صدر ایردوا ن کا مغرب کے غزہ سے متعلق موقف پر شدید ردِ عمل ، مغرب جلتی پرتیل چھڑکنے کے سوا کچھ نہیں کررہا ہے

غیر موثر اقوام متحدہ ایک بار پھر ذمہ داری نبھانے میں ناکام

صدر رجب طیب ایردوان نے کہا کہ گزشتہ   17 سال سے ناکہ بندی میں زندگی گزار نے والے   غزہ کے مظلوم عوام کے لیے اپنی مدد کا ہاتھ بڑھانے  کا سلسلہ جاری رکھیں گے۔ ہمیں  انسانی حقوق اور آزادیوں  کا درس دینے سے نہ تھکنے والے    مغربی ممالک اس وقت جلتی  پر تیل چھڑکنے کے سوا کچھ نہیں کررہے ہیں۔

صدر ایردوان نے سوشل میڈیا پر اپنی پوسٹ میں کہا ہے کہ  میں جدہ میں  اسرائیل کے بڑھتے ہوئے ظلم و ستم کے  خلاف   عالمِ اسلام کے عزم   اور  فلسطینی عوام کے ساتھ یکجہتی  اور فلسطینی کاز کی حمایت کے اظہار کے لیے  منعقدہ اسلامی تعاون تنظیم کی ایگزیکٹو کمیٹی  کے غیر معمولی اجلاس کو   قابلِ تعریف  قرار دیا ہے۔

ہم نے 7 اکتوبر کو شروع ہونے والے بحران کو پورے خطے میں پھیلنے  سے روکنے  کے لیے اپنی بھر پور کوششوں کا سلسلہ جاری رکھا ہوا ہے۔

 ہم نےاس وقت تک  18  ریاستی اور حکومتی سربراہان  کے  ساتھ  ٹیلی فون پر بات چیت کی ہے۔ مصری حکام کے ساتھ تعاون  کرتے ہوئے  ہم نے انسانی امدادی سامان سے بھرے 3 طیارے خطے میں پہنچائے ہیں۔

ہم  17 سال سے ناکہ بندی میں زندگی گزار  نے والے  غزہ کے مظلوم عوام کے لیے اپنی مدد کا ہاتھ بڑھا رہے ہیں ۔

تاہم ہماری خطے میں امن کو یقینی بنانے  کے لیے کی جانے والی   کوششوں  کو  خطے میں  طیارہ بردار جہاز بھیجنے،  فلسطینی  عوام  کو دی جانے والی امداد کے منقطع ہونے  اور غزہ کے  تمام ہی عوام کو    ایک ساتھ ہی سزا دینے  جیسے اقدامات سے نقصان پہنچا ہے۔

غیر موثر  اقوام متحدہ کی سلامتی کونسل ایک بار پھر اپنی ذمہ داری نبھانے میں ناکام  رہی ہے۔

مغربی ممالک، جو انسانی حقوق اور آزادیوں  کا ہمیں درس دیتے نہیں  تھکتے   ، اس وقت آگ پر تیلی چھڑکنے کے سوا کچھ نہیں کررہے ہیں۔

بین الاقوامی میڈیا اپنی متعصبانہ اور منافقانہ نشریات  سے  انسانوں کے قتل عام کی پردہ پوشی  کی   دوڑ میں شامل ہو چکے ہیں۔

“محفوظ زون” کہلانے والے علاقوں میں نقل مکانی کرنے والے معصوم لوگوں پر بمباری کرنا، سرحدی  چوکیوں، ، مساجد، اسکول اور شہری بستیوں پر بمباری کچھ ایسے جنگی جرائم ہیں جن کا ہم نے گزشتہ 12 دنوں  سے مشاہدہ  کررہے ہیں ۔

کل غزہ میں ہونے والے قتل عام کو الاہلی  عرب ہسپتال پر گھناؤنے اور وحشیانہ  حملوں کی تاریخ میں کوئی  مثال نہیں ملتی۔

انسانیت کے خلاف جرم ہے اور غزہ کے لوگوں کے خلاف نسل کشی کے مترادف  ان حملوں کے ذمہ ادار افراد پر  لعنت ملامت بھیجتا ہوں۔

کل کے قتلِ عام  سے  لے کر  7 اکتوبر   سے اب تک  مختلف بیانات دیتے ہوئے جلتی پر   تیل چھڑکنے والے بھی  اس کے ذمہ دار ہیں۔

میں  اسرائیلی بمباری میں شہید ہوئے بچوں اور  خواتین سمیت   4 ہزار غزہ کے بہن بھائیوں کے  لیے مغفرت  زخمیوں کی جلد صحت یابی کی دعا کرتا ہوں۔ ترکیہ  ہونے کے ناتے ہم پہلے انسانی بنیادوں پر جنگ بندی اور پھر مستقل استحکام کے لیے کام جاری رکھیں گے۔