صدر رجب طیب ایردوان 13ویں مرتبہ اقوام متحدہ کی جنرل اسمبلی سے خطاب کریں گے۔
اپنی اب تک کی تمام تقریروں میں ایردوان نے بہت سے ایسے مسائل پر زور دیا جنہیں دنیا حل نہیں کر سکی ۔ اس موقع پر ایردوان نے تاریخی پیغامات بھی دیے ہیں۔
اقوام متحدہ کی جنرل اسمبلی کا اجلاس ان سربراہی اجلاسوں میں سے ایک ہے جہاں سفارت کاری کی چوٹیوں اور اہم امور پر تبادلہ خیال کیا جاتا ہے۔
جن شخصیات نے اقوام متحدہ کی جنرل اسمبلی پر اپنا نشان چھوڑا ہے ان میں سے ایک صدر رجب طیب ایردوان ہیں۔
2005 میں پہلی بار جنرل اسمبلی میں شرکت کرنے والے ایردوان نے بطور وزیر اعظم 2007، 2009 اور 2011 میں بھی ان اجلاسوں میں شرکت کی۔
ایردوان نے 2014 کے بعد سے مسلسل اقوام متحدہ کی جنرل اسمبلی میں شرکت کی، جب وہ صدر منتخب ہوئے تھے۔
کورونا وائرس کے دوران صدر ایردوان نے اپنی مدت کے دوران آن لائن سمیت 12 مرتبہ جنرل اسمبلی سے خطاب کیا، وہ دنیا کے ان چند رہنماؤں میں سے ایک ہیں جن کے پاس یہ *اعزاز* ہے۔
اب جب کہ سب کی نظریں اقوام متحدہ کی جنرل اسمبلی میں اپنے قائدین کے پیغامات پر مرکوز تھیں، وہیں صدر ایردوان کی تقریر نے دنیا بھر پر بہت بڑا اثر کر ڈالا۔
ایردوان کا یہ تہلکہ خیز بیان
*”دنیا 5 سے بڑی ہے “*
جو انہوں نے پہلی بار 2014 میں دیا جس نے بین الاقوامی دنیا کی توجہ ان کی جانب مبذول کردی۔ صدر ایردوان ہر سال اقوام متحدہ کے ڈھانچے پر تنقید کرتے ہوئے اس پیغام کو دہراتے ہیں۔
صدر ایردوان کی تمام تقریریں تاریخ پر اثر چھوڑ گئیں۔
2019 میں اپنی تقریر میں، انہوں نے بچے ایلان کی تصویر دکھائی اور اس بات پر زور دیا کہ دنیا ان مظلوموں کو نظر انداز کرتی ہے جو دنیا کی طرف امید کی نظروں سے دیکھتے ہیں ۔
انہوں نے اقوام متحدہ کے روسٹرم سے پوری دنیا کو جھنجھوڑ کر رکھ دیا۔
پچھلے سال، ایردوان نے اقوام متحدہ کے پوڈیم سے ایک اور تاریخی قدم اٹھایا، پوری دنیا سے ٹی آر این سی کو تسلیم کرنے کا مطالبہ کیا۔
بہت سے مسائل جنہیں عالمی رہنما نظر انداز کرتے ہیں
جن میں، اسرائیل کے زیر قبضہ زمینوں سے لے کر، کاراباخ کے مسئلے تک، مغرب میں اسلام دشمنی سے لے کر دنیا کی آمدنی میں عدم مساوات تک، اقوام متحدہ کی جنرل اسمبلی میں ایردوان کے ایجنڈے پر تھے۔
توقع ہے کہ صدر رجب طیب ایردوان اس سال جنرل اسمبلی میں جو بھی پیغامات دیں گے اس پر نہ صرف پوری دنیا کی رائے ہموار ہوگی بلکہ وہ پوری دنیا کے دل کی آواز ہوگی۔