صدر رجب طیب ایردوان نے آق پارٹی کے پروگرام سے خطاب کرتے ہوئے کہا کہ ہم بین الاقوامی پلیٹ فارموں پر فلسطینی عوام کی بھرپور آواز ہیں ۔
آج ہم اسی مقام پر کھڑے ہیں جہاں پہلے دن کھڑے تھے۔ ہم واحد ریاست ہیں جو اسرائیل کے خلاف اقتصادی پابندیاں عائد کرتی ہے۔
انہوں نے کہا کہ اسرائیل غزہ کے عوام کے خلاف اپنی نسل کشی کا پہلا سال مکمل کرنے والا ہے، گزشتہ 364 دنوں میں 17 ہزار سے زائد بچے، ہزاروں خواتین، بوڑھے، عام شہری، ڈاکٹرز اور صحافیوں کو بے دردی سے شہید کیا گیا۔ اور پوری دنیا کی آنکھوں کے سامنے تقریباً 50 ہزار بے گناہ لوگ غزہ میں شہید کئے گئے۔
ایردوان نے کہا، بین الاقوامی قانون، بنیادی انسانی حقوق اور آزادی، جنگ کا قانون، لوگوں اور انسانیت کی تمام اقدار کو پامال کیا گیا ہے۔ 360 مربع کلومیٹر کے اندر کوئی جرم بلاامتیاز نہیں چھوڑا گیا، کوئی بربریت باقی نہیں رہی۔
پچھلے ایک سال سے خطے میں بہت خونریز تنازعات ہوئے ہیں۔
مگر
اسرائیل غزہ کے لوگوں کی مزاحمت کو توڑ نہیں سکا ہے
غزہ کے مظلوم عوام تمام تر ناممکنات کے باوجود، 364 دنوں سے صیہونی غاصبوں کے خلاف بہادری سے مزاحمت کر رہے ہیں۔
انہوں نے مزید کہا کہ
ترکیہ کی حیثیت سے، ہم اپنے تمام وسائل کے ساتھ اپنے غزہ کے بھائیوں کے ساتھ کھڑے رہیں گے۔ ہم یہ دکھاوے کے لیے نہیں کہتے۔ ہم واحد ریاست ہیں جو اسرائیل کے خلاف اقتصادی پابندیاں عائد کرتی ہے۔ ہم وہ مسلم ملک ہیں جو سب سے زیادہ غزہ کے لئے امداد بھیجتا ہے۔
ہم ترکیہ میں غزہ کے لئے جو کچھ بھی کہتے ہیں، اقوام متحدہ کے پوڈیم پر وہی باتیں کہنے میں کبھی نہیں ہچکچاتے۔
ہم بغیر ڈگمگائے، بغیر کسی ڈر کے، دھمکیوں کے باوجود جھکے بغیر فلسطین کے
مظلوموں کے ساتھ کھڑے ہیں۔
ایردوان نے کہا کہ سب نے دیکھا ہے کہ جو لوگ برسوں سے فلسطین کی آزادی کی بات کر رہے ہیں وہ فلسطینی بچوں کے لیے جمع ہونے والے مظاہرین کے ساتھ کیسا سلوک کرتے ہیں،انہیں فلسطینی پرچم لہرانا بھی برداشت نہیں ۔
میں اسرائیلی حکومت کی غیر مشروط حمایت کر کے اسے لاپرواہ بنانے والوں کو عقل سے کام لینے کی نصیحت کرتا ہوں، اس سے پہلے کہ حالات قابو سے باہر ہو جائیں،
مسلمانوں کے خون کے پیاسے اسرائیل نے جس آگ کو بھڑکا دیا ہے وہ اس جغرافیہ میں رہنے والے لوگوں کو جلا دے گی ۔
صدر ایردوان نے عالم اسلام سے مطالبہ کیا کہ وہ اسرائیلی جارحیت کو روکنے کے لیے اس پر اقتصادی اور تجارتی پابندیاں عائد کریں ۔
آخر میں انہوں نے کہا کہ
"ہمارے شہری ہماری پارٹی کو اپنے مسائل کے حل کے طور پر دیکھتے ہیں۔
ہماری عوام کا ماننا ہے کہ ہم معیشت کی مشکلات پر قابو پالیں گے، خاص طور پر مہنگائی، اور یہ کہ ہم ملکی سلامتی اور امن کو یقینی بنائیں گے۔
ہم نے اب تک قوم کو مایوس نہیں کیا ہے۔ ہم 85 ملین شہریوں کی توقعات سے بخوبی آگاہ ہیں۔
ترکیہ کو درپیش خطرات کو ختم کرتے ہوئے ہم ہر وقت میدان میں سرگرم عمل ہیں۔
