پاکستان اور بھارت کے درمیان بڑھتی کشیدگی اور جنگ کے خدشات کے درمیان ہی میں ترکیہ نے پاکستان کے ساتھ اپنی دوستی اور برادرانہ تعلقات کا حق نبھادیا ہے۔ ترکیہ کل ر ات سے پاکستان کو ہتھیاروں کی کھیپ بھیجنے کا سلسلہ جاری رکھا ہوا ہے۔
اطلاعات کے مطابق ترکیہ سے اسلحہ لے کر کارگو پروازیں اسلام آباد پہنچ گئی ہیں۔ یاد رہے قبرص کی جنگ کے موقع پر پاکستان ہی واحد ملک تھا جس نے فوری طور پر ترکیہ کو جنگی سازو سامان سے لدے طیارے بھیجے تھے اور ترکیہ نے قبرص کے ایک حصے کو یونان سے آزاد کروالیا تھا۔
اب ترکیہ نے سب سے پہلے پاکستان کو ہتھیاروں کی کھیپ ب بھیج کر پاکستانیوں کے دل جیت لیے ہیں۔
ذرائع کے مطابق کل رات ترک فضائیہ کے 6 عدد C-130 ہرکولیس ملٹری ٹرانسپورٹ طیارے کراچی اور اسلام آباد میں لینڈ کیے ہیں ، جو کہ انقرہ-اسلام آباد فوجی شراکت داری میں اضافہ کا اشارہ دیتا ہے اور ترکیہ پاکستان کا ایسا دوست اور برادر ملک ہے جو پاکستان کی خاطر ہر وق قدم اٹھاسکتا ہے جس کا پاکستان کی جانب سے اشارہ کیا گیا ہے۔
اگرچہ اس بارے میں کوئی سرکاری بیان نہیں ہے کہ کارگو طیاروں میں کیا لے جایا گیا، انڈس وائپر نامی X صارف کی ایک پوسٹ کے مطابق، KARAOK اینٹی ٹینک میزائل اور مختلف TB2 S/UAV گولہ بارود جیسے MAM-L، MAM-C اور KEMANKEŞ پ جیسے جنگی سازو سامان کو ترکیہ سے پاکستان پہنچادیا گیا ہے۔ اس کے علاوہ پاکستان کو ترکیہ کی طرف سے بھیجے گئے ہتھیاروں میں Bayraktar TB2 ڈرون، چھوٹے ہتھیار، سمارٹ بم اور گائیڈڈ میزائل سسٹم شامل ہیں۔ کشمیر میں کشیدگی بڑھنے کے ساتھ، ایسا لگتا ہے کہ پاکستان اپنے قریبی دفاعی اتحادیوں میں سے ترکیہ اور چین پر بہت زیادہ انحصار کر رہا ہے
یادرہے کہ یہ پیش رفت اس وقت سامنے آئی ہے جب پہلگام حملے کی وجہ سے دونوں ممالک کے درمیان علاقائی عدم استحکام بڑھ رہا ہے۔
رپورٹ کے مطابق پاکستان ایئر فورس (PAF) نے بڑھتے ہوئے علاقائی کشیدگی کے جواب میں پنسی، سکردو اور سوات سمیت اہم فضائی اڈوں کو فعال کر دیا ہے اور جنگی فضائی گشت (CAP) پہلے سے ہی جاری ہے۔