ترکیہ تیسرے جوہری پاور پلانٹ کے لیے چین کے ساتھ معاہدے کے بہت نزدیک ہے۔
توانائی اور قدرتی وسائل کے وزیر، الپ ارسلان نے بتایا کہ چین کے ساتھ مذاکرات میں اہم پیش رفت ہوئی ہے اور یہ معاہدہ اگلے چند ماہ میں مکمل ہو جائے گا۔
یہ پاور پلانٹ İğneada، Kırklareli میں قائم کرنے کا ہمارا منصوبہ ہے۔
انقرہ میں توانائی اور قدرتی وسائل کے وزیر الپ ارسلان نے جوہری پاور پلانٹ کے منصوبوں کے بارے میں میڈیا کو معلومات دیں۔
الپ ارسلان نے یاد دلایا کہ چائنا نیشنل انرجی ایڈمنسٹریشن کے ڈپٹی چیئرمین ہی یانگ حال ہی میں انقرہ آئے تھے اور تیسرے پاور پلانٹ کے لیے ہمارے طویل عرصے سے جاری مذاکرات آخری مرحلے میں پہنچ چکے ہیں۔
انہوں نے کہا، “ہم ایک بہت اہم نقطہ پر پہنچے ہیں، ہم اگلے چند ماہ میں اس کو حتمی شکل دے دیں گے۔
الپ ارسلان نے مذید کہا، “ہم نے آق قیو میں پہلا ری ایکٹر اور مرکزی تعمیراتی کام مکمل کر لیا ہے۔ ہم اس پاور پلانٹ سے تقریباً 4.8 گیگا واٹ بجلی پیدا کر سکیں گے۔ دوسرے پاور پلانٹ کے لیے روسیوں کے ساتھ بات چیت جاری ہے۔ پلانٹ کا منصوبہ سینوپ میں ہے، اور ہم جنوبی کوریا کے ساتھ بھی رابطے میں ہیں۔”
الپ ارسلان نے مذید کہا کہ کرکوک- جیہان پائپ لائن تکنیکی طور پر جلد ہی تیار ہو جائے گی۔
یہ یاد دلاتے ہوئے کہ عراق نے ثالثی کے فیصلے پر عمل درآمد کے لیے امریکی عدالت میں درخواست دی تھی، الپ ارسلان نے کہا کہ ترکیہ اپنی وصولی کے لیے بھی ایسا ہی طریقہ استعمال کر سکتا ہے، جس کا تخمینہ تقریباً 950 ملین ڈالر ہے۔
یہ بتاتے ہوئے کہ متحدہ عرب امارات کے ساتھ زیر بحث منصوبوں میں سے ایک بنیادی طور پر ہوا کی توانائی سے ہائیڈروجن پیدا کرنا ہے۔
ارسلان نے بتایا کہ اس تناظر میں ہمارے ابوظہبی ترقیاتی فنڈ اور بعض یورپی کمپنیوں کے ساتھ رابطے جاری ہیں۔
