چوتھی استنبول انٹرنیشنل بیوٹی نمائش 27 تا 29 ستمبر استنبول کانگریس سینٹر میں جاری ہے۔ اس نمائش میں 650 سے زائد انٹرنیشنل اور مقامی فرموں کی مصنوعات کی نمائش کی جا رہی ہے۔
اس نمائش میں ترکیہ اور بیرون ملک سے 10,000 سے زائد کاروباری افراد کی شرکت کی توقع کی جا رہی ہے۔
اس نمائش میں دس مختلف ممالک کے پویلین موجود ہیں ۔ پاکستان کا پویلین جو ٹریڈ ڈیولپمنٹ اتھارٹی آف پاکستان (TDAP)، وزارت تجارت کے تعاون سے قائم کیا گیا ہے۔
پاکستانی قونصل خانہ استنبول پاکستان سے اس نمائش میں حصہ لینے والی کمپنیوں کو مکمل معاونت فراہم کر رہی ہےقونصل جنرل نعمان اسلم نے نمائش کی تقریب رونمائی سے خطاب کرتے ہوئے پاکستانی اشیاء اور آلات کی منفرد خصوصیات کو اجاگر کیا اور پاکستان کی بیوٹی انڈسٹری کی بین الاقوامی بیوٹی استنبو ل نمائش میں شمولیت کو خوش آئند قرار دیا
اس نمائش میں خوبصورتی اور سکن کیئر کے شعبے سے تعلق رکھنے والی اٹھارہ کمپنیوں کو خدمات فراہم کررہا ہے۔ یہ نمائش پاکستانی کمپنیوں کو غیر ملکی خریداروں کے ساتھ بات چیت کرنے کے ساتھ ساتھ نمائش میں شرکت کرنے والی ملکی اور بین الاقوامی فرموں کے ساتھ ایک دوسرے کے تجربات سے سیکھنے کا بہترین موقع فراہم کرے گی۔
قونصلیٹ جنرل آف پاکستان، پاکستانی کمپنیوں کو اپنی مصنوعات کی نمائش میں سہولت فراہم کر رہا ہے اور اس نے ممکنہ خریداروں کے ساتھ B2B ملاقاتوں کا بھی اہتمام کیا ہے۔ پچھلے سال، چودہ کمپنیوں نے TDAP کی طرف سے پاکستان پویلین کی سہولت کے تحت نمائش میں شرکت کی اور انہوں نے غیر ملکی تجارتی فرموں کے ساتھ اپنے بزنس کو جاری رکھا ہوا ہے۔