ترکیہ کی تاریخ میں پہلی بار 28 مئی کو رن آف الیکشن (دوسرے راونڈ ) کا اہتمام کیا جا رہا ہے۔ پہلے راونڈ کےصدارتی انتخابات میں اگرچہ تین امیدوار حصہ لے رہے تھے لیکن ان میں سے کوئی بھی امیدوار آئین کی روسے مقررہ وٹوں کی حد 50+1 ووٹ حاصل کرنے میں کامیاب نہیں ہوا تھا لیکن صدر ایردوان، 49٫5 فیصد ووٹ حاصل کرتے ہوئے کامیابی کی دہلیز پر پہنچ چکے تھے لیکن وہ صرف نصف فیصد ووٹوں کی کمی کی وجہ سے اپنا ہدف حاصل کرنے میں کامیاب نہ ہوسکے اور فتح کے قریب پہنچ کر بھی فتح سے دور رہے جبکہ ان کے قریبی مدِ مقابل ملت اتحاد کے صدارتی امیدوار کمال کلیچ دار اولو 44٫7فیصد ہی ووٹ حاصل کرسکے جبکہ دنیا بھر کا میڈیا اور سروئیز کمپنیاں آخری وقت تک کمال کلیچ دار اولو کو کامیاب قرار دے رہی تھیں۔
دوسرے راونڈ کے صدارتی انتخابات اگرچہ اس تازہ ترین صورتِ حال سے قبل ایک رسمی کاروائی کے طور پر ہی دیکھے جا رہے تھے کیونکہ صدر ایردوان کو صرف نصف فیصد ووٹ ہی لینے کی ضرورت ہے جو وہ با آسانی حاصل کرسکتے ہیں اور ملت اتحاد کے حامیوں کا مورال ڈاون ہونے کی وجہ سے ملت اتحاد کے ووٹروں کے پہلے سے کم ہی تعداد گھروں سے باہر ووٹ ڈالنے کے لیے نکلنے کا خیال ظاہر کیا جا رہا ہے لیکن ظفر پارٹی کی حمایت کے اعلان اور غیر ممالک میں ریکارڈ حد تک ووٹ پڑنے کی وجہ سے ملت اتحاد کے ابھی بھی ڈٹ کر مقابلہ کرنے کا خیال ظاہر کیا جا رہا ہے۔
صدر ایردوان اور کمال کلیچ دارا اولو نے اپنی انتخابی مہم کو بڑے جوش وخروش سے جاری رکھا ۔
اب دیکھنا یہ ہے کہ 28 مئی کے انتخابات میں کون فاتح بن کر ابھرتا ہے۔ صدر ایردوان جنہیں اپنی فتح کا سو فیصد یقین ہے اور جو فتح کی دہلیز قدم بھی رکھ چکے ہیں یا پھرغیر متوقع طور پر کمال کلیچ دار جنہوں نے استنبول میں اپنی شکست کو دوسرے راونڈ میں فتح میں تبدیل کردیا تھا ۔ کیا اب وہ پہلے راونڈ کی شکست کو دوسرے راونڈ میں فتح میں تبدیل کرسکتے ہیں ؟
28 مئی کو ترکیہ کے صدارتی انتخابات کے دوسرے راونڈ کے موقع پر ہماری طویل دورانیے کی لائیو نشریات کا انتظار کیجیے۔ یو ٹیوب چینل کے لیے ہماراایڈریس نوٹ کرلیجیے:
https://www.youtube.com/channel/UCAQ0YnYVWpI6tMUg-vOaUPg