۔ڈپلومیسی فورم (ADF 2025) کی باضابطہ افتتاحی تقریب میں
صدر ایردوان نے کہا کہ “جب تک غزہ میں اسرائیل کی ریاستی دہشت گردی جاری ہے، جنگ بندی کی کوششوں کو سبوتاژ کیا جائے گا، اور بے گناہوں پر بم برسائے جائیں گے، اس خطے میں دیرپا امن لانا بہت مشکل ہے۔
مشرق وسطیٰ میں امن صرف اسرائیل فلسطین مسئلے کے دو ریاستی حل کی بنیاد پر ہی ممکن ہے۔”
ایردوآن نے فورم سے خطاب کرتے ہوئے کہا کہ یہ تین روزہ قیمتی پروگرام پوری دنیا ، پوری انسانیت کے لیے اور خاص طور پر ہمارے جغرافیہ کے مظلوموں کے لیے فائدہ مند ثابت ہوگا۔
“دنیا پانچ سے بڑی ہے کیونکہ انسانیت پانچ سے بڑی ہے”
ایک ایسے وقت میں جب ہم دہشت گردی، بھوک، غربت، نسل پرستی، اسلامو فوبیا، اینٹی امیگریشن اور موسمیاتی بحران جیسے مسائل سے نمٹ رہے ہیں جو پوری انسانیت کے لیے تشویش کا باعث ہیں، ہم یہ دیکھ رہے ہیں کہ عالمی برادری بدقسمتی سے بہتر، زیادہ باوقار پالیسیاں بنانے میں ناکافی ہے۔ ہم اس کمی کو ہر روز وسیع علاقوں میں محسوس کرتے ہیں، خاص طور پر اپنے خطے میں تنازعات اور تناؤ میں۔
ایسا لگتا ہے کہ ہمیں سفارت کاری کی انسانی، کاروباری اور آگے کی منصوبہ بندی کی صلاحیتوں پر زیادہ زور دینے کی ضرورت ہے
فلسطین، خاص طور پر غزہ میں ظلم ہے۔ پچھلے ڈیڑھ سال سے اسرائیل بنیادی انسانی حقوق کو نظر انداز کرتے ہوئے اور بین الاقوامی قوانین کو پامال کرتے ہوئے فلسطینی عوام کے خلاف واضح نسل کشی کر رہا ہے۔
اس کے خلاف آواز اٹھانا، اس ظلم پر اعتراض کرنا اور اس پر سخت ترین ردعمل دینا نہ صرف ہمارا برادرانہ فریضہ ہے بلکہ ہمارا انسانی فریضہ بھی ہے، انسانیت کا تقاضا بھی ہے۔ کیونکہ ہم سب ایک دل رکھتے ہیں۔ اسرائیل کے قتل عام پر خاموش رہنا اس جرم میں برابر شریک ہونا ہے۔
“اسرائیلی انتظامیہ اب تک 211 صحافیوں کا قتل عام کر چکی ہے”
ابھی چند روز قبل خان یونس شہر میں صحافیوں کے ایک خیمہ پر اسرائیلی فورسز نے بمباری کی تھی۔ اس حملے میں تین صحافی اپنی جان سے ہاتھ دھو بیٹھے۔ 10 افراد، جن میں سے 9 میڈیا کے ارکان تھے، شدید زخمی ہوئے۔ شہید ہونے والوں میں احمد منصور نام کا ایک صحافی بھی شامل ہے۔ حملے کے بعد احمد منصور کی اپنے خیمے میں زندہ جلنے کی تصاویر نے ہم سب کو سخت دکھی کر دیا، اس عمل نے اسرائیل کے جنگی جرائم اور انسانیت کے خلاف جرائم کو ایک بار پھر دنیا پر عیاں کیا۔
آج صبح خان یونس میں 7 بچوں سمیت ایک ہی خاندان کے 10 افراد کو شہید کر دیا گیا۔ کیا 360 مربع کلومیٹر تک محدود لوگوں پر بم برسانا ظلم نہیں ہے، انسانی امداد کو داخل نہیں ہونے دینا، اور بچوں، عورتوں، بوڑھوں اور شہریوں کی تفریق کیے بغیر مہینوں بھوک، پیاس اور دوائیوں کی کمی کا شکار ہونا ظلم نہیں؟
“مشرق وسطیٰ میں امن اسرائیل فلسطین مسئلہ کے دو ریاستی حل کی بنیاد پر ہی ممکن ہے”
حملوں کے آغاز سے لے کر، ہم نے خطے میں اپنے برادر ممالک کے تعاون سے غزہ کے لیے 101 ہزار ٹن سے زیادہ انسانی امداد بھیجی ہے۔ انشاء اللہ ہم غزہ کے مظلوم عوام کیلئے مدد کا ہاتھ بڑھاتے رہیں گے۔ ہمارے خطے میں پائیدار امن کا انحصار 1967 کی سرحدوں کے اندر ایک آزاد، خودمختار اور علاقائی طور پر برقرار فلسطینی ریاست کے قیام پر ہے، جس کا دارالحکومت مشرقی یروشلم ہو۔
ایک بار پھر واضح ہو گیا ہے کہ ترکیہ کے بغیر یورپی سلامتی کا تصور بھی نہیں کیا جا سکتا”
نیٹو، یورو-اٹلانٹک سیکورٹی کی بنیاد، ترکیہ کی خارجہ پالیسی اور ہمارے ملک کی سلامتی کے بنیادی ستونوں میں سے ایک ہے۔ ان دنوں جب نیٹو کے مستقبل اور یورپی سلامتی کے ڈھانچے کے بارے میں بات چیت ایجنڈے پر ہے، یہ ایک بار پھر واضح ہو گیا ہے کہ ترکیہ کے بغیر یورپی سلامتی کے بارے میں سوچا بھی نہیں جا سکتا۔ نیٹو کی دوسری سب سے بڑی زمینی فوج کی کمانڈ کرتے ہوئے، ترکیہ مستقبل میں یورپی سلامتی کی ذمہ داری لینے کے لیے تیار ہے، خاص طور پر اپنی دفاعی صنعت کے ساتھ، جہاں اس نے حالیہ برسوں میں بڑی پیش رفت کی ہے
