک ادا نہ کرنےکا حالت تک پہنچانے والے ایردوان ہی ہیں۔ اصل میں وہ سب کچھ خود بھی جانتے ہیں لیکن بد قسمتی سے TRT آپ تک ان حقائق کو پیش کرنے سے قاصر ہے ۔ یہ بیان میں TRT پر مدعو کیے جانے کی وجہ سے نہیں بلکہ TRTکے قانونی تقاضے پورے کرنے کی وجہ سے مجھے مدعو کرنے اور میرے بیان کو پیش کرنے پر مجبور ہونے کی وجہ سے پیش کیا جارہا ہے۔ میرے عزیز عوام آپ اچھی طرح دیکھ لیں ، یہ وطن اور یہ قوم کس سے محبت کرتے ہیں۔