مشہور ترک ہدایت کار نوری بلگے جیلان کو اس سال کے کانز فلم فیسٹیول میں ان کے تازہ ترین ڈرامے "About Dry Grasses” ("Kuru Otlar Üstüne”) کے پریمیئر کے کے موقع پر بعد خوب پزیرائی کی گئی اور مسلسل گیارہ منٹ تک حاضرین نے کھڑے ہو کر تالیاں بجائیں اوت انہیں داد دی ۔
ڈرامہ ایک نوجوان استاد پر مرکوز ہے جو مشرقی ترکیہ کے ایک چھوٹے سے گاؤں میں لازمی اسائنمنٹ کے بعد ترکیہ کے شہر استنبول میں تعینات ہونے کی امید رکھتا ہے۔ ترکیہ کے عوامی نشریاتی ادارے TRT اور ARTE فرانس کی مشترکہ پروڈکشن اس ڈرامہ سیریز کا جمعہ کو پریمیئر ہوا۔
جیلان نے ہفتے کے روز ایک نیوز کانفرنس میں کہا کہ فلم کی شوٹنگ COVID-19 کے پس منظر میں کی گئی تھی، اور وبائی امراض کے بارے میں انہیں کئی ایک مشکلات کا سامنا کرنا پرا تھا۔
انہوں نے کہا کہ عملے نے فلم کی شوٹنگ کے لیے موزوں مقامات تلاش کرنے کے لیے کافی سفر کیا، جیلان نے کہا کہ اس کی شوٹنگ مشرقی صوبہ ارضِ روم کے ضلع قار یازی کے آس پاس کے دیہاتوں میں کی گئی ہے ۔
ترک ہدایت کار نے کہا کہ زیادہ تر مناظر مختلف دیہاتوں میں فلمائے گئے تھے لیکن ایڈیٹنگ کرتے ہوئے اسے ایک ہی مقام کے طور پر دکھایا گیا ہے۔
کرداروں کے بارے میں سوال کا جواب دیتے ہوئےجیلان نے کہا کہ میرے تمام کرداروں کے اپنے اپنے احساسات ہیں اور ہم نے ان تمام احساسات کا اجاگر کیا ہے جنہوں نے اس ڈرامے پر اپنی مہر ثبت کی ہے۔
پروڈیوسر جیلان نے کہا کہ کہ بعض اوقات لوگوں کو اس کی فلموں میں "اینٹی ہیروز” کے کردار بھی نظر آتے ہیں۔جیلان نے کہا کہ مرکزی کردار کے لیے، کہیں کہیں الگ تھلگ ہونے کی بھی ضرورت ہوتی ہے۔ انہوں نے کہا کہ لوگوں کا خیال یہی ہے کہ خوشی کہیں بھی حاصل ہوسکتی ہے۔
"اگر آپ ناخوش ہیں، تو آپ کہیں اور خوش ہو سکتے ہیں۔ یہاں تک کہ استنبول کے لوگ بھی سوچتے ہیں کہ وہ کہیں اور جا کر خوش ہو سکتے ہیں۔
انہوں نے کہا کہ یہ ایک جگہ سے دوری جگہ جانے کے لیے ایک بہانہ ہے۔ وہ جہاں رہتے ہیں وہاں اپنے آپ کو ناخوش سمجھتے ہیں۔ اور یہی مقام ان کے مطابق نا خوش ہونے کی وجہ ہے۔ کردار کہتا ہے، ‘اگر مجھے کہیں اور منتقل کر دیا گیا تو… حالات پھر سے ٹھیک ہو جائیں گے۔وہ اپنے آپ کو تنہا اور اجنبی محسوس کرتا ہے۔