وزیر اعظم پاکستان محمد شہباز شریف صدر ایردوان اور ترکیہ سے اظہار تشکر کے لیے استنبول پہنچ گئے ہیں۔
استنبول کے ہوائی اڈے پہنچنے پر ان کا استقبال وزیر قومی دفاع یشار گیولر ، ڈپٹی گورنر استنبول، اردوان طوران ایرمش ، پاکستان کے ترکیہ میں سفیر ڈاکٹر یوسف جنید،قونصل جنرل استنبول نعمان اسلم، حکومت ترکیہ کے اعلی حکام اور ترکیہ میں تعینات پاکستانی سفارتکاروں نے انکا استقبال کیا۔
وزیراعظم شہبازشریف ترک صدر رجب طیب ایردوان سے آج ملاقات کریں گے۔
دونوں رہنما ترکیہ اور پاکستان کے درمیان دفاع، معیشت، سیاحت اور ثقافت سمیت مختلف شعبوں میں تعاون کو مزید وسعت دینے پر بھی بات چیت کرینگے۔
وزیر اعظم کے دورے کا مقصد ترکیہ کے عوام اور بالخصوص صدر ایردوان کا پاک بھارت حالیہ کشیدگی میں بھرپور تعاون اور حمایت پر شکریہ ادا کرنا ہے. ترکیہ نے ہمیشہ کی طرح اس مرتبہ بھی جب بھارت کی جانب سے پاکستان پر جنگ مسلط کی گئی، میں پاکستان کے اصولی موقف کی بھر پور حمایت کی۔
نائب وزیر اعظم اور وزیر خارجہ محمد اسحاق ڈار، وزیر اطلاعات ونشریات عطا واللہ تارڑ اور معاون خصوصی طارق فاطمی بھی وزیر اعظم کے ہمراہ ہیں۔