19 مئی کا جذبہ ، ترک قوم کا سب سے بڑا اثاثہ اور سرمایہ ہے: صدر ایردوان

رجب طیب ایردوان نے ترک قوم اور نوجوانوں کو خصوصی پیغام دیتے ہوئے کہا ہے کہ
میں اپنے نوجوانوں اور قوم کو، 19 مئی کی اتاترک کی یاد، نوجوانوں اور کھیلوں کے دن پر مبارکباد پیش کرتا ہوں اور ہماری جنگ آزادی کے تمام ہیروز، خاص طور پر غازی مصطفیٰ کمال اتاترک کو احترام کے ساتھ یاد کرتا ہوں۔

“19 مئی کا جذبہ ترک قوم کا سب سے بڑا اثاثہ اور سرمایہ ہے۔ مشکلات کے خلاف کھڑے ہونے اور ثابت قدمی، ایمان اور عزم کے ساتھ مل کر لڑنے کا مفہوم اسی جذبے میں پوشیدہ ہے.
19 مئی 1919، میں یہ جزبہ آزادی، 105 سال پہلے شروع ہوا تھا اور اس نے جنگ آزادی کو فتح کا تاج پہنایا تھا،
19 مئی ہی وہ تاریخ تھی جب ایک مضبوط ترکیہ کی تعمیر کی پہلی اینٹ رکھی گئی تھی۔

ایردوان نے مزید کہا کہ اس تاریخ میں ہماری قوم نے اسیری کے خلاف اپنی مزاحمت کا مظاہرہ کیا اور جدوجہد آزادی کا آغاز کیا۔
ہمارے ملک نے تمام تر دباؤ اور اشتعال انگیزیوں کے باوجود ترقی، نمو اور با اختیار بننے کی جس جدوجہد کو تیز کیا ہے، اس کی بنیاد صرف اسی جذبہ کی بنیاد پر ہو سکتی ہے۔

ایردوان نے نوجوانوں کو اس دن کی مناسبت سے پیغام دیا کہ
آپ، نئی ترک صدی کے سپاہی ہیں۔اپ اپنی تاریخ کی حفاظت کریں اور اسے شعور اور خود اعتمادی کے ساتھ پیش کریں، ایک دوسرے کے ساتھ متحد رہیں، اور آپس میں بھائی چارے کو فروغ دیں۔