قونصلیٹ جنرل آف پاکستان استنبول اور ترکیہ کی الیکٹرونک فرم آرچیلک نے مشترکہ طور پرآرچیلک استنیہ outletمیں مینگوزکی متعارفی تقریب منعقد ہوئی۔
پھلوں کے بادشاہ پاکستانی مینگوز کو ترکیہ میں متعارف کروانے کا بالکل انوکھا طریقہ اپنایا گیا تھا۔
تقریب سے ترکیہ میں پاکستان کے سفیر ڈاکٹر یوسف جنید نے میڈیا سے گفتگو کرتے ہوئے کہا کہ مینگوز کی متعارفی تقریب کا مقصد اس منفرد اور غیر ملکی “پھلوں کے بادشاہ” کو ترک عوام اور غیر ملکی سیاحوں کو جمعہ 4 اگست 2023 کو پورا دن اسٹور کا دورہ کا دورہ کرنے والوںکو متعارف کروانا ہے۔ انہوں نے کہا کہ پاکستانی مینگوز ذائقہ میں بڑے منفرد ہیں اور اس پھل کو پاکستان میں پھلوں کا کنگ کہا جاتا ہے۔
پاکستانی مینگوز دنیا کے کئی ممالک کو برآمد کیے جاتے ہیں ۔ انہوں نے کہا کہ پاکستان اور ترکیہ کے درمیان حال ہی میں طے پانے والے تجارتی سامان کے معاہدے کے تحت پاکستانی آم کو صفر درآمدی ڈیوٹی پر مارکیٹ میں رسائی حاصل ہوئی ہے۔ یہ تقریب پاکستانی آم کو ترکی میں ایک مناسب مارکیٹ تلاش کرنے کا موقع فراہم کرے گی۔ سفیر ِ پاکستان نے پاکستانی مصنوعات کے لیے ترک مارکیٹ کے دروازے کھولنے پر حکومتِ ترکیہ کا شکریہ ادا کیا۔
قونصل جنرل مسٹر نعمان اسلم نے اس موقع پر خطاب کرتے ہوئے کہا کہ مینگوز سے متعلق ترک عوام کا فیڈ بیک حیرت انگیز ہے اور ترک مارکیٹ میں پاکستانی مینگوز کو متعارف کروانے کے پورے پورے مواقع حاصل ہیں۔ انہوں نے کہا کہ اتنے بڑے پیمانے پر مینگوز کی پذیرائی پر ایسی مزید تقریبات کا انعقاد کیا جائے گا۔
تقریب میں ان مینگوز سے مختلف اقسام کی سویٹ ڈشز کے علاوہ مختلف اقسام کی سلاد ، آئس کریم ، souffle سے لے کر پڈنگ اور ملک شیک سے لے کر مینگو کیک تک کو تیار کیا گیا تھا۔
اس تقریب میں شرکت کرنے والے افراد نے اپنے خیالات اور تاثرات کا اظہار کرتے ہوئے استنبول کے قلب میں ایک مشہور مقام پر مینگوز کے لیے متعارفی تقریب منعقد کرنے اور مینگوز کی لذت ، میٹھاس اور ذائقے کو بے حد پسند کیا۔