سویڈن نے ترکیہ کی جانب سے مایوس ہوکر نیٹو میں شمولیت کےلئے اب اپنی امیدیں امریکہ سے باندھ لی ہیں۔
نیٹو کے سربراہی اجلاس پر اس وقت دنیا کی نظریں لگی ہوئی ہیں اور یہ اہم اجلاس اس وقت دنیا کے ایجنڈے پر ہے:
پوری دنیا نیٹو سربراہی اجلاس کا انتظار کر رہی ہے، جو 11-12 جولائی کو ہو گا۔ جہاں ترکیہ کے ساتھ اتحاد میں شامل ہونے کی امید رکھنے والے سویڈن کی کوششیں جاری ہیں، سویڈن کے وزیر اعظم الف کرسٹرسن نے واشنگٹن میں امریکی صدر جو بائیڈن سے ملاقات کی اور “سویڈن کو نیٹو میں شامل کرنے” کا مطالبہ کیا۔
ملاقات کے بعد مغربی پریس میں شائع ہونے والی خبروں میں ترکیہ کے کردار کی طرف دنیا کی توجہ مبذول کرائی گئی۔
دوسری جانب نیویارک ٹائمز نے اپنے تبصرے میں لکھا ہے کہ سویڈن کو نیٹو کی رکنیت ملنا مشکل دکھائی دیتا ہے کیونکہ صدر ایردوان سویڈن کی نیٹو رکنیت کی مخالفت کرتے چلے آرہے ہیں جس کے نتیجے میں فی الحال سویڈن نیٹو کی رکنیت حاصل کرتے ہوئے دکھائی نہیں دیتا ہے۔
*ترکی جو بھی کہے وہی ہو گا*
سویڈن کے بارے میں ترکیہ کے پرعزم موقف کو *ہنگری* کی حمایت بھی حاصل ہوگئی ہے.
ہنگری کے وزیر خارجہ پیٹر سیجارتو نے کہا کہ وہ نیٹو میں سویڈن کی رکنیت کے بارے میں ترکیہ کے فیصلے کو مقدم رکھیں گے، اور اعلان کیا کہ ہنگری سویڈن کی نیٹو میں شمولیت کی درخواست کے لیے ترکیہ کی جانب سے مثبت اشارے کے ساتھ اس عمل کی حمایت کریں گے.