جمہوریہ ترکیہ کے بانی غازی مصطفیٰ کمال اتاترک کی جانب سے قائم کردہ ری پبلیکن پیپلز پارٹی ( CHP) میں 13 سال تک پارٹی کے چئیرمین رہنے والے کمال کلیچ دار اولو گزشتہ ہفتے کے اواخر میں ہونے والے 38 ویں پارٹی کنونشن میں ہونے والے انتخابات میں شکست سے دوچار ہونے کے بعد پارٹی کی چئیرمین شپ اؤزگور اوزیل (Özgür Özel) منتخب ہوگئے ہیں۔
آج ری پبلیکن پیپلز پارٹی ( CHP) کے ہیڈ کوراٹر میں منعقد ہونے والی تقریب میں اؤزگور اوزیل نے باضابطہ طور پر کمال کلیچ دارا اولو سے اختیارات حاصل کیے۔
کمال کلیچ دارا اولو ، جو 2010 میں منعقد ہونے والی 33 ویں عام کنونشن میں میں ریپبلکن پیپلز پارٹی (CHP) کے چیئرمین کے طور پر منتخب ہوئے تھے اور 13 سال تک یہ فریضہ بلا تعطل جاری رکھے ہوئےتھے۔
تقریب کے آغاز پر سابق چئیرمین کمل کلیچ داراولو نے نئے چئیرمین اؤزگور اوزیل کا ہیڈ کوارٹر کی عمارت کی دہلیز پر استقبال کیا۔
اس سے قبل اوزیل نے آج شام بجے ترکیہ کی قومی سمبلی کی عمارت میں نئے چئیرمین کی حیثیت سے رجسٹریشن کا سرٹیفکیٹ وصول کیا۔
بعدمیں ری پبلیکن پیپلز پارٹی ( CHP) کے ہیڈ کوارٹر میں سابق چئیرمین کمال کلیچ دارا ولو نے نئے منتخب چئیرمین اؤزگور اوزیل (Özgür Özel) کو پھولوں کا گلدستہ پیش کیا۔
بعد میں نو منتخب چئیرمین اؤزگور اوزیل نے سابق چئیرمین کمال کلیچ دار اولو کو عمارت سے الوداع کیا ۔
اس سے قبل نو منتخب چئیرمین اؤزگور اوزیل نے سابق چئیرمین کمال کلیچ دارا اولو کے کے گھر جاتے ہوئے ان سے ناشتے کی میز پر ملاقات کی تھی اور اپنی نیک خواہشات کا اظہار کیا تھا۔
اس ملاقات کے بعد بیان دیتے ہوئے اوزیل نے کہا کہ ملاقات کے بعد بات کرتے ہوئے کہا کہ کلیچ دار اولو ان کے فیملی دورے کے دوران بڑی گرمجوشی سے استقبال کیا جس پر وہ کمال کلیچ دارا اولو اور ان کے اہلِ خانہ کے مشکور ہیں۔
یاد رہے پارٹی کے چئیرمین کے لیے ہونے والے انتخابات میں کمال کلیچ دارا اولو کو ایگزیکٹو اراکین میں سے 536 جبکہ نو منتخب چئیرمین اؤزگور ازیل کو 812 ووٹ حاصل ہوئے تھے۔
ترکیہ میں عام طور پر سیاسی جماعتوں میں مکمل طور پر جمہوری طریقے سے عمل درآمد نہیں کیا جاتا بلکہ ایک بار پارٹی کا چئیرمین منتخب ہونے والا رہنما عام طور پر کسی دوسرے رہنما کو اپنی زندگی میں منتخب کرنے کا موقع نہیں دیتا لیکن ترکیہ کی یہ جماعت ہمیشہ ہی ڈیمو کریسی پر یقین رکھتی چلی آئی ہے اور پارٹی کے چئیرمین انتخابات سے تبدیل ہوتے رہے ہیں ۔
پاکستان میں بھی ترکیہ کی اس جماعت کو اپنے لیے رول ماڈل سمجھتے ہوئے اس کی پیروی کرنے کی ضرورت ہے کیونکہ پاکستان میں تمام ہی سیاسی جماعتیں اپنے اندر ڈیموکریسیپر عمل درآمد کرنے سے گریز کرتی ہیں اور پارٹی کے اندر انتخابات کروانے کا کوئی نظام موجود نہیں ہے۔