وزیر خزانہ اور وزیر مالیات مہمت شمشیک نے کہا ہے کہ، “ہماری اقتصادی پالیسیوں کا مقصد مختصر مدت میں اشیاء کی قیمتوں میں کمی اور مالی استحکام حاصل کرنا ہے۔
ہم ان اہداف کو حاصل کرنے کے لیے پر عزم ہیں۔”
یہ بات
وزیر مہمت شمشیک نے استنبول روانگی سے قبل انقرہ میں ایسن بوا ہوائی اڈے پر صحافیوں کے سوالات کے جواب میں کہی۔
مہمت شمشیک نے اپنے سوشل میڈیا اکاؤنٹ سے مرکزی بینک کے سود کی شرح کے فیصلے کے بارے میں ایک بیان بھی دیا تھا کہ “ہمارا پیسہ مستحکم اور محفوظ ہے۔ “شمشیک نے ٹویٹر پر اپنے بیان میں کہا کہ “ترک صدی کا بنیادی فلسفہ تین تصورات میں پیوست ہے: استحکام، اعتماد، پائیداری۔
ہماری اقتصادی پالیسی ان تصورات کے گرد تشکیل دی جائے گی، اور ہمارا بنیادی وژن اس بات کو یقینی بنانا ہو گا کہ ہمارے 85 ملین شہری اور ہماری آنے والی نسلیں زیادہ خوشحالی کے ساتھ امن اور سلامتی کے ساتھ زندگی بسر کریں،
اور ایک ایسا معاشی ماحول تیار کرنا ہو گا جو افراد اور مجموعی طور پر معاشرے کو خوشحالی دے ۔
پائیدار ترقی اور خوشحالی سرمایہ کاری اور روزگار میں اضافے کے ذریعے حاصل کی جاتی ہے ۔
اصول پر مبنی مانیٹری پالیسی قیمتوں کے استحکام اور مالی استحکام کا مشاہدہ کرنے پر توجہ مرکوز کرنے سے پبلک سیکٹر کے مالیاتی توازن اور پائیدار بجٹ فنانسنگ میں ایک مستحکم ڈھانچہ بنتا ہے،
– مارکیٹ اکانومی، آزاد زر مبادلہ کے نظام اور کھلی معیشت کے اصولوں پر مبنی پالیسی کا فریم ورک
ترکی کو بہت سنجیدہ سرمایہ فراہم کرے گا۔
یہ فنانسنگ سرمایہ کاری اور پیداوار کو بہت آسان بنا دے گا، اور اس بات کو یقینی بنائے گا کہ ترک لیرا دوبارہ استحکام حاصل کرے اور ایک قابل اعتماد کرنسی بن جائے۔
ہمارے پیسے کو مستحکم اور محفوظ رکھنا، ڈالرائزیشن کی لعنت سے بچنے کا سب سے مؤثر حل ہے۔
ہمارے اقتصادی فلسفے کی بنیاد، جیسا کہ ہمارے حالیہ انتخابی منشور میں بیان کیا گیا تھا کہ، ہماری حکومت کی اقتصادی پالیسیوں میں شامل ہے۔
یہ اس فریم ورک پر مبنی ہے جو انٹرپرائز کی آزادی، مارکیٹ اکانومی، اوپن فارن ایکسچینج سسٹم، فلوٹنگ ایکسچینج ریٹ سسٹم اور افراط زر کے ہدف کے ماڈل کے اصولوں پر متعین ہے۔