امریکی صدر ٹرمپ نے صدر ایردوان سے روس- یوکرین جنگ کے خاتمے میں مدد کرنے کا مطالبہ کیا ہے۔
ترکیہ، جس نے روس اور یوکرین کو استنبول میں مزاکرات کی میز پر لا بٹھایا تھا اور دنیا کو غلہ وخوراک کے بحران سے بچایا تھا، ایک بار پھر امن کے لیے اپنا کردار ادا کرنے جارہا ہے۔
انکشاف ہوا ہے کہ امریکی صدر ٹرمپ نے بھی ایردوان سے اس حوالے سے خصوصی درخواست کی ہے۔
اطلاعات کے مطابق، ٹرمپ نے ایردوان سے فون پر بات کی اور روس-یوکرین جنگ کے خاتمے کے لیے مل کر کام کرنے کی تجویز پیش کی۔
ترکیہ نے امریکی انتظامیہ کو پیغام دیا کہ وہ بحیرہ اسود میں جنگ کے خطرے کو مکمل طور پر ختم کرنے اور خطے میں امن، استحکام اور سکون کے قیام کے لئے ضروری مدد فراہم کرنے کو تیار ہے ۔
8 سے 11 مئی کے درمیان روسی صدر ولادیمیر پیوٹن کو ایردوآن مستقل جنگ بندی کے لیے قائل کر سکتے ہیں۔۔
ترکیہ نے 2022 میں روس اور یوکرین کے درمیان بحران کے خاتمے کے لیے تیز تر سفارتی کوششیں کیں اور فریقین کو استنبول میں مذاکرات کی میز پر لایا۔
ترکیہ، ان چند ممالک میں سے ایک ہے جنہوں نے جنگ کے آغاز سے ہی دونوں ممالک کے ساتھ اچھے روابط برقرار رکھے ، توقع ہے کہ ترکیہ فریقین کو ایک ہی میز پر مسائل کو حل کرنے اور مستقل جنگ بندی کے لیے پھر سے بٹھا دے گا۔
