غزہ میں 16 ہزار شہادتیں انسانیت کے خلاف جنگی جرم ہے۔ایردوان

صدر رجب طیب ایردوان نے موسمیاتی تبدیلیوں سے متعلق اقوام متحدہ کے ورلڈ کلائمیٹ ایکشن سمٹ سے خطاب کرتے ہوئے کہا کہ غزہ میں جو کچھ ہورہا ہے وہ انسانیت کے خلاف جنگی جرم ہے، مجرموں کو بین الاقوامی عدالت کے کٹہرے میں لاکر کھڑا کرنا چاہیے ۔
انہوں نے کہا کہ

“اسرائیلی حملوں کے نتیجے میں 16 ہزار سے زائد بے گناہ فلسطینی شہریوں، جن میں زیادہ تر بچے اور خواتین شامل ہیں، کی جانوں کے ضیاع کو کسی بھی طرح معاف نہیں کیا جاسکتا۔ غزہ میں جو کچھ ہوا وہ انسانیت کے خلاف جنگی جرم ہے ۔اور اس کی کڑی سزا مجرموں کو ملنی چاہئے ۔

ہم ایک آزاد، خود مختار اور علاقائی سالمیت والی فلسطینی ریاست کے قیام کی حمایت کرتے ہیں،جیسا کہ 1967 سے پہلے فلسطینی ریاست قائم تھی۔ اور جس کا دارالحکومت مشرقی یروشلم تھا۔