ترکیہ قومی اسمبلی کے 28 ویں مدت میں اسمبلی کے ا سپیکر کے انتخاب کے لیے عبوری اسپیکر اور نیشنسلٹ موومنٹ پارٹی کے چئیر مین دولت باہچے لی کی صدارت میں عام اجلاس منعقد ہوا ۔
اس موقع پر برسر اقتدار آق پارٹی اور ایم ایچ پی کے مشترکہ امیدوار اور استنبول سے رکنِ پارلیمنٹ نعمان قرتولمُش ، ری پبلیکن پیپلز پرٹی کے انقرہ سے رکنِ پارلیمنٹ تیکن بنگیول، گڈ پارٹی کے استنبول سے رکنِ پارلیمنٹ جیہان پاچاجی، ٹی آئی پی کے جان اتالائے، دیوا پارٹی کے استنبول سے رکنِ پارلیمنٹ مصطفیٰ یعنیر اولو اور سعادت پارٹی اور فیوچر پارٹی کے انطالیہ سے رکنِ پارلیمنٹ سراپ یازی جی اوز بودن کو و نامزد کیا گیا ۔
نعمان قرتولمُش اسمبلی کے 30ویں اسپیکر منتخب
ترکیہ کی قومی اسمبلی میں ہونے والی خفیہ رائے شماری میں کوئی بھی امیدوار پہلے دو راؤنڈز میں مطلوبہ کل تعداد کا 2/3 اکثریت (400) حاصل نہیں کر سکے۔ ووٹنگ کے تیسرے مرحلے میں، آق پارٹی کے استنبول سے رکنِ پارلیمنٹ نعمان قرتولموش 321 ووٹوں کے ساتھ اسمبلی کے 30ویں صدر منتخب ہوئے۔ نعمان قرتولموش اسپیکر منتخب ہونے کے بعد اسٹیج پر تشریف لائے اور انہوں نے تمام اراکین پارلیمنٹ کا شکریہ ادا کیا۔
انہوں نے اس موقع پر عبوری اسپیکر دولت باہچے لی کا شکریہ ادا کرتے ہوئے کہا کہ دولت باہچے لی نے عبوری مدت کے لیے قومی اسمبلی کے اجلاس کی صدارتی کی اور اسپیکر کے انتخاب کو عملی جامہ پہنایا ۔ انہوں نے کہا کہ ہم غیر معمولی اہم اسمبلی کا آغاز کر رہے ہیں۔ ایسے ممالک کے لیے یہ مناسب نہیں کہ وہ خاموش رہیں۔ بحیثیت قوم ہمیں اپنے سامنے نئے اہداف مقرر کرنے ہوں گے۔ ، دنیا میں بااثر بننے کی جدوجہد کو کندھا دیں گے جسے ہم ترک صدی کہتے ہیں۔
انہوں نے کہا کہ14 مئی اور 28 مئی کو ہونے والے انتخابات کو یاد کرتے ہوئے، قرتولمشس نے کہاکہ ان انتخابات سے یہ پتہ چلتا ہے کی ترک عوام صدارتی نظام کے حامی ہیں اور انہوں نے صدارتی نظام کےت حق میں ووٹ دیا ہے۔
نئے آئین کی تیاری کا عندیہ
قرتولمش نے اس بات پر زور دیا کہ ایک نیا اور سول آئین بنایا جائے گا اور کہا، “میں جانتا ہوں کہ ہمارے سامنے انتہائی مشکل اور اہم مسائل ہیں۔ میں پارلیمنٹ کے ہر رکن کو خاص طور پر اپنے آپ کو ایک بڑی ذمہ داری کی یاد دلانا چاہوں گا۔ ترکیہ کو اس آئین سے چھٹکارا حاصل کرنے کی ضرورت ہے جس میں بغاوت کے نشانات۔ہماری قوم کی ہم سے یہ توقع ہے کہ ہم ترکی کے لیے ایک نئے آئین کے ساتھ راہ ہموار کریں گے۔