پاکستان کے سمندروں میں ترکیہ تیل کی تلاش کرے گا
ترکیہ نے بیرون ملک تیل اور قدرتی گیس کی تلاش کی طرف ایک نیا کامیاب قدم اٹھایا ہے۔
اس بار ترکیہ نے پاکستان کے ساتھ ایک نیا تعاون قائم کیا ہے۔
ترکش پیٹرولیم کارپوریشن (TPAO) ترکش پیٹرولیم اور پاکستان کی تین قومی تیل کمپنیاں 40 آف شور بلاکس کے لیے پاکستان کے ٹینڈر کے لئے مشترکہ بولی جمع کرائیں گی۔
مشترکہ بولی کے معاہدے کے حوالے سے دارالحکومت اسلام آباد میں ایک پر وقار تقریب کا انعقاد کیا گیا۔ توانائی اور قدرتی وسائل کے وزیر الپرسلان بائراکتر، نے اسلام آباد میں منعقد پاکستان انویسٹمنٹ منرلز فورم میں خطاب کرتے ہوئے کہا، “یہ قدم ترکیہ اور پاکستان کے درمیان برادرانہ رشتے کو مزید گہرا کرے گا اور علاقائی توانائی کی سلامتی کے حوالے سے بھی ایک اہم سنگ میل ثابت ہو گا۔”
پاکستان انویسٹمنٹ منرلز فورم میں
وزیر بائریکتر نے پہلی بار شرکت کی۔ وزیر بائراکتر نے کہا
کہ ترکیہ نے جدید اور مؤثر کان کنی پر توجہ مرکوز کی ہے اور یہ کہ کان کنی میں سرمایہ کاری کو راغب کرنے کے لیے ماحولیاتی طور پر حساس، محفوظ اور مقامی شراکت بہت اہم ہے۔
بائریکتر کی پاکستانی وزراء کے ساتھ ملاقات
فورم کے بعد، بائریکتر نے پاکستان کے وزیر پٹرولیم علی پرویز ملک اور وزیر برائے توانائی سردار اویس احمد خان لغاری سے الگ الگ ملاقاتیں بھی کیں ۔
فورم میں، ترکش پیٹرولیم اور پاکستان کی قومی تیل کمپنیوں ماری انرجی، او جی ڈی سی ایل اور پی پی ایل کے درمیان ایک مشترکہ بولی کے معاہدے پر دستخط کیے گئے۔ معاہدے پر دستخط کی تقریب میں شریک وزیر بائیراکتر نے کہا کہ "یہ قدم ترکیہ اور پاکستان کے درمیان توانائی کے شعبے میں اہم شراکت داری کو مزید گہرا کرے گا اور علاقائی توانائی کی سلامتی کے حوالے سے بھی ایک اہم سنگ میل ثابت ہو گا۔ مجھے امید ہے کہ یہ معاہدہ دونوں ممالک کے لیے فائدہ مند ثابت ہوگا۔ر
پاکستان 30 جون 2025 کو کل 40 آف شور ایکسپلوریشن بلاکس کے لیے ٹینڈر کرے گا، جن میں سے 14 مکران آف شور بیسن اور 26 انڈس آف شور بیسن میں ہیں۔ اسلام آباد انویسٹمنٹ منرلز فورم میں پاکستان کے وزیر اعظم شہباز شریف نے وزیر بائریکتر سے خصوصی ملاقات
کی۔
ملاقات میں ترکیہ اور پاکستان کے درمیان توانائی کے تعلقات پر تبادلہ خیال کیا گیا۔ بائریکٹر نے پاکستانی آرمی چیف عاصم منیر سے بھی ملاقات کی۔